又一架出事積木CIVIC......

積木車撞樹　安全帶保命
車斷兩截　三人安坐車廂
2011年02月21日  蘋果日報

【本報訊】屯門青雲路昨凌晨發生私家車撞樹解體驚險意外。一輛懷疑由組件接焊（俗稱積木車）的私家車失控，鏟上石壆連掃兩樹後，再攔腰猛撞第三棵大樹當場斷成兩截，車頭連軚盤的前半截靠在大樹旁，連着四個座位的後半截「殘骸」則飛彈向前，幸好男司機及兩名男女乘客因扣上安全帶不致拋出車外，奇蹟地僅受輕傷送院，警方事後拖走兩截殘骸檢驗。
記者：李旭基　程智堅

大難不死三名傷者包括 29歲姓胡男司機， 22歲姓關男乘客及 20歲姓杜女乘客，三人扭傷頸部，以前座的胡、關兩人傷勢較重需要留醫，後座姓杜少女經治療後已出院。

被撞散私家車是本田思域 Saloon型號，按運輸署登記資料，該車於 92年出廠，有 19年車齡。警員在場調查期間，發現肇事積木車後半截車身的前後座位之間，安裝有一個叫「防滾架」（ roon bar）零件，懷疑該車改裝。
昨凌晨零時許， 29歲姓胡男子駕駛有 19年車齡私家車沿青雲路行駛，當時前座有 22歲姓關男乘客，後座有 20歲姓杜少女。私家車沿青雲路向屯門碼頭方向行駛，在輕鐵青山村站對開處失控，鏟上右邊石壆花圃衝前 5米。
私家車先撞向兩棵小樹，再攔腰猛撼第三棵約 5米高大樹後，當場解體攔腰斷成兩截，其中車頭連軚盤前半截停在大樹旁，連着四個座位的後半截車身則餘勢未了，再飛彈向前。
現場消息稱，當時男司機及乘客等三人均扣上安全帶，留在座位上未被拋出，得以撿回性命，但三人早已嚇至目瞪口呆，並在猛力撞擊下扭傷頸及手腳，呆坐車廂待救。此時，有駕駛人士停車相助，有人合力救出大難不死司機及男女乘客，有人代為報警求救。

消防員及救護員接報到場替 3名傷者敷治，當時三人仍然清醒，為防他們頸骨受傷，救護員替三人戴上頸箍，其中男司機左小腿撞傷，男乘客亦撞傷手腳，後座女乘客傷勢最輕，分別由救護員送院。
香港汽車工業學會會長李耀培指，「防滾架」並非汽車原裝組件，一般安裝於前後座位之間用於穩固車廂，防止汽車被撞後車身「摺埋」傷及乘客。
理工大學機械工程學系盧覺強工程師稱，原廠汽車可承受 4噸撞擊力，若事發時速 50公里，汽車鏟上石壆及撞樹，產生撞擊力僅 1.7噸仍能將車撞散，懷疑該車是積木車。

*****************************************
買果個人真係......架車有個咁O既防滾架都敢買......

所以我就算幾鍾意CIVIC都好,都唔敢買二手......因為實在太多呢O的咁O既問題.......

基本上買二手車,係O岩的話一定要上架CHECK.........

人地都話架車唔係快,但都咁斷開.....一定係積木車囉.......

如果係快,果四個人邊有咁輕傷啦......

唔識咪亂講~!你同我快既定義完全唔同!你覺得新閒信得過?你見過幾多事故車呀?
達人 發表於 2011-2-21 13:57

                               
登錄/註冊後可看大圖

就係冇見過先信專業人仕意見嗎,唔係專業人仕意見講嚟做乜呢?哈!

上架有用.....

我之前睇幾架車.一入車房就現晒形......

上架人地會幫你慢慢照,不單止睇到有冇接駁,仲可以睇下O的呔呎懸掛有冇變型,防塵蓋有冇爛....
仲有有冇漏油,漏到去邊......

好多時唔上架唔照,會睇唔出.....

宜家O的人賣車,好多時都唔介意上架.....因為都唔駛佢俾錢.....唔O岩唔買佢又唔會死.....