Futaba 3PL 2.4G 轉mode

請問師兄們，Futaba 3PL 2.4G 可以儲存幾架車的不同setup, 例如中位，大細軚角，正，反向等等，但是當我set咗3架車，car1-car3, 我應該點樣喺支控上面shift呢三架車呢？我又唔想一路㩒粒圓形掣walk through曬所有setting,驚唔覺意郁咗任何已經set好咗的嘢。請師兄指教，唔該先。

其實你應該詳細參考一下本說明書。
3PL其實係一支唔錯既入門控，不過好多人嫌佢樣衰…… 功能什麼的唔差，成日買功能多果d控，自己用唔着就買黎把鬼。基本上支控所有setting都係靠右邊果粒大button同埋軚環邊兩粒微調button去調較。
按一下大button，就會見到用緊既mode名稱，如果冇改名就係M00。按一下左右微調的左右就可以轉去第二組mode。
支控分別可存10組mode setting ，每組setting都齊ch1,2,3, ch4只會係玩四輪轉向mode出現，當然仲可以改名，變更模式等等特殊功能。
所有button按法都係說明書都有詳細指導，字面上教唔倒你咁多，摸索一下吧，支控唔難用的。
我由一開始玩車到而家都係用緊呢支控，我自己覺得唔錯。

TIERIA 發表於 2014-11-26 18:14
其實你應該詳細參考一下本說明書。
3PL其實係一支唔錯既入門控，不過好多人嫌佢樣衰…… 功能什麼的唔差， ...

就係㩒完粒圓掣之後再撥軚盤上面粒掣轉mode, 但係之後mode number仲閃緊，要繼續㩒圓型掣等每個setting, 包括每個channel正反向，大細角，有冇ABS...全部掃一次，直到去返mode number唔閃為止。唔知原廠設定是否如此？

你轉完想用呢個設定啦！冇野較啦！按實圓掣兩秒，會去返首頁同埋save左設定

Yes, Thanks C Hing