二千蚊買邊款航拍機好?

新手一問. 如果我預二千蚊, 可以買邊款航拍機? 其實我心目中有以下三個方案, 希望各位師兄可以指教下:

1) SYMA X8系 + Moibus + 精準遙控
優點: 換左鏡頭, 拍片會夠清; 聽聞換埋精準遙控, 可以飛遠少少同埋無咁易失聯 (其實真係有冇用架?)
缺點: 無一D安全功能, 包括無電/失聯會自己回航之類既野. 其實部機如果有無頭模式同一鍵返航既話, 我暫時都未炸過機.

2) CX-20
優點: 有GPS, 起碼可以做到POSITION HOLD等等, 又有上面講過既安全功能
缺點: 好多人話cx-20好易走機. 另外就係原裝鏡頭拍野唔會靚得去邊

3) 二手Xplore V
優點: 一買返黎就乜都有, 將來仲可以隨時Upgrade軟硬件.
缺點: 最少要拎多千幾蚊出黎, 仲要佢一舊電都要八百蚊, 將來一闊三大.

其實我之前玩過JJRC既H6C (迷你機)同埋 X6. 我寫旅遊BLOG的, 主要係拍片, 唔會飛好高好遠, 最多影下建築物, 影下周圍環境咁樣. 唔會飛到入雲咁高. 所以有冇FPV我無乜所謂. 反正部X6都可以飛到廿幾層樓高.

感謝指教.

執齊料、雲臺、相機、圖傳、mon等，CX20都唔止二仟，靈道V版都唔止二仟。

咁你有冇試過X6飛廿幾層樓高？效果如何？

其實X6都算定，但係無乜安全措施，例如無電/失聯會自動回航等。同埋無定高，飛到廿幾樓，都睇唔到佢升緊定降緊。