本帖最後由 cptkirk9 於 2012-3-22 09:44 編輯
今次禁止用海綿胎嘅事件上, 可以咁講我係受影響嘅人之一, 亦都被好多師兄認為係今次事件上有攪事成份嘅人。 我亦想喺呢度用我嘅角度去表達一吓今次事件有咁多負面反應嘅原因。
我無玩遙控車都有成二十年, 喺兩年前先至開始响煙廠街玩翻dNano。 亦都因為咁而識咗一班好啱傾嘅車友, 不過因為車場搬遷同埋喺好短時間內結業而無得玩。 當時都有幾個車友喺MMS玩開車, 所以我都決定轉玩Mini-Z。
我係响舊年年中第一次上MMS, 感覺上唔錯同埋地方大好多。 重有見翻之前玩開dNano嘅車友一齊玩車就重好玩, 就算我第一次玩Mini-Z, 有嘢唔識都可以問佢地。 亦正因為咁, 我架AWD用上咗第一套海綿胎。 而呢套胎我亦都係同力蘇買嘅, 我重記得佢搵咗一陣先至摷到出嚟, 因為嗰包胎都幾大包吓。
自始之後我亦開始轉玩海綿胎, 因為我手車唔掂, 用海綿胎對我嚟講係較易控制。 如事者我玩車嘅時間亦都多咗, 我亦都由逐次俾錢轉做月費。 其實我地一路玩嗰陣都聽到有啲師兄話叫力蘇唔好俾人用海綿胎, 我地亦都問翻力蘇係唔係, 而佢答覆我地係無問題嘅, 可以照玩。 至於唔俾人用海綿胎嘅聲音亦耐不耐出現, 而我地亦一再得到嘅答覆係照用。
因為我地幾個車友覺得玩車多咗, 亦覺得大家會繼續玩一段較長嘅時間, 不如夾埋租間房, 玩得舒服啲。 我地亦都喺租之前再問力蘇, 租房嘅事我地唔會係玩玩吓嘅, 幾個車友都承諾起碼玩一兩年, 當係對力蘇嘅一份支持。 不過我地如果長租的話想知道玩海綿胎有冇問題, 而力蘇亦都應承咗可以。
有咗房之後我地亦都因為玩得多咗, 覺得不如買埋磨胎機, 咁就玩得更加爽啦!
點知整吓整吓, 磨完AWD, 又要磨03, 攪到房入面最終有成四部Hudy磨胎機!
但係Hudy嘅砂輪好快磨完, 又要成二百幾銀一個, 好鬼貴!
所以我地幾個話不如夾錢買部車床嚟磨就唔洗煩。
買車床呢件事亦係由我負責嘅, 上網揾Sell-it-easy, 落Order, 追Order都係我, 張單嘅copy我都可以俾你地睇。
|
樓主: kaka820
[複製鏈接]
