各位買家賣家請小心呢位F888！

話說呢位人兄出咗個post想買SP Program Card，正常地pm佢有全新嘅Program Card 可賣比佢，係年廿九個晚就比咗相佢睇。呢位人兄係年三十當日都有聯絡我去傾張card嘅野，我都有係電話度答佢。到咗年初一朝早10點左右又打電話比我又what’s app 我問野，我都照答！到年初二，佢係what’s app 度覆我話「OK交易」！跟住我就約佢時間同地點，佢話唔得！OK冇所謂咪再約佢聴日，佢又話唔得要「個新年後OK」！咁即係點呀？大年初一都過咗唔係要等到過埋「正月」或者2014年至買呀！當時真係有D火咪問佢即係幾時呀？之後就冇再覆啦！OK咁都算！或者人哋有事唔得住姐！於是，係上星期五同今日都再what’s app 佢問吓究竟要定唔要？到現在都冇覆過！

其實，都係一句姐！應承咗話要，之後話唔要我都冇計！我都冇辦法迫個買家要咗張Program Card 架！但係呢位人兄三番四次追問都唔肯回覆人哋，真係極之冇品兼冇禮貌！

所以，其他師兄同呢位人兄交易的話請小心！