如果響九龍區開個理想既車場.....唔知我既諗法有冇得做....

其實香港玩RC既圈子，大部份都集中哂響廣華街
咁如果響九龍區開個全天候既車場應該唔難，最難係點樣先可以集合多幾間大既車舖黎做支援
最理想既車場，可以一次過有齊最大路果幾種車既場
當租一個全層既工廠，分開一個專玩電車既、一個專玩油車既、一個泥路場一個立體飄移場同一個Mini-Z場
咁樣分四區，每區都有Pit位、locker，而零件、補給方面就要靠各大車舖既支援，開一間車仔士多齊零件既
水電飲食呢d當然唔少得啦
咁樣一站式既場，統一哂響一個地點，定期搞比賽又得，平時玩又得
一層唔夠用兩層夠唔夠?
如果搞得到咁既規模，定期又搞下交流比賽，相信仲會吸引到外國車隊甚至大廠加入
人地外國車隊都會有自己主場啦，點解我地香港唔得?
到時我地d車友又會多一個浦點啦
收費方面唔同區唔同收費，如果想玩哂全場又一個收費
講真...收費都唔會話貴得去邊，$150以內玩全日假期貴少少都唔成問題
認真搞又搞得到咁既規模既話點會返唔到本？點會冇得賺？
海洋公園、迪迪尼呢d咁大型既遊樂場都係收你舊幾兩舊玩全日開支咁大都賺到停唔到手
搞個車仔場雖然圈子有限，但搞得好搞得吸引既話，玩既人只會越黎越多
依家大部份流失既車友都係冇人一齊玩又冇一個吸引到自己既場地玩
就好似我仲讀緊書果陣晚晚自己一條友響球場、公園、橋底玩幾排電就返屋企一樣
好冇癮...整整下又唔玩
到依家有返d叫正式d既場地又吸引返我玩，仲晚晚去添
計我話....點會冇得做，點會冇得賺
紅磡、土瓜灣呢d夠哂大夠哂平租，交通又唔會太唔方便
可以既話...各位有能之仕諗諗計一齊夾計搞搞佢啦

[ 本帖最後由 DONCENT 於 2007-11-4 06:00 編輯 ]