摩星嶺 20/03/2010 (六)

我地set好哂野開始分人打啦，每邊大約二十人，分好哂就一隊人即我隊去平原另一邊既石屋旁等開始，等既時候聽到石屋果邊有好多人聲，諗住係有隊友準備由果邊抄後突襲所以冇理會，冇幾耐大家用電筒示意位置同準備好之後雞聲一響我地就開始走位，當日因為我有戴夜視鏡，所以負責帶幾個隊友到左邊高位取制高點報敵人位置，點知怪事就開始黎.....

當時地形圖

登錄/註冊後可看大圖

我搶到高位時用對講機問其他分隊就位未，但聽到好多雜訊聲同一d奇怪對話聲，諗住因為太近雷達可能扞擾關系，跟住就等左一陣睇下有冇動靜同駁火，當晚明月高掛又冇乜雲，就咁用肉眼睇平原有冇人走動其實都幾清楚，冇幾耐就聽到激烈既駁火聲，我照舊做返自己崗位報告敵方位置同側面上前偷襲，奇怪地槍聲一直冇停過亦冇人叫死返出黎，呢個時候我副夜視鏡好似電視機壞壞地咁個畫面係咁閃，心諗冇可能會咁，因為佢只係一副光學器材而唔係攝錄機，檢查整理好之後戴返好一望向平原就見到好不可思議既畫面.......

見到呢個畫面個心即刻寒哂...即刻問我d隊友見到平原有d乜，佢地話乜都見唔到不過突然覺得好似凍左好多咁...
我再用對講機問平原d隊友見到面前有d乜，佢地話同敵人好近好多人，不過好似打極都唔死咁，呢刻我就心知不妙，因為我玩開呢班戰友好君真，中槍一定認死，漸漸我聽到越黎越大聲類似步操聲，我再用夜視鏡睇清楚全場環境後都唔敢相信見到既野，俾埋副鏡身邊兩個隊友睇，一個話見到同我見到既一樣，一個就話乜到見唔到....大獲！同佢地商量點算好，最後唯有吹雞停game拉大隊走，點知大家都好突然點解未玩完未有人死就叫完場....我地都唔敢講咩事住，總知叫大家走左先，點知後面有個隊友好似發左狂咁大叫仲極速走左去，有d隊友聽到佢叫乜所以都即刻急急腳走，有部份仲懵然不知問咩事問咩黃巾，我地只好叫佢唔好問咁多拉佢走，突然前面有人拉停左發狂果位隊友叫佢冷靜d問發生咩事......

呢個時候，果位發狂既朋友靜一靜...然後一邊喊一邊大叫"皇軍呀！日本皇軍呀！快d走呀！"所有人都知咩事即刻九秒九閃，冇錯！我同隊友響夜視鏡裡面見到既就係當年既日本皇軍！平原中間插住支舊日本軍旗，雷達位置見到有軍營、軍車同一d人搬運緊野但唔係著軍服既，石屋果邊唔再係叢林，只見到有d軍人帶左一班看似犯人既人出黎一排跪響度，佢地面前有兩個人應該係軍官，讀完一張紙後就將跪響度既人全部殺哂槍殺、刀斬、刺刀乜都有....然後埋落地下....當時見到既畫面比較濛，但睇得出被殺既人既衣著有可能係中國人，而我當時聽到既聲，係整齊既腳步聲，而對講機裡面隱若聽到日語對話....點解我會咁驚係因為當時我戴夜視鏡見到果d野，唔戴就見唔到，同埋發狂果位朋友好肯定佢係用肉眼見到......

本身我唔多信鬼神野，但經過呢次之後....唔到我唔信.....

有無這麼強猛?? 真係不信...

回復 27# glen6831

我自己唯一可以諗到比較科學少少既解說，可能因為果度曾經死過好多人，而果d人大多都係枉死既，所以果d所謂怨氣或怨念殘留既能量或磁場好強，加上可能因為果度有個雷達響度，咁o岩對電磁波有影響或產生共鳴，令到一d時運底或比較容易見到呢d野既人更易見到.....
我亦問過一d靈異靈探網站既師兄，佢地都話果度真係好猛，佢地亦有試過去果度靈探，有d話有法術或有修行既人同行去過都話普通人冇乜特別事黃昏入夜後都唔好上去果度或逗留，以免有危險.....
聽佢地講有d修練人仕會夜晚上山收魔伏妖黎增加功力，墳場、礦場、山洞同埋呢類怨氣重或死過好多人既地方都係佢地首選.....
可想而知呢d地方夜晚咩料.....

大家可以當故事聽完得個知字就算，真係千祈唔好親身上去試或探險.....

哈哈, 那又真係幾古怪
不過, 平生不作虧心事... CHING 不用怕!!咪當那天參加了一場有特技的 WAR GAMES LOR...呵呵!! 如果係我, 我一定同 D 死日本仔併過. 因為我最憎係死日本皇軍, 所以一架日本仔的軍事模型一架都無. 可惜係大陸模型太粗糙, 如果唔係我一定有很多國產模型....
依家我唯一國產的 HL TIGER I 仍在 MODIFY 中,但回想 MODIFY 過程又真係幾好玩...唉, 真係前言不對後語.

幾時再有團玩

哈哈, 那又真係幾古怪
不過, 平生不作虧心事... CHING 不用怕!!咪當那天參加了一場有特技的 WAR GAMES LOR ...
glen6831 發表於 2010-3-31 17:26

                               
登錄/註冊後可看大圖

其實我都好中意中國製既坦克，但好可惜HL同日本都冇出，否則我會買黎玩
特別土氣既軍綠色，加上炮塔上鮮豔的一粒紅星，好特別

本身我唔多信鬼神野，但經過呢次之後....唔到我唔信.....
水都丸 發表於 2010-3-31 03:05

                               
登錄/註冊後可看大圖

之後有冇見到?????

回復 32# albertau2011

之後都試過響另一個地方打wargame見過，不過呢次係我隊友見到先，呢個地方響元朗屏山
事後佢有打過電話去恐佈熱線講，最巧合就係冇幾耐之後，有線既怪談都帶攝製隊同師父去靈探，仲影到同我地見到一模一樣既野，事隔幾年後我識得一位會去靈探網聚既朋友，同佢講過呢件事之後，冇幾耐佢就組隊去果度靈探，返黎之後講返俾我聽一d更不可思議既事......
如果想知請去吹水區開個post，免得影響坦克區朋友

回復  albertau2011

之後都試過響另一個地方打wargame見過，不過呢次係我隊友見到先，呢個地方響元朗屏 ...
水都丸 發表於 2010-3-31 19:06

                               
登錄/註冊後可看大圖

水都丸 C Hing,

話時話, 我都有看怪談同陰間電台, 都想知八卦野.

你可PM給我看? 我信架!

(我估你話響元朗屏山果間小學)

回復 34# Skipper

冇錯....就係果間小學

'靈探網聚', any link?? Please PM, thanks

Cool............

摩星嶺 ivan dr-z 上斜

http://www.youtube.com/watch?v=5TwFvg979sc&feature=related

下次可唔可以一齊玩

Of Course