新手一問 - 怎樣配SERVO?

廿幾年冇掂過D車，而家想玩返，但個世界唔同晒，變返好似新手一樣...所以有好多野想問...

我見而家好多遙控器都係"遙控 + 接收器" 咁賣，唔跟SERVO，想問下

1) 係咪一定要買返同一牌子的SERVO先得? E.G.我買FLYSKY支槍控，可唔可以插FUTABA的SERVO?
2) 而家D SERVO大概幾錢?
3) 分開買係咪抵玩D?

謝謝

我都係新, 大膽又答下咀,

以我所知, servo 係唔使跟返控. 我用flysky 控, 已經搭過幾個牌子servo 了.

平既, 大陸servo, 五六十蚊RMB 都有, 貴少少, 台灣牌子, 三百幾. 再貴, 日本貨, 唔使講了.

分開買定夾埋買, 我估都要睇你玩乜車種, rock crawler 要個servo 大力D, SC 細少少, 跑車又再細力D 都得, 睇你個套餐係咪搭啱你心水.

1) 唔一定要用番同一牌子既servo  當然可以la

2)servo平既可以$70-80 貴既可以去到$300-400一隻

3)當然唔係la
當你玩車速快既一定要用d反應快d既servo
如果你係玩慢爬既話可以用慢d同大力d既servo

Thank you 兩位 CHING~ 我覺得哩個網相當唔錯~ 哩度D CHING好肯幫人~~ 謝謝你們~~

呢度學到好多嘢，好多師兄都好肯幫新人．．．我同你一樣好耐無玩，上個月先開始再上路．．．
Servo 要睇你玩咩車，快平跑、越野同慢爬都唔同，可以睇自己需要由反應同扭力去選擇，我唯一堅持係揀金屬齒頭，膠頭無咁耐用．．．

係呀... 我都係想找回童年回憶，只係想(暫時....)買返部TAMIYA XR311嚟玩，所以開始睇緊...但好多嘢都同以前唔同晒 (E.G. 而家D電又話會爆炸咁...ETC),自己又唔記得晒, 所以想搵D CHING幫下手，想買D基本嘢嚟玩XR311，要求唔高，遙控、電、差機有冇介紹?

Cheetah 發表於 2014-1-17 13:46
係呀... 我都係想找回童年回憶，只係想(暫時....)買返部TAMIYA XR311嚟玩，所以開始睇緊...但好多嘢都同以 ...

我都係老人新手，大家研究下，講錯唔好打頭．．．．．．我個人認為唔係玩快車就可以慳少少唔使買太高級嘅型號，因為加加埋埋都幾貴，除非師兄你筆直好鬆動，錢唔係一個問題。

                               
登錄/註冊後可看大圖

好多師兄用 Savox，不過價錢要 $3xx 以上，平少少又反應快嘅可以考慮 FEETECH FT5478M / Power HD DS-1206TG / XCore 0907，價錢 $15x~$23x，平嘅可以睇下  Power HD HD-6001MG / TowardPro MG996R / Futaba S3003，價錢 $100 或以下。
我初時都諗住用番 Ni-Mh 電，又係驚鋰電爆，不過拎起過鋰電又真係輕一半，所以膽粗粗都買入試，用過三四次又覺得 ok 喎，好力過 Ni-Mh 好多，只要留意唔好過差或過放，暫時都 ok。
差機唔少師兄都用 $500 或過千嘅差機，不過見你玩 XR311，都似純玩樂性質，普通類似 B6 有 5A 左右嘅差機都可以，如果心急想差快啲，可以買 10A 或以上，一次過差幾舊。
控一係就大牌子過千，Futaba / Sanwa 嗰啲，平平地就大陸 Flysky GT2B / GT3B / GT3C 玩住先都得，淘寶仲有其它炒人高級款嘅，二百幾三百就有。

謝謝GARY師兄~ 我都睇緊FLYSKY，其實GT3C 同3B 的主要分別係咪3B係乜? 係咪GT3C同鋰電而GT3B只可用筆芯電? 而GT2B就係再舊款D冇咁多嘢可SET同冇左個SCREEN?

咁睇嚟好似鋰電抵玩D喎~ 好! 諗諗先~

謝謝你~~

兩者功能差唔多，GT3B 都可以改用細鋰電，但以價錢重量，GT3B 用筆芯電比 GT3C 重近一倍，不過 GT3C 個開關啲人話設計唔好較易壞。GT2B 都係 3 channels，無 screen ，調教係似以前啲控咁扭制。不過 Flysky 做工一般架咋，但功能就問題不大。

3B同3C好似差唔夠$100，好似3C抵玩d踻，係咪？不過有冇人真係壞過開關呀？另外我見倒Futaba$500樓下（好似連servo),點睇？

3B 用 AA 電重，轉鋰電都一百幾十，不如直接買 3C ，開關係有人壞，但應該係好少事，自己都可能整到。
Futaba 係好入門嗰隻，唔知包唔包 servo 喎，做功當然好啲，但以功能計 C/P 值不高。

Thank You Ching~

而家XR311車已買, 睇緊以下:

控: FLYSKY GT3C
叉機: iMAX B6 Lipro Balance Charger
電:  BY Moli 4200Mah 30C 圓身鋰電池 (睇kkchung ching 推介比新"小"朋友)

所以而家有幾個問題:
1) 因為XR311送的電變是TEU-104BK, 如買GT3C控好似要加B.E.C. Regulator (又係睇kkchung ching講), 請問知唔知大概幾多錢?
2) BY Moli 4200Mah 30C 圓身鋰電池啱唔啱XR311用?
3) iMAX B6 Lipro Balance Charger可唔可以叉BY Moli 4200Mah 30C 圓身鋰電池? 會唔會太勁燒野?
4) 其實D電池所謂嘅"C" (e.g. 30C)係指乜野? 而"mAh"越大係咪代表玩得越耐? 定係講緊架車跑得越快?

控同叉機我都無乜意見，好多人都用，問題不大。

1) 因為XR311送的電變是TEU-104BK, 如買GT3C控好似要加B.E.C. Regulator (又係睇kkchung ching講), 請問知唔知大概幾多錢?
    呢篇文有師兄講解咗個問題，亦提供自己加 BEC 嘅方法，十蚊八蚊搞掂。
2) BY Moli 4200Mah 30C 圓身鋰電池啱唔啱XR311用?
    你可以問下舖頭 XR311 放唔放得落硬盒 Li-Po 電，如果放得落，我會建議用硬盒電。
3) iMAX B6 Lipro Balance Charger可唔可以叉BY Moli 4200Mah 30C 圓身鋰電池? 會唔會太勁燒野?
    差鋰電唔好高過 1C 電流就得，粗略講 1C 即係 4200mAh 電，唔好用超過 4.2A 去差，唔係你舊電就好易壞(鋰電會有著火危險)。
4) 其實D電池所謂嘅"C" (e.g. 30C)係指乜野? 而"mAh"越大係咪代表玩得越耐? 定係講緊架車跑得越快?
    mAh 係容量，越大就越玩得耐，舊電亦越重，V 數越高，車速越快，但要個電變頂得住先得，C 數越高，輸出越大，慢車 40C 以下問題不大，快車就最好 45C 以上。

Thank you ching~

其實點樣先知個接收器用唔用倒個電變是TEU-104BK？幾時先要要加B.E.C. Regulator？

Ching點解建議硬盒電嘅？

Cheetah 發表於 2014-1-25 12:48
Thank you ching~

其實點樣先知個接收器用唔用倒個電變是TEU-104BK？幾時先要要加B.E.C. Regulator？

撞鬼，上次答你時明明 paste 咗條 link 比你，點解唔見咗嘅？

呢度有師兄解釋因為 TEU-104BK 過高，所以接收會死，詳情你睇下內文......
http://rc-evo.com/xbbs/forum.php ... highlight=TEU-104BK

買左IMAX B6差電機同埋BY 3200mah 7.4V 25C 2S鋰電，想問下：

1）用balance mode差，係咪插埋舊電個白色插落去差電器個2cells位（三隻腳），然後揀3.2C同7.4V? 差夠佢就會自己停？大概要差幾耐？
2）玩完用storage，揀1A同7.4V? 又係會自己停？

謝謝

Cheetah 發表於 2014-2-9 13:04
買左IMAX B6差電機同埋BY 3200mah 7.4V 25C 2S鋰電，想問下：

1）用balance mode差，係咪插埋舊電個白色插 ...

1) 你揀 Balance Charge 2S，佢自己會定 7.4v，你只要定 3.2A 就得，應該無一樣叫 3.2C 嘅比你揀。
2) 玩時唔好玩到無晒電，我會定 3.4v 為最低點，但安全嘅可以玩到 3.6v 就停，正路玩完用 Storage Mode 差番就得，自己會停機。有老闆教 Storage Mode 後要差放幾次電嘅輸出先會到最爆，所以我係比較懶，買多兩舊電，玩到 3.9v 就停，玩完收埋唔使差，下次玩差滿就得。當然，如果諗住好耐都唔玩，都係用 Storage Mode 差啦。

多謝gary師兄~

係，3.2A，打錯字...
咁即係諗住好耐唔電先洗用storage mode?
平時玩完下次就咁差返電就得？
如要storage mode,揀1A 同7.4V有冇錯？定係3.8V?
Thanks

搭下咀先...我都係老人新手...
十幾年前玩FF01, TA03.....電變係用咩TP02(唔知有無記錯,土炮野,紅色既)

而家興起想重新入門, 買左架TB02(唔好問我點解,純粹因為平HAHA)
行左KWS同爬左半日文, 真係咩都唔同晒.......

岩岩買左個MG 996R servo, 因為貪佢平~

其實買架車返黎主要都唔係想鬥快-,-
而家純粹想過下砌車癮~

其他電子野. 電&charger 咩都無....都係度搵緊.... 唔知各位ching有無咩平平地既好介紹