RC EVOLUTION - 遙控工房 - 香港RC遙控車討論區

 找回密碼
 新玩家註冊
搜索
查看: 3539|回復: 7
收起左側

[東網透視]:真‧頭文字D 玩遙控車少年變飄移車手

  [複製鏈接]
 樓主| AMAT 發表於 2018-5-29 11:22:31 | 顯示全部樓層 |閱讀模式

遊客登錄

您需要 登錄 才可以下載或查看,沒有帳號?新玩家註冊

x
bkn-20180512101525641-0512_00822_001_01p.jpg

http://hk.on.cc/hk/bkn/cnt/news/20180512/bkn-20180512101525641-0512_00822_001.html

漫畫《頭文字D》中展現的飄移技術,令不少人着迷!年僅17歲的胡浩霖(Timmy),由12歲開始迷上玩飄移遙控車,其後更遠赴日本比賽,躋身世界排名前列,今年3月他搖身一變,由遙控車高手變身為駕駛真跑車的飄移車手,正式踏足賽場,成為泛珠三角超級賽車節之賽道英雄飄移賽最年輕的參賽者,他下一個目標是成為汽車機械工程師,與車繼續結下不解緣。

Timmy從小為車着迷,無論是遙控車還是真車,設計車的外形還是研究內部機械,全都有所涉獵。他在2013年首次出外參加飄移遙控車比賽即奪總冠軍,其後更躍升為世界排名第二,並獲得日本遙控車廠贊助為遙控車手,在一次比賽中,被日籍評判看中具有飄移賽車的潛質,邀請參加飄移課程,正式踏上飄移車手的第一步!

他曾到日本接受兩日的課程,回港後師承著名車手鄧智侖。不過,由於Timmy還未成年,不能在香港駕駛,現時每月只能到珠海練習,在私人賽車場上騁馳。

Timmy憶起第一次駕駛賽車飄移,感覺是「驚」,因為真車有離心力和速度感,不過,由於真車設有防滾架,飄移速度亦不如競速賽車,故不太擔心安全問題。Timmy鍾愛飄移的美感,「真車飄移會冒煙,從高空看下去,車畫出了一個圓形。幾架車還會輪流飄移,表演『拉龍』。」

若將遙控車與真車比較,Timmy指兩者結構有九成相似,但遙控車只能利用手掣和油門「起飄」,真車還可以利用離合器和軚盤,起初練習時他就經常死火。

Timmy熱愛玩飄移但並無荒廢學業,他曾是全級第一名的優才生,已入選港科院舉辦的「名師高徒計劃」。每次出國比賽前,他都會先完成功課和溫習,他認為書本的物理知識可應用到賽車上,例如計算車的抓地力和速度,他希望能成為機械工程師,進行汽車研究,如無人駕駛、以腦電波遙控汽車及無線充電汽車,同時以賽車手的身份繼續飛馳。

「我的夢想是成為職業賽車手,在幼稚園時還畫了一本叫『我要做車手』的故事書,但賽車需要大量資金,所以希望有一份工作去支持這個興趣。」提到夢想,Timmy表現出堅定不移的態度。




 樓主| AMAT 發表於 2018-5-29 11:23:52 | 顯示全部樓層
其實玩遙控車真係學到好多O野。

好多人,由其係老一輩家長都覺得玩遙控車淨係得使錢,係個場轉轉下,俾多O的錢買O的勁O野就得......其實唔係囉。

好似片車中O既TIMMY所講,遙控車中其實有好多關於物理同數學O既知識係入面,要去理解,認識,咁先可以玩得好。

最簡單玩車唔同摩打,咩叫無刷,咩叫有刷,呢個係物理堂就已經會學。然後齒比O既配搭,要計數,要知幾時需要扭力,幾時需要速度,又係涉及咗數學同物理。到充電時,幾大電線充電,安培(A),容量(mAh),咩係C數,咩係放電指數.....仲未講埋懸掛臂設定同幾何變型O既關係等等..... 如果你係一個唔想學O野O既人,你係唔會學得到玩得好手車。

所以近年政府話要推廣STEM,你就咁講冇用,其實係要俾多O的有趣同生活性O既例子,等大家可以係生活中學習先有用。

可惜O既係香港政府就唔算係好支持,叫做有幾個開場就由得大家自生自滅,唔少人想搞BUGGY場又諸多阻撓。把口就話搞STEM,其實只係純粹一個口號。

其實玩車真係好辛苦,又要俾大陽晒,又要餵蚊。但真係希望可以等多O的後生仔可以被吸引返入嚟,唔好淨係掛住玩手機,打手遊,出嚟晒下太陽,見下陽光。
Never-N 發表於 2018-5-29 11:48:01 | 顯示全部樓層
起香港,個個向錢看。
覺得遙控車係玩具,而唔當係一種興趣一門學問一門藝術。
希望遙控車競賽可以好似電競咁樣被世人視為運動,而唔係小孩玩意。

期待起未來聽到更多少年車手既消息。
 樓主| AMAT 發表於 2018-5-29 12:24:42 | 顯示全部樓層
Never-N 發表於 2018-5-29 11:48
起香港,個個向錢看。
覺得遙控車係玩具,而唔當係一種興趣一門學問一門藝術。
希望遙控車競賽可以好似電競 ...

通常你一玩某一樣活動,啲人就會問喇(通常老一輩):搵唔搵到錢先?

好似如果你學某一樣活動,係搵唔到錢O既,就唔會覺得應該去學.....
又或者一定要幾快攞到啲乜CERT.....可以搵學校搵工有用......


好似學鋼琴,因為要佢第時冇得撈時可以教鋼琴。
總之學乜都要做到職業先去學,一定要有著數先學。

不過,事實上香港玩遙控車,比起外國係真係前途細好多(好似)。

外國車手玩遙控玩得叻,係有人OFFER一個月薪俾你去玩,你係唔駛做其他O野,只需要專心鬥車同埋研究點樣快。
但香港......冇人會俾呢個OFFER俾你,最多俾架車你揸,你都係要有自己正職。

又或者係,去遙控車公司到打工囉....哈哈!

其實香港好多出遙控車同配件O既公司,但就係出唔到職業遙控車手呢......

feihung 發表於 2018-5-29 15:46:02 | 顯示全部樓層
7777
hing830 發表於 2018-5-29 18:05:04 | 顯示全部樓層
師兄現今社會邊有人會去念你所講,物理,數學,玩具呢2個字已先入為主,講咩都只係無線電玩具。
hydrogen9999 發表於 2018-5-29 22:43:44 | 顯示全部樓層
玩真車,技術重要,但財力更更更重要。
香港有幾多人未識搵錢,但已經可以有架大馬力車練習?成功果然需父幹。
 樓主| AMAT 發表於 2018-5-29 22:49:29 | 顯示全部樓層
hing830 發表於 2018-5-29 18:05
師兄現今社會邊有人會去念你所講,物理,數學,玩具呢2個字已先入為主,講咩都只係無線電玩具。 ...

認真勁無奈......
您需要登錄後才可以回帖 登錄 | 新玩家註冊

本版積分規則

手機版|小黑屋|RC EVOLUTION - 遙控工房

GMT+8, 2024-3-29 01:38 , Processed in 0.046589 second(s), 18 queries , Gzip On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表