RC EVOLUTION - 遙控工房 - 香港RC遙控車討論區
標題: 掙取橋底臨時場最新進展 [打印本頁]
作者: monsterken 時間: 2014-2-21 01:57
標題: 掙取橋底臨時場最新進展
經過小弟一個多月黎同康文署, 路政署同港鐵交涉聯絡之後.
二月二十號夜晚八點鐘成功聯同大約二十位橋底車友約見以上三個部們見面表達訴求.
我地同時亦都請到灣仔區區議員鍾嘉敏議員一同出席是次會議.
在該會議上, 路政署, 康文署保持一貫政府作風, 將所有責任推卸落港鐵身上,
表示因係由港鐵要求擴展沙中線工程先至要封閉橋底車場六年之多,
所以應由港鐵負責搵地起返一條臨時跑道代替之用.
如果係咁樣的話, 我地普通市民就無能力逼到大財團積極解決事件, 因為港鐵只係一間鐵路公司並唔係政府部們, 佢地係無責任回覆普通市民既訴求.
另外在開會之前我一路聯絡港鐵表示要求佢地起返個臨時跑道, 但得到既回覆都只表示只係"灣仔"搵唔到地起臨時場,但到開會期間就突然表示都搵過"其他區域"亦都搵唔到其他地方所以無辦法起臨時場.
更大膽地要求我地身為普通市民既橋底車友協助搵地.
小弟亦都係開會之前多度呼籲橋底車友協助搵一D吉地或者人流較少既公園提供給與有關部們.
最後我地提供左六至七個地方選址俾有關人仕, 但港鐵仍表示需要給予港鐵土地部們去研究.
所以我地強烈要求港鐵需要係黎梗星期三 (2014-02-26)用電話回覆進度.
小弟在此呼籲, 一定會再有同該三個部們會面既第二次會議, 如果各師兄想參與是次"保衛橋底行動"可以留意最新進展, 小弟會努力更新進度, 希望第二次會議可以有更多師兄出席俾壓力該三個部們, 令到佢地可以積極地解決我地既訴求!!!
作者: amazingball 時間: 2014-2-21 02:33
支持師兄
作者: 丘比凸 時間: 2014-2-21 02:50
精神肉體上支持你
作者: fatyip 時間: 2014-2-21 03:55
保衛橋底行動
作者: msl 時間: 2014-2-21 06:59
肉體精神上支持你
作者: 3rock3rock 時間: 2014-2-21 08:19
Thx ching
作者: msl 時間: 2014-2-21 08:31
希望Ching們勇躍出席會議，出席人數是其中一項有力的參數。
作者: Johnson_1984 時間: 2014-2-21 08:38
支持！！！x 999999999999999999999
作者: msl 時間: 2014-2-21 08:42
借比利羊Ching的一句話。
http://rc-evo.com/xbbs/thread-310707-1-1.html
机會來了！要長遠港區有個JV場就要把握傳媒力量，做大佢！
借傳媒力量的時机有代看看進展如何，但這個方向要堅持。
你的出席就是一份力量！
作者: GTBB 時間: 2014-2-21 08:58
thx C hing!
support you!!!!!
作者: 高人 時間: 2014-2-21 09:22
Support
作者: brianych 時間: 2014-2-21 09:33
支持師兄!!!!!
作者: tsanpong 時間: 2014-2-21 10:31
支持
作者: z0michael0z 時間: 2014-2-21 10:45
支持
作者: roydon 時間: 2014-2-21 10:51
支持!!
作者: lawlaw 時間: 2014-2-21 10:56
ken 哥,,支持你
作者: chub 時間: 2014-2-21 10:57
筲箕灣愛信街剛有個爛地停車場被收回！都係橋底黎架
作者: 阿邊個 時間: 2014-2-21 11:01
支持師兄!
其實香港咁多橋底種晒花, 點解唔可以開多幾個俾人放車呢? 又係行政彊化問題?
作者: chub 時間: 2014-2-21 11:38
而家筲箕灣愛信街嗰塊地㔾都冇、平地一塊、用黎起個車場一流！
作者: ckcgary 時間: 2014-2-21 11:41
師兄，辛苦晒！
剩係呢個科林嘅師兄去晒都踩爆佢個 office 啦.........
作者: kuokenny 時間: 2014-2-21 11:51
支持
作者: 毛 時間: 2014-2-21 12:15
支持呀。。。
作者: monsterken 時間: 2014-2-21 12:25
多謝師兄提供選址
但師兄如果可以的話，
係安全情況下影唔影到實況相片upload上黎，
我會再根據有關地段再係google map再capture有關區域，
之後連同有關相片，地址資料提供給港鐵。
作者: monsterken 時間: 2014-2-21 12:27
首先多謝咁多位師兄支持！！！
我會聯同橋底一大班車友努力維護依個令我地生活多左好多色彩既橋底跑道！！！！
作者: chub 時間: 2014-2-21 12:38
得！比小小時間我！
作者: sean2013 時間: 2014-2-21 13:30
影些相來看,我send去提議
作者: sean2013 時間: 2014-2-21 13:34
港島有地難求
,我都知無咩可能,但我都有send去康文署借詞強調港島係好多人玩車,希望有個場
作者: monsterken 時間: 2014-2-21 13:56
得！！！無問題！！！麻煩師兄！！！
作者: monsterken 時間: 2014-2-21 13:59
康文署尋晚都提及過依個問題，但原來佢地一路都認為我地係玩油車，就話油車既氣味同聲響會影響居民！！
但我地一再從申，現時大約98%既橋底車友都係玩電車，擾民方面絕對無咁既問題！！！
根本係佢地既概念方面只逗留係七八十年代遙控車仲係油車主道既思想
作者: lawrencewong 時間: 2014-2-21 14:54
現時我最急設需要一些建議地方的相片或地址，大小和舊橋底相若，一些前設限制不是我們首要考慮，甚至室内都可以。要被駁回他們總會有一些不合理的籍口，我們會盡量矯正他们對搖控車看法，一些比較近民居的地方也可提出來，大不了修改使用場規則，只可玩電車及有開放時間。今次對話大門已開啟，跟進的事情陸續有來。最後，我們只有一個目標，還我們一個港島區的摇控車場
作者: msl 時間: 2014-2-21 18:06
還我們一個港島區的摇控車場.
作者: ckcgary 時間: 2014-2-21 19:34
不過如果可以順便照顧玩油車嘅師兄就最好，因為唯一可玩油車嘅阿公場都無埋，真係做過街老鼠咁......
作者: Nori 時間: 2014-2-21 22:51
ken哥，下次再開會系到吹雞，一定到。
作者: monsterken 時間: 2014-2-22 01:44
本帖最後由 monsterken 於 2014-2-22 01:45 編輯
CKCGARY兄...
好老實講.....
玩油車既師兄我地真係未必能照顧到...
我都有玩油車.
油車玩既聲浪.....有時真係幾擾人....
就算我自己去工業村停車場玩...
我都怕嘈到有啲係停車場休息梗既司機大哥...
所以小弟係到講聲唔好意思....我真係無能為力.
係到小弟向一班油車既愛好者致歉
作者: monsterken 時間: 2014-2-22 01:46
收到NORI兄~~~~
作者: jun9999 時間: 2014-2-22 10:39
支持CHING!!
作者: ho9424 時間: 2014-2-22 11:51
100%支持!!!
作者: discorobo 時間: 2014-2-22 12:33
Ken兄 我冇接觸搖控車十幾年，好多野都唔知，幫唔到d咩。
但真心到支持你！
無論最後係點，最小比政府知到香港搖控界唔係小“寫“群。
最重要 係 ！保重身體，唔好太操勞啊。
作者: RCandylau 時間: 2014-2-22 13:52
康文署發緊夢!JV都唔俾玩油車啦,,,,JV係唔係佢地整
作者: jun9999 時間: 2014-2-22 15:09
再咁落去RC係香港真係冇人玩架啦!!
一定要抗爭到底
作者: athlui 時間: 2014-2-23 17:49
support, thx
作者: ckcgary 時間: 2014-2-24 09:13
我有去信問無咗橋底呢個油車場，official 政府有咩地方可以玩油車，班咬糧友不經思索就覆我去 JV 玩，JV 大大個牌寫住只比電車玩，打去 JV 問，佢話一定只係比電車玩，咁我再去信問，等咗三四個星期都無覆，次次追佢都係官腔 template 一封(什麼已收到你查詢會更進之類)，上星期四覆我 JV 只可以玩油車，我咪再重申我係問油車囉.......睇佢又拖我幾耐先......
作者: monsterken 時間: 2014-2-24 10:57
CKCGARY兄....
橋底何嘗唔係好多師兄去信或者去MAIL黎反影訴求......但都無晒影....
我就係見到咁既情況...
發覺佢地覆E-MAIL既態度仲衰過我以前做FABRIC廠俾跟單追貨個下.
所以就把心一橫....
打1083問攞灣仔康文署電話....
問到康文署, 打到俾佢, 話要覆, OKAY!!!俾兩次機會你.又話叫我打俾港鐵問, 我心諗睬你都傻, 我小市民問政府部們野....要我打去私營公司???
之後點知兩次機會都俾佢耍埋我, 咁佢就X街囉, 先啡(記住兇狠得黎唔可以爆粗,不可問及別人父母), 後安慰.咁先逼到佢阿頭出黎,
跟住到佢阿頭又係係到做903節目"1872遊花園",所以機會都無得俾我就要逼佢, 路政署同港鐵出黎開會, 因為個時橋底仲有半個月先封.
跟住又搞到路政署打俾我, 又係到同我做ATV節目"當年今日", 又話09年我地己經有計劃乜乜物物.........(下刪數千字)
但佢未講完.....我話得啦小姐......我淨係要個場.....個啲唔關我事.條女即刻停左........唔多......兩秒啦....再係到:"ER........一係咁啦...我幫你同我上司反影..."
我心諗....好心一早搵個大粒啲既俾我啡啦....跟住我好虛偽咁同個個小姐講..."一係咁啦小姐....你都係打工, 我都係幫人打工, 我明白依單野唔關你事架, 我都唔想用咁既態度同你講野....我都知我之前好勞氣...我都好唔好意思.....但無辦法啦...你都明個場都就黎封囉...你老闆又無表態話俾返個臨時場我地用, 我地自然會急架啦..."將心比己"俾你都會咁啦, 一係咁啦.......一係大家約出黎開會, 再唔係既...咪推遲兩個禮拜先封囉..."
就係大致上依啲咁既情況下....先約到班人工高, 福利好, A字膊, 9能屎, 扮大枝既垃圾出黎開會
作者: ckcgary 時間: 2014-2-24 11:18
師兄辛苦晒.....
有人起到頭，大家身體力行去支持就有機會成事.....
作者: jun9999 時間: 2014-2-24 14:31
我岩岩都sent左e-mail問公營場事宜...全港已經沒有公營場可玩油車...
希望出一分力
作者: garywong5368 時間: 2014-2-25 10:50
師兄真係勁,約到佢地出黎開會
作者: ILOVEANGIE 時間: 2014-2-25 11:25
support support, thank you
作者: KKKOO3K 時間: 2014-2-25 17:41
港島區車場一個都不能小！更何況得一個！支持
作者: jaccs 時間: 2014-2-26 00:04
不好意思,我路過的,兩睇啦,油車的聲浪,實在好驚人,N年前鯉景彎巴士總站(曾經)有人玩電車的,連安頭都有落去,奈何,有人玩油車,仲要甩批果隻,結果果度永久被禁止玩任何遙控車,同埋,依家D lipo 無刷年代,經已火箭咁,點解仲要玩沖車呢?
作者: jaccs 時間: 2014-2-26 00:06
油車不需多一架就夠有人會投訴,我以前喺屋企溫engine,結果消防差人都上哂門搵我...
作者: jaccs 時間: 2014-2-26 00:24
其實要搵場,最好都係橋底,怕去到落雨,無車玩,仲有,政府如其喺橋底起梅花樁防D 路宿者,點解唔補返條跑道比我地呢? 玩油車的車友們,有時希望能將身比己,便理應明白,而家想政府補返條我地原本用開O既跑道都咁難,仲要話喺市區玩油車? 難上加難...
作者: ckcgary 時間: 2014-2-26 01:01
師兄，鍾意玩油車同鍾意火箭咁快係兩樣嘢，如果玩車一定係要快嘅，可解咁多師兄仲係咁鍾意玩慢爬同貨櫃車呢？
註：我一樣有玩電車，但一樣唔係玩火箭車。
作者: monsterken 時間: 2014-2-26 01:16
我都同意，玩車唔一定火箭，
RC咁多年以黎推出過咁多唔同種類。
唔一定要快，咁當然要睇返玩家心態
我玩油車係鍾意了解佢引擎方面既道理同知識，
吸，壓，爆，排
對我依啲由細到大都嚮往真車所帶出優美排氣聲係一種享受
作者: monsterken 時間: 2014-2-26 01:18
註：
我都有玩快車
申報我有玩
有刷風黑M車
無刷M車
十二仔
頭轆
touring
沙豬
作者: ckcgary 時間: 2014-2-26 01:28
其實我係好支指樓主所做，先爭取一個香港場地吧，可玩電車都好過無。
我只係見如果係建新橋底場，順便睇下有無機會新場地取代舊橋底啫，橋底好處係真車聲已經有一定聲浪，油車被投訴機會較少，何況係官方認可之地？
作者: jun9999 時間: 2014-2-26 13:11
AGREE CHING..我玩油車原因係鍾意玩引擎.飛唔飛都係其次..
作者: jun9999 時間: 2014-2-26 13:12
到左今日都冇人回我E-MAIL..政府就係咁樣工作
作者: jaccs 時間: 2014-2-26 18:48
因為鐘意玩油車的人,大部份都係為左快D,同埋唔想O徒時間叉電,同埋以前的電池摩打又要保養,真的好煩,而且以前的油車,車速的確比電車快,而且油車可以連行幾缸油都得,但當時的電車,好少話一排電返黎,就即刻出第二排電,成日怕摩打電變過熱之類,但後來出了lipo電加無刷摩打後,玩油車的人已少過之前好多,而你所講玩慢爬及貨櫃車,他們鐘意玩像真,與鐘意玩油車的車友是不同的,再者,玩乜車都好,都係唔好影響到其他人,俚樣是重要的
作者: SimonABC 時間: 2014-2-27 21:50
支持
作者: SamsonSung 時間: 2014-3-4 15:53
support support.
作者: miata22 時間: 2014-3-5 17:44
師兄加油!!! Support!
作者: lawlaw 時間: 2014-3-6 16:01
Ken哥,, 這裏也不錯(我覺得),
-
-
-
-
作者: photocatcher 時間: 2014-3-9 23:23
其實油車場又好，电車場又好，只要還我们一個摇控車場，對玩車的車友們都是福。那怕個場只可以玩电車及露天，對車友們來説那個車場就是車友们的樂園。更因为沙中線要求停場六年，咁点解唔可以比一個只得六年的車場及公園做交換!
作者: monsterken 時間: 2014-3-13 11:52
咁多位師兄唔好意思....因為近排小弟病重所以未能更新近況.......所以今日一有時間就立即同各位報位現時同港鐵商討既現況
由開會到依家都接近一個月.
現時港鐵都未能回覆我地之前提供既地邊一塊係可以用黎做返個臨時場.
但康文署唯一可以回覆既係, 如該地段己經俾佢地批左做某一項工程的話或者己經係康文署管轄下既設施.
佢地就一定表明唔可以更改為臨時場地.
而上次我地俾佢既資料, 港鐵就話依家同梗地政署方面搵緊資料.
睇下邊啲係用得, 話最快都要四月頭先有答覆.
但有一樣野既係....唔係上次開會, 路政署個阿頭係厭我惡得濟定嘈得濟, 佢地無搵我做聯絡人, 現時聯絡港鐵既係另外一位師兄.
之後我會再落力同大家更新情況.
希望咁多位支持橋底既師兄可以出一點綿力, 如見到有咩地方覺得可以做車場的話, 希望可以post上黎, 我收集後會盡快俾港鐵佢地去做野.
係到我感激大家.
作者: 一匹狼 時間: 2014-3-24 22:56
我都寄左封信去1823度建議下
自從灣仔橋底的遙控車場關閉後，現時香港島並沒有任何遙控車場。我建議可以將以下的地點改作遙控車場：
1。青年廣場旁的汽車回旋處公園 基本上長期沒有人使用,即使是星期日有小部份外傭會聚集,亦只使用到近樓梯的那三份一圓面面積的地方(可參考附件圖片,攝於1-9-2013星期日),發展未能與青年廣場互相配合,浪費了市中心一片平整的土地.
2。永泰道公園近盛泰道的兒童遊樂設施 基本上此處長期空置,有時更淪為穿著校服的青少年吸煙,吸毒及作不道德行為的地方.
我建議更改上述地址的用途,其中一個可行的方案是將有關地方改建為遙控模型車場,具體的樣式可參考銅鑼灣天橋底遙控車場,天水圍公園內的遙控車場或佐敦谷公園內的遙控車場.興建遙控車場可:
1.帶動區內經濟,如模型玩具業, 飲食業及其他行業
2. 有利青少年發展; 減少青少年成為隱敝青年, 減少沉迷上網、吸毒,和青年廣場產生協同效應,青年廣場亦可在車場舉行小型比賽
3. 使區內增加特色文娛設施.
4.不會造成嘈音, 電動搖控車的嘈音極低, 亦可預設開放時間(eg. 0900-2300), 因此不會做成騷擾
5.善用土地,活化無人使用的區域,以免淪為罪惡溫床
作者: victor.rc 時間: 2014-3-28 07:17
Its' sound good.
作者: YR4M2 時間: 2014-3-28 15:15
師兄，好嘢！坐言起行! 支持您!
作者: ddlkh 時間: 2014-4-11 08:43
我見鰂魚涌海皮嗰邊(東廊隔離鰂魚涌公園尾) 有個爛地圍咗， 唔知係咪可以改建倒做車場呢？
作者: 毛 時間: 2014-4-11 11:36
我諗鰂魚涌, 呢D可作商用地皮...佢地唔會比你咁做...
作者: ddlkh 時間: 2014-4-14 21:12
如果可以用到就正啦~
