RC EVOLUTION - 遙控工房 - 香港RC遙控車討論區

標題: LC Racing PTG 2R開箱試砌 [打印本頁]

作者: celicat 時間: 前天 22:19
標題: LC Racing PTG 2R開箱試砌
砌得雙星TT02多，見到LC Racing口碑幾好，於是入一部PTG-2R試吓。

: 登錄/註冊後可看大圖

: 登錄/註冊後可看大圖

作者: celicat 時間: 前天 22:21
個盒好低調，裏面有張QC 卡，有簽名。
說明書一般，有少少雙星說明書風格。之後砌砌下發覺係有錯漏。明明逐包去砌，但有部份零件向另一包，部分無注明螺絲尺寸，不過大致上無難度，跟住砌都ok，記得第28頁大減牙個膠座同車底板螺絲用M3x6，否則會頂住大減牙。

: 登錄/註冊後可看大圖

作者: celicat 時間: 前天 22:22
跟四支雙節棍，但尺寸並非TT02 type S類或者Xpress類，PTG個狗骨頭尺寸大過孖星又細過Xpress，狗骨又長少少。而個驅動杯又係專用，所以打消改用孖星三節棍念頭。

: 登錄/註冊後可看大圖

作者: celicat 時間: 前天 22:24
前後都係金屬油封牙差，very good ，結構同孖星一樣，而且有膠杯套住個驅動杯，所以更順滑。PTG牙差比孖星直徑細，35牙，傘齒14牙，即內置齒比2.5。

: 登錄/註冊後可看大圖

: 登錄/註冊後可看大圖

: 登錄/註冊後可看大圖

作者: celicat 時間: 前天 22:28
本帖最後由 celicat 於 2025-10-28 22:29 編輯

跟說明書先砌前波箱。前臂及避震架波箱係一份過。避震架似乎係波纖，幾夠厚。下搖臂前後都用金屬mount，有多種膠粒提供束角、進角微調，不過前軸用轉向拉捍去校束角仲好。
C hub好緊湊，我懷疑根本裝唔到三節棍。我已經淘咗另一套金屬knuckle +C hub，到時再試下裝三節棍。
後波箱都係重復，不過用提供嘅膠粒去校成1°束角。

前後下搖臂都有粒機米畀你校downstop ，不過行拉力就用唔着，可能預你set成平路車啦！

: 登錄/註冊後可看大圖

: 登錄/註冊後可看大圖

: 登錄/註冊後可看大圖

: 登錄/註冊後可看大圖

: 登錄/註冊後可看大圖

作者: celicat 時間: 前天 22:31
底兜係一塊幾厚嘅金屬加膠件而成。PTG金屬中軸比TT02長。
到目前為止，無一件部件可以同我已有嘅大量TT02部件互換。
轉向組跟足砌，無特別。
值得一提係LC Racing畀嘅波頭及膠接頭好好撳，波頭係有六角竉預留。比孖星好太多。孖星撳落去好似好唔實在，事實孖星波頭都好易甩。但係LC就好實在，而且撳實之後，但膠帽係有留竉，可以之後再用六角批扭實扭鬆，唔使下下拆波頭，拆得多個膠帽好易鬆㗎，大佬。

: 登錄/註冊後可看大圖

: 登錄/註冊後可看大圖

作者: celicat 時間: 前天 22:34
大減齒係70t，提供摩打齒係24t，我換26t。因為我用有感無刷（孖星15.5t，好似2300kv)，兩年前買落未用，當時Amazon 特價，二百幾）配140A Team Power ESC，應該夠玩，唔就換30t摩打齒咯！TP ESC貪佢可以用藍芽。好多奸商出埋花哩花碌電變，扮pro，又要自己焊線，又另配程式卡，程式卡迶啲舊幾兩舊水，即係再cap多一畢！搵笨實咩！

: 登錄/註冊後可看大圖

: 登錄/註冊後可看大圖

: 登錄/註冊後可看大圖

作者: celicat 時間: 前天 22:35
摩打線我通常可以唔剪就唔剪，剪短好睇啲？喂！下次再用另一架車條線唔夠長點L樣算呀？
千祈勿學FB果d老闆扮網友咁砌車，其實下下

: 登錄/註冊後可看大圖

: 登錄/註冊後可看大圖

作者: celicat 時間: 前天 22:38
有防麈兜，好過無，跑沙必要，但對散熱非常大影響。
裝好前後波箱上哂四個轆，離地距25mm，已經最高，因為金屬底板頂住四支臂。
留意係有位置裝防滾桿，但無得裝啤令。但見唔到有得訂，但位置長度都好大路，TT02嘅都啱裝。

: 登錄/註冊後可看大圖

: 登錄/註冊後可看大圖

: 登錄/註冊後可看大圖

作者: celicat 時間: 前天 22:40
車殼柱好多竉，對微調車殼非常有用，雙星要學啦！
試車殼，發覺同XV02前柱位、TT02前柱位都唔同（後柱位同）。似乎要特登整隻殼畀PTG 2R啦！

: 登錄/註冊後可看大圖

: 登錄/註冊後可看大圖

歡迎光臨 RC EVOLUTION - 遙控工房 - 香港RC遙控車討論區 (https://rc-evo.com/xbbs/)