DEX-210 組裝, 秘技, 設定分享 (長期更新)

如果你係倉玩, 我 410 同 210 都有倉的 setting, 入面有提到用咩彈弓.

至於 408, 我建議稍等一下. 以前 408 option 彈弓 set 裝成套都仲係太軟, 我地一般會用京商橙/綫藍, 又或者 Losi 紫/灰, 但係 TD 最新的加硬彈弓 set 即將到港, 你可以等一等.

Icman, 請注意, 更換 ballcup 並不是簡單的一換一. TD 原廠的波頭係 4.8mm, 而我用的 Losi 係美制標準的 4.3mm, 所以我換 Losi ballcup, 同時都要更換全車的波頭. 至於 AE SC10 用的 ballcup 內徑是多小我不清楚, 或者睇下玩呢架車的師兄幫吾幫到手?

無錯, 我大部份都係用 HPI 波頭, 可惜佢最長只有8mm, 而 DEX-210 有4個位置需要用到10mm. 結果都係要揾 AE 俾 TC5/TC6 用的 10mm 波頭先攪得掂

你用後置摩打的話，係吾使用曲的。

關於波頭, 係度做小小補充:

以下呢兩個位置係需要用到 10mm 波頭

登錄/註冊後可看大圖

All ready for this weekend race in Taiwan, in fact, this is the first time I race both the 210 and 410 together!

水爺，正所謂吾打得都睇得嘛

話咁快, 上場係台灣高雄鬥完, 吾使兩個星期, 又到上海 RCI 積分賽第二場.
講真, 呢個場我認為似一個有高低起伏的泥土場, 多過一個真正的越野車場, 因為成個場都無任何跳台的 combo..
但目標總會有! 呢個場以前無論我點跑, 不論試車/鬥車, 都從來做吾倒 16秒的圈速, 最接近果次係 17.058, 所以我一直好想好想做到呢個圈速.

比賽之前, 新鮮熱辣係日本寄到的新品, 需然都係外觀向, 但加左佢, 架210又靚仔小小

登錄/註冊後可看大圖

講番場比賽: 對比積分賽第一場, 今次d 快人番晒來, 包括 JJ, AI 等. 另外亦有位台灣朋友 Bear 參賽. 不輪輸贏, 這次比賽於我非常有得著, 亦說明設定係吾會有最好, 只會有更好! 大家如果有留意呢個帖, 應該留意到我去 RCI 比賽/測試都已經好多次, 理論上設定應該差不多, 但就係比賽前的一個星期, 當我要决定架車用咩 setting 時, 我一直諗: 如果只用番上場比賽的 setting, 快極都只會同上場差不多, 一樣吾會有突破. 既然我有兩台車, 點解吾揾其中一台做白老鼠呢?

結果, 我將其中一台原原本本覆制我之前係 RCI 的設定, 唯一改動, 只係將尾 toe-in 由3度換成 Tresery 的 +0.5度尾碼, 希望架車更受油.

另外一台車, 我諗來諗去, 結果係砌成全原裝的設定, 包括油壓擺位, 3齒波箱 RM3, 甚至吾用牙差改為珠差. 唯一分別, 只係將油壓帕由6孔改4, 同埋前油壓油行 325cst, 尾225cst (我一般係 RCI 行前 350, 尾200).

其實我一般都會叫車友們試跑左原裝 setting 先, 畢竟廠家設計一台車一定做過大量的測試, 而我今次咁做的原因, 係想起第一次去 RCI 時, 手頭上跟本無合適的輪胎, 所以果次對車架的設定變動好大, 而之後係 RCI 的所有 setting, 都係跟據第一次的數據而進化. 我無辦法吾懷疑, 會吾會我一路的 setting 方向, 跟本第一步就錯呢? 所以先會有回歸基本的想法.

結果令我非常意外!
星期六試車我首先試原廠設定的一台, 結果5圈之內, 我已經做到 17.3 的圈速, 對比我之前的設定明顯穩定好多, 個尾受油的反應就係定, 但明顯轉向無之前咁好. 跑完一排電後, 發覺跑左大約30圈, 只有3圈超過18秒, 其餘全部18以內.

再換我原本台車, 明顯轉好多, 但係個尾實在差太遠! 雖然將尾 toe-in 改大會好左, 但係兩架對比之後, 分別非常明顯, 而且一號車明顯圈速穩定好多! 唯一就係希望能多小小轉向, 咁就非常完美!

放棄二號車, 專心攪一架. 首先, 將電池推到最前 (以前咁做架車就會過轉), 另外前胎就換上自家制的 Sweep 前胎. 點解要自家製? 因為 Sweep 的 Tendroid 只有四驅的頭尾胎, 而四驅的頭胎, 係比後驅的頭胎闊的. 雖然 RCI 的比賽無明文規定, 亦有好多人直接將四驅的頭胎直接用落後驅的鈴, 咁樣做的確轉向會更好, 或者我比較老土, 犯規的事, 我一定吾做. 後胎當然亦係 Sweep 的 Tendroid.

短電推到最前:

登錄/註冊後可看大圖

結果成晚都訓吾好, 就係諗架車做咩越跑越衰! 苦思一晚之後, 我諗我知問題所在....
星期日一到車場, 馬上量一量架車的離地距, 果然! 我 set 的時候係 set 成前後 22mm 的, 而家一睇, 前面得番17mm, 後面更只有16mm, 難怪架車吾好跑啦! 咁點解會咁呢? 原因就係我呢套跟車彈弓係全新無用過, 而新彈弓係會有一個 "sacking" 的過程, 即係用一段時間後, 佢0既長度同彈性先會穩定. 將架車調番 22mm 離地距, 手都震埋再試一排電, 果然! 架 210 又番黎啦!

好啦, 虛驚一場初賽馬上要開始啦! 果然, JJ Wang 依然係燈, 時間係好快好快. 我自己受限於最後一位起步, 比較多慢車要過, 亦有犯錯, 但係比賽壓力下仍然有圈 16:842, 我直情當 win 左!

登錄/註冊後可看大圖

決賽就真係緊張刺激. 第一場車, JJ 依然缺席. 我一開頭順利帶出, 跟住一直好專心跑, 跑呀跑, 再跑, 繼續跑....手開始倦, 腳開始痛...大佬! 仲未跑完0既! 吓! 跑 10 分鍾??!! 無人通知0咼!!! 結果, 抽晒根咁0既衰樣落 driver 台. 先下一城...

登錄/註冊後可看大圖

Yup, taper piston normally will provide a different compress and rebound speed depends on which direction you install the piston. Technically, you can have harder compress with relatively softer rebound or the other way round. With normal piston, compress and rebound rate are always the same, which are control by the viscosity of the shocks oil you are using.

Hope that help.

補回今次比賽的 setting:

登錄/註冊後可看大圖

kinderting 發表於 2012-6-28 14:00

                               
登錄/註冊後可看大圖

joho師兄, 想請問shock tower 係咪好易爛?? 有冇需要換tresrey carbon shock tower?? thanks

我個人咁耐爛過一次尾 shock tower, Carbon tower 就梗係 very nice la!

emaxxyeung 發表於 2012-7-10 13:19

                               
登錄/註冊後可看大圖

師兄,
請問有無廠方見議齒比?

6.5T, 不建議用, 你會好惡揸.

7.5T, 24-25. 25已經係最盡.

10.5T, 87 pinion 吾合用, 一定要換細 pinion

如我上文有講, pinion 最好換 81 或者 84, 咁樣齒比會易攪好多