約局: HKMMC 秋高氣爽慢爬局 (歡迎新手) --- 完滿結束

sum306gti 發表於 2014-11-4 19:46
我哋之前玩城門都曾遇過,打個招乎,冇叫我哋收車,所以到時大家真係要保持鉄序,唔好俾人投訴 ...

我係荃灣大，基本上城門水塘係我第二個屋企 ，行山釣魚露營打 Wargame 放車咩都上去玩，可以畀少少意見。

留意郊野公園條例係唔可以玩任何有動力既模型的。

之前見到唔話你果個好可能係水務署既人，或者外判既工作人員，佢地多數唔理或者唔清楚條例。

城門水塘係水務署管理而城門郊野公園係漁護署負責。

我兩星期前（閒日大約 2pm）同另外兩個朋友亦親身畀漁護署職員警告唔可以玩車，我當時就講唔好意思諗住影幾張相咋，即刻收番埋走人。  當然行多1公里左右就繼續玩啦。


因為師兄們都幾多人，最緊要唔好影響其他人，如果遇到公職人員阻止，一定要合作。  另外當然要注意安全，永遠車係前門人o係後面。


我多數放閒日，有機一定同大家一齊去玩。  要想搵其他 Crawling spot 都可以問下我。

PS 小心唔好轆過馬蹓屎，因為真係好臭洗到洗唔清！