要飄移飄得好, 唔係一定要有架好貴既車架或者電設備, 最緊要係基本工練得好!
小弟唸左4個練習飄移既方法 , 大家唔嫌棄既, 防試下丫 !
1) 沿圓心自轉 ~ 練習轉向及油門控制, 保持橫滑。 http://hk.youtube.com/watch?v=N5kUgCvzPB0
2) 沿不同圓心自轉 ~ 練習轉向及油門控制, 保持橫滑到目標距離。 http://hk.youtube.com/watch?v=onr_t0wchHY
3) 兜8字 ~ 練習轉向及油門控制, 到目標位置做重心轉移令車轉向。 http://hk.youtube.com/watch?v=nO3goFVW0V4
4) 複合練習 http://hk.youtube.com/watch?v=k4-Co8csbxc
對於附頁既資料(並非完全原文意思), 我加少少描述.....但首先假設大家係用電子變速同類比轉向(可調角度)!http://www.takaratomy.co.jp/products/drift_pkg/howto.htm
基本編:
Step 1: 點先可以令架車"開始"飄移呢?
係就係扭住個轉向俾油, 但係唔係"Full雞", 嘗試由起步慢慢將速度提升, 直至車呔打滑(保持扭呔動作及hold住油門), 呢個時候架車就開始飄移(橫滑),先感受飄移的第一步!!
Step 1.5: 點先可以令架車在目標位置開始飄移呢?
當掌握到架車去道哪個速度會開始飄移之後,就要練習掌握點先可以令架車在目標位置開始飄移! 可以在目標""開始""飄移位置地上做個記号, 緊記而唔係在一大片平地上萬無目的打圈。而方法係定點起步以定速向前行, 到達目標位置前就要將車速提升至可以令架車開始飄移既車速同時扭呔!練習掌握油門及呔盤既控制令架車在目標位置開始飄移!!
Step 2: 點先可以令架車保持飄移到目標位置?
當掌握到架車可以在目標位置開始飄移之後呢, 就要進一步令到架車保持飄移去到目標位置喇! 咁架車橫滑緊喇, 跟住點做呢? 用附頁Step 2圖例, 先在地上Mark好目標圓心及目標開始飄移位置, 之後用返Step 1.5既方法令架車開始飄移,當車進入目標圓心就要視符架車既反應做動作喇。(每架車都有唔同特性,不同裝配都會有所不同, 現以頭尾直濕,fulltime四驅舉例)
~Hold住油門及放呔可令架車保持橫滑
~加大油門或Hold住轉向(向圓心)或同時加大油門及Hold住轉向可增加向圓心的轉向角度
~減油門或反圓心方向轉向或同時減油門及反圓心方向轉向可減少向圓心的轉向角度
本人絕對唔係高手, 只係練得多就熟手姐 , 如果想跑track飄得好, 我相信練習係唔少得呢 !!!!
[ 本帖最後由 Buildinglung 於 2008-2-20 14:11 編輯 ] |