[工房吹水報] 遙控遊園地 2020 - 廣華街，油麻地，旺角篇

遲咗好多嘅工房吹水報，終於都有新一集更新。今次同大家再返一個二十年前就應該以文字嚟做嘅專題 - 遙控遊園地廣華街篇。

二十年前只做咗灣仔區，但十年人事幾翻新，好多嘢都唔同晒，更唔好講廣華街。咁嘅然有時間，就試下用影片拍攝嚟做返。


一次過由廣華街行起，去晒唔同有遙控模型店鋪頭位置話俾大家知，再同大家講小小關於廣華街遙控車店小小起源。

關於我係新一條片講廣華街煙廠街二幾年前賣棺材，原來好多人都唔知道(咁年紀比較細個嘅唔知唔出奇..... )

咁點解廣華街會多棺材鋪長生店，其實係源於廣華醫街未有新果座前，係有個殮房係果到，啲人好多時冇錢去殯儀館搞，就會係殮房果到搞掂後就送上山。所以廣華街以前係好多間都係賣呢啲嘢。


大家都可以睇下一啲網上文章嚟作証:
[color=var(--yt-endpoint-visited-color, var(--yt-spec-call-to-action))]https://www.discuss.com.hk/viewthread.php?tid=21287933[color=var(--yt-endpoint-visited-color, var(--yt-spec-call-to-action))]https://hkmemory.org/ymt/text/index.php?p=home......[color=var(--yt-endpoint-visited-color, var(--yt-spec-call-to-action))]https://chrisleung1954.blogspot.com/2015/01/blog-post_10.html


唔計宜家都變晒食肆同埋賣表，又或者唔計最多模型槍鋪果陣，其實都好難想像到當年果幾條街氣紛係咁陰森...... 所以早排有人拍片話有座商業大廈好猛，有好多靈異嘢，其實都係......唔出奇。不過我都聽過好多係果座大廈開鋪嘅，佢地話成日係果到過野做嘢，又冇見過或聽過有呢啲嘢喇。ANYWAY，信不信由你啦~

關於我係新一條片講廣華街煙廠街二幾年前賣棺材，原來好多人都唔知道(咁年紀比較細個嘅唔知唔出奇.....

旺角廣華街最全盛時期，即係二十年前，大家又數唔數得到有幾多間街鋪頭賣遙控車呢?

城市，萬里，車中樂，宏峰，GPM，創昇，鍵全，智樂，極速，偉利，RCMODEL，宏記，速度研究所，名車店，好景，友邦，鴻聲，生暉，永捷(以前賣遙控車啊~).......
仲有邊幾間呢?

其實仲有兩間未有講，千里達同英明。

以前賣棺材，係因為登打士街以前有間東華三院開辦的殯儀館，所以附近有好多棺材舖，好景商場地下個間花店，以前亦係造花圈(送殯用)。

鋪名就唔記得，只係行好景地下同一樓已有幾間，時至今日已變咗得幾間鋪，營運都已開始唔同，碗飯越來越難揾 。

hing830 發表於 2020-9-21 08:23
鋪名就唔記得，只係行好景地下同一樓已有幾間，時至今日已變咗得幾間鋪，營運都已開始唔同，碗飯越來越難揾 ...

事實以前冇咁多娛樂選擇。

宜家個個都寧願縮係屋企到打機都唔想出街玩車。

當年深水埗福利都有賣遙控車，仲有一間係佐頓近九龍公園，唔記得叫咩名

cc4321 發表於 2020-9-25 07:51
當年深水埗福利都有賣遙控車，仲有一間係佐頓近九龍公園，唔記得叫咩名

白加士街？ 興記。

rk2 發表於 2020-9-25 09:10
白加士街？ 興記。

當年佐敦除咗有興記，仲有一間係永安百貨後面街嘅，康田模型。宜家好似都仲係到。

AMAT 發表於 2020-9-25 12:42
當年佐敦除咗有興記，仲有一間係永安百貨後面街嘅，康田模型。宜家好似都仲係到。
...

還健在，好多時經過，在外面看飛機大砲，靜態模型，好療癒。小弟未玩 RC 前，是玩田宮靜態1/35軍事模型的。
https://www.youtube.com/watch?v=qaE2XzHiUB4
https://www.youtube.com/watch?v=TZrZg8wQ8P4&t=81s

rk2 發表於 2020-9-25 14:24
還健在，好多時經過，在外面看飛機大砲，靜態模型，好療癒。小弟未玩 RC 前，是玩田宮靜態1/35軍事模型的 ...

好難得做咁耐。
果個鋪位話晒都算旺旺地鋪，咁耐都冇俾人加租加到趕走都算係咁。

反而興記因為灣仔，佐敦啲鋪都係自己，唔想做，賣鋪搵筆走人。
偉利都係......

不過佢地好似宜家都變做批發多。因為興記同發利隆都係千絲萬縷。

仲有深水埗兆利隆同三和。

rk2 發表於 2020-9-25 09:10
白加士街？ 興記。

無錯

AMAT 發表於 2020-9-25 17:44
好難得做咁耐。
果個鋪位話晒都算旺旺地鋪，咁耐都冇俾人加租加到趕走都算係咁。

三和好似無賣遙控嘢

cc4321 發表於 2020-9-26 08:16
三和好似無賣遙控嘢

乜呀，遙控火車囉。

AMAT 發表於 2020-9-19 15:43
旺角廣華街最全盛時期，即係二十年前，大家又數唔數得到有幾多間街鋪頭賣遙控車呢?

城市，萬里，車中樂， ...

永恆