[玩車紀錄] 廣州兒童公園雙魚體育中心遙控車場

今次又同大家走訪一個位於中國廣州嘅車場，就係係白雲體兒童公園隔離，雙魚體育中心入面嘅遙控車場。

宜家個車場雖然仲未係正式營運，但暫時免費開放比公眾入內玩。咁我地就係佢正式開放時試一試個場地，同大家分享下試玩嘅感覺先。

場地地址:
中国广州市白云区齐心路61号广州市儿童公园
双鱼体育中心內

要留意廣州係有幾多兒童公園，假如你係坐滴滴，唔好就咁揀兒童公園，一定要揀係"雙魚體育中心"。
另外亦都唔好用"雙魚體育"去搵，因為仲有一個叫做"雙魚體育館"嘅地方。
一揀錯個距離係相差好遠好遠。

如果坐廣州地鐵，係坐廣州地鐵二號線，白雲公園站落車。