3racing近期表現評論

3racing短時間內出了S64和21M，但都是有皮帶鬆緊問題，上次20M已有這問題，同類事件又再發生，之前版主話3racing有得免費更換，但現在已經好似成為常態，預了出改件等人購買，3racing又有何解釋？ 一年出幾架，是否出得太多車？20M塊二樓板設計得太脆弱太易爛，又成日無貨，不如在零件供應上攪好些，穩定啲好過一年出幾架新車啦

S64同21M唔係皮帶過緊，係中摩打座安裝時要SET返好。
有睇我地VIDEO介紹，就會清楚知道點樣SET返啱。



兩架新車皮帶都係啱啱好，行一轉車皮帶TENSION非常GOOD FIT。

至於20M二樓架，人地返咗貨，賣晒唔得嗎?
你咪留意住人地3RACING網嚟買，又或者落定訂去買囉。

千幾銀有架車你砌仲想點? 講真我就唔太鍾意玩 3R 啲車, 不過唔洗$2000 有架車砌下都幾好玩

ivan仔 發表於 2020-12-23 11:04
千幾銀有架車你砌仲想點? 講真我就唔太鍾意玩 3R 啲車, 不過唔洗$2000 有架車砌下都幾好玩
...

說話就唔係咁講嘅......

不過3RACING車係組裝上係要花啲心機。
新嘅S64同21M都係SET好之後好好行。

所以我都係果句,每架車都係白老鼠,你係要去鑽究佢既setting同幫架車找出問題,再去用時間去刻服問題直至下一架誕生再鑽究佢既setting同幫架車找出問題,再去用時間去刻服問題直至下一架誕生再鑽究佢既setting同幫架車找出問題,再去用時間去刻服問題直至下一架誕生再

FF21又有皮帶過緊問題，3racing真係要留意吓，否則真係給人留壞印象

tc3driver 發表於 2020-12-24 08:33
FF21又有皮帶過緊問題，3racing真係要留意吓，否則真係給人留壞印象

直接在fb 問3racing 佢會回應你

tc3driver 發表於 2020-12-24 08:33
FF21又有皮帶過緊問題，3racing真係要留意吓，否則真係給人留壞印象

佢中摩打座果個設計，FF21都係，同21M/20M一樣，係摩打座同中PULLEY座係分開。
佢果兩口螺絲裝住個中PULLEY落個摩打座到，要裝好咗落車之後，鬆螺絲，再調整一下，咁就唔會過緊。

如果佢預得太鬆，架車行果時就會唔夠力。

只要ADJUST返好個中PULLEY，就OK。

其他牌子唔係冇鬆，係多數都會加粒啤鈴做皮帶頂ADJUST。雖然解決咗鬆嘅問題，但其實係比冇皮帶頂，增加咗摩擦力，係冇咁順。

個人有些失望，諗住s64會岀pro板，點知殺架21M岀來，望落完全2個風格車架，其實佢已有班粉絲，唔需要岀得咁密，每年一部

hing830 發表於 2020-12-24 15:18
個人有些失望，諗住s64會岀pro板，點知殺架21M岀來，望落完全2個風格車架，其實佢已有班粉絲，唔需要岀得咁 ...

3RACING比較頂級嘅車架，其實每架唔係出好多部，可能講緊一千架內，就唔再出。
但平價果啲兩三千架，甚至四五千架都有。

所以佢地出嘅平價車，至少係兩三年時間。

但係貴價車，因為本身就出得少，自然係啲件用晒喇，就出過架。

等如XRAY一樣，一年出一架新。

好多車廠啲頂級車其實出貨量都係兩三千咁大把。

AMAT 發表於 2020-12-24 13:02
佢中摩打座果個設計，FF21都係，同21M/20M一樣，係摩打座同中PULLEY座係分開。
佢果兩口螺絲裝住個中PULL ...

在fb, Jacky有講可以換件解決，都算有責任感，但可否check清楚先推出？大家都知3racing唔係大公司無咁多人手資源，短時間內開發咁多車就大機會多甩漏，真係唔想見到3racing由盛轉衰

hing830 發表於 2020-12-24 15:18
個人有些失望，諗住s64會岀pro板，點知殺架21M岀來，望落完全2個風格車架，其實佢已有班粉絲，唔需要岀得咁 ...

其實當初大家都諗佢出S64 pro版，連Jacky都叫人等pro版出好過逐件upgrade, 但之後又走架21M出來，最衰就係二樓板不同S64闊度，S64塊二樓板已經成日斷貨，現在又攪架21M, 零件又唔兼容，真係擔心佢日後零件供應是否充足。如果講兼容，SNRC就值得一讚，啲零件幾款車(MTS T3M, R3) 都可以砌得埋, 人哋見砌得埋就可買多幾件來改吓玩吓，好似水撥咁，T3M又可用到R3水撥，R3又可用到碳臂，如果不兼容砌唔埋，咁就無人買，所以希望3racing出新車都考慮吓兼容問題

tc3driver 發表於 2020-12-24 20:08
其實當初大家都諗佢出S64 pro版，連Jacky都叫人等pro版出好過逐件upgrade, 但之後又走架21M出來，最衰就 ...

兼容得多，又俾人話冇新意，兼容得少，又俾人話玩佢......出車真係難.......

tc3driver 發表於 2020-12-24 20:08
其實當初大家都諗佢出S64 pro版，連Jacky都叫人等pro版出好過逐件upgrade, 但之後又走架21M出來，最衰就 ...

樓主說得非常正確，適合普羅大眾 其實本人都想支持本地生產的遙控車 希望可以買到零件，零件又不是太貴 冇可能好似啲歐洲車、日本車;每年都出 ，每年都轉款
我都對3 racing有興趣上支持佢 ,但係 現在都不會再支持

零件難尋 又唔係平過人 買塊底板成三百幾蚊 仲要幾種型號 買對彈弓 要買成盒 你估好似版主咁咩 下乜都死撐

平路車年年新，感覺變化唔大，
反而想問，部 Cactus 2WD 咁多年都唔更新？
又唔出 越野 4WD?

RCTOURING 發表於 2021-1-10 11:05
樓主說得非常正確，適合普羅大眾 其實本人都想支持本地生產的遙控車 希望可以買到零件，零件又不是太貴  ...

一般本地人都會支持本地牌子，過往3racing的貨品價格相宜，零件兼容性高，同一款零件可用在幾款車上，所以模型舖易入貨，但現在佢改變路線，一年改幾次，又不考慮兼容，而且某些零件沒有考慮耐用性(eg, 20M二樓板的邊位太幼太脆弱), 再加上零件時常無貨，這個有可能同佢改變策略有關，每架車的零件只支援一年，之後由得佢淘汰，所以原本3racing的支持者可能會逐漸離開，而吸引另一批喜歡每年大改的車友加入，這個做法沒有話對或錯，睇那一邊較多人支持，只要佢夠營業额就會繼續運作

架架都係抄來抄去,3racing學人抄得夠快就揾到食,
一中置佢就中置,一年出多幾款,
型號亂,盒盒紅色港區

tc3driver 發表於 2021-1-15 08:21
一般本地人都會支持本地牌子，過往3racing的貨品價格相宜，零件兼容性高，同一款零件可用在幾款車上，所 ...

問題係你係諗住一架車玩好耐定一架車當玩具玩一排又換.....

如果計車場啲車友，係真係當玩具，玩一排又賣玩一排又賣，有新車又買嚟玩，爛咗又買過架。

坦白講，3RACING多呢類客。

百貨應百客，邊個類別人多買就做邊樣。