RCE1開發

其實有睇工房討論區都知，好多年前工房都想做自己車。
但奈何當時環境同技術等等未去到一個可以試玩O既水平，同埋傾開O既公司最後都冇搞，所以都係得個講字。

經過好多年O既時間，技術上O既改變，宜家又有機會試搞。

當然，基本上係試搞，最後都應該唔會出一架車出嚟，就算出可能做幾架自己開心，宜家只係做一個紀錄咁解。

其實係改造416同時，亦都有睇住現時O既需要，一步步咁做好咗一個新車架。
部份配件係由改416時再演變出嚟，部份係共通。

基本上現時好多玩車O既人需要O既，都有部份咁消化放落去。

我地唔諗住做一O的好古怪或冒險O既結構，因為如果成事，我地希望係做一架會行到易SET O既車。

之前一直係到試唔同嘅RP物料，就係希望可以搵到一啲比較合理嘅材料嚟試。

純PLA ABS試過（中間）
試過Rizium One，但因為零件普遍較細，佢嘅尼龍混炭混唔到入去，唔夠硬。
近排試緊一隻混炭PLA，開始較接近想要嘅。

但print出嚟最主要試fitting。

其實試print完又改，改完print完唔滿意又試過，暫時都係得幾件。

部份係改版416零件。

碳纖部份有經驗，所以完成時間就較快。

頭尾波箱一直改善中，每一次打印後總有嘢想改……