攀爬車，同大腳車有咩分別

師兄，我玩開lunch box, 但有時想上下石壆，因為吾係4x4 所以做吾到。一路想揾部可以左爬右爬既車。睇緊京商mad crusher 部車架同攀爬車好似。應該可以爬下同飛下。又睇緊SCX10. 但就係吾知有咩吾同。 我淨係揾到TRX4 係有前後差速鎖方便爬石。但SCX10 就冇。 如果冇的話應該同mad crusher 差唔多。想問下應該點選擇選擇好

慢爬車，故名思意係慢慢行，爬山爬石用，所以唔係為咗行得快。

LUNCHBOX果啲係大腳車，係暴力，行得快，四圍衝，完全係兩種車。

慢爬車因為要做攀石嘅關係，佢係多好多唔同嘅差速功能，呢啲係大腳車唔會有。
所以兩者當然係大分別啦。

SCX10同TRX4最大分別係個攀爬角度，可以扭同個跨度都唔同。
睇你要玩幾大同幾像真。

屋企放得落，咪買大車咯。
現時功能最好應該係Traxxas TRX4, 前後差速鎖 再加雙速，
最新，應該係 Axial SCX10 III, 雙速 + Dig 功能

攀爬車玩 上大斜路，過大爛路，攀山涉水，前後軸大角度擺動，慢慢爬，像車

..其實一般慢爬都唔等於可以"爬石"的！大部份JEEP型慢爬都祗能作泥地不平、石路上行走，而就算真實環境"爬大石"就有另一類車為此設計，名為『ROCK CRAWLER』
https://youtu.be/tbi2V8HsknQ

TRX4冇買過，但係幫朋友整過車，架車個殼太重，重心好鬼高，如果真係爬石就真係好易翻車。
SCX果啲就真係爬石。

不過唔駛講TRX4車殼梗係靚得多啦。

感謝師兄分析。另外我見有部叫MST 既平好多。佢同SCX10 有咩吾同

iamanpan 發表於 2020-5-1 13:52
感謝師兄分析。另外我見有部叫MST 既平好多。佢同SCX10 有咩吾同

SCX10出名，多配件。

MST唔清楚。

iamanpan 發表於 2020-5-1 13:52
感謝師兄分析。另外我見有部叫MST 既平好多。佢同SCX10 有咩吾同

其實真係要睇你心中的要求！重點係要好像真還是真爬到石頭（唔係石仔）。好多都講係 Crawler，甚至話係 "Rock" Crawler，但個設計係唔係真係 crawl 到先，還是只是 "Off-road"！至於像真，唔單止講個殼，也要睇走姿。
我唔知你係講 MST CFX 或 CMX，我個人覺得佢地只可說是 Crawler 而不算是 Rock Crawler。我無這兩部車但聽人講表現一般，最主要是轉角不足，大多是膠件而且太軟咬唔到啲動作，真係要改好啲都要換 options，到頭黎會唔會貴過買部好啲。

當然，每部車都有升級空間，好睇你想由那個位起步玩落去，那個位是你的目標。好多師兄都有把他們的 review / comparison / 心得等等放上 Youtube，我認為值得去花啲時間睇多啲集思廣益才做決定。


我就只有三部，Axial Wraith (rock crawler)，Axial Yeti (rock racer)，Fiction Hobby Cragsman (1/8 Jeep crawler)。只係部 Wraith 大改過，金屬化、加後轉向、所有電子等等，只係為左爬石一個目的。部 Yeti 就加高低檔及少量金屬化，同兩個仔去行山，去沙灘粗玩，重點是唔易撞爛及防生鏽。部 Cragsman (Jeep) 齊晒料無野要改，唯一想換個像真啲嘅殼，可惜1/8比較難搵！