[開箱報告] 迷你SIZE拖頭 - Turbo Racing 1/76 拖頭Kit

我地年中都介紹唔少拖頭嘢，不過唔少想加入嘅車友都話啲拖頭太大架，又要花好多功夫去搞，所以變成望而卻步。

呢排有兩個品牌就回應返車友嘅需求，其中一間Turbo Racing就推出咗佢地1/76 RTR拖頭Kit，一套包晒拖頭同拖架，仲要有齊唔少大拖頭有啲功能，一次過滿足唔駛太大係屋企玩，又唔駛噴油裝燈就有齊晒功能嘅願望。

咁究竟呢架1/76嘅車仔功能係點呢?又值唔值千鬆呢個價錢呢?今日就同大家開箱同測試一下佢。