RC EVOLUTION - 遙控工房 - 香港RC遙控車討論區

標題: 意外未必一定係機手責任 [打印本頁]

---

作者: ghostkcleung    時間: 2015-11-29 22:56
標題: 意外未必一定係機手責任
我琴日正喺完全無人嘅球場飛 450 Hov 機，離地 2M。
之後就係無端端有個細路從我背面衝咗入嚟，
好奇近距離睇我隻機。
整個過程由佢見到隻機到跑過嚟，唔夠 5 秒。
嚇到我要即時打舵避開佢，然後急降。

呢度好多師兄都知我道行去到邊架啦，
450 尾槳又容易掃地，結果真係輕輕掃咗一野，
橫軸無彎到。

萬一真係唔好彩，主槳劈佢一野嘅話，我入硬。

---

作者: solaris8x86    時間: 2015-11-30 00:08
咁嘅情況，我只睇到兩個責任:

1. 個細路命薄....
2. 佢老豆老母oh-9，比個細路四Q圍走，老豆老母理應被警司警介，或被判梳忽照顧兒童罪。

---

作者: ghostkcleung    時間: 2015-11-30 01:17

solaris8x86 發表於 2015-11-30 00:08
咁嘅情況，我只睇到兩個責任:

1. 個細路命薄....

咁嘅情況，大把手尾跟啦，
除非當時拍緊片，仲要片段係非常證明係其他人突然衝過嚟而無辦法避，
否則實係話你疏忽導致，一定插水瞓低詐死，
住一排醫院先出返嚟同你慢慢計數。

我呢邊啲叉仔，好多都四圍走四圍嘈喧巴閉老豆老母唔理架啦。
我無話佢哋個個都係，亦唔主張講種族，不過真係圍數唔少。

---

作者: solaris8x86    時間: 2015-11-30 01:25

ghostkcleung 發表

啊...叉仔，咁無計，我都見過啲叉仔個身體可以好似彈弓咁鍾意跳去電直低下"吹風"...jesus fuxking crisis...!!!

---

作者: kitkit123    時間: 2015-11-30 07:18
玩具呢姐.有乜好驚呀!

---

作者: gundum    時間: 2015-11-30 07:42
細路命薄，係人講的說話？無人性先會咁講，你D仔女比你玩機劈中，你仲會唔會咁講，高手，不過到時高手又會話架機廢失控，垃圾機，責任永遠不在自己。（我聲明自己唔現無人機，但一路睇到某高手永遠只會踏低人抬高自己，今次仲講風涼話，先要插佢兩野）

---

作者: 恆.com    時間: 2015-11-30 09:19
我做左咁耐cd rom  都唔覺得solaris8x86師兄講野係正常過,
其實球場有人都唔應該玩囉,去d無人行過既空地放機算啦
整親人自己都過意唔去,不論係唔係細路仔錯都好,直昇機殺傷力太大,實流血收場.

---

作者: hing830    時間: 2015-11-30 09:21
師兄你在球場玩，好像不太好，當真的有其他人走來，有可能心急回避?急速下降?導致控制不好而有事發生，在此話聲玩機人士，應有口得，如真的傷到人自己都不好受。

---

作者: solaris8x86    時間: 2015-11-30 09:30

恆.com 發都唔覺得solaris8x86師兄講野係正常過,

Haha... 足之有心水清嘅人出現明白我...

---

作者: solaris8x86    時間: 2015-11-30 09:32

gundum 發無人性先會咁講

haha... 連你都開始明白我...


>>>>你D仔女比你玩機劈中

呀呀，而家生啲仔女出嚟，佢咃大個後只會係畢業時掟紙飛機或用"囉友"向住鏡頭行畢業禮，如此用十幾廿萬係大學養佢咃培育成一個社會敗類，倒不如及早交由電直屍兄決定命運，咁可能對社會更有貢獻...


>>>插佢兩野

你嗰度仲得唔得架?.... 唔怕話你知...其實我已經係"嗰個世界"嘅人嚟架.... 多謝曬你主動獻出童子身...



>>>>但一路睇到某高手永遠只會踏低人抬高自己

其實係啲人覺得自己無用，見到好過自己嘅嘢就會覺得被踏低....心理上產生自悲感，自然心理現像，我身邊成日都有衣類人出現，上個禮拜六又有兩個...。係我嘅小聰明才能唔好...我真係無人性...但美麗不是罪行...所以我好想盡快死係電直之下。 (kitkit123揾日有時間唔該幫手搞掂我...)

---

作者: solaris8x86    時間: 2015-11-30 09:42

hing830 發
在球場玩，好像不太好，

其實好多屍兄都會在球場無人時hold吓機，係好普通嘅事。因為可以玩電直嘅地方實在太少，而玩法又受地方限制，同無人機唔同，可以隨時放出海三丶兩公里有地方飛，我了解，甚至有啲屍兄慘到要偷雞係橋低hold機練習，慘.....佢地好可憐。

---

作者: 法師傅    時間: 2015-11-30 13:47
正經講 , 襯球場無人玩機仔唔係無問題 , 而係大家都習慣左咁樣做 ,
一直無事就代表理所當然 , 社會就係咁 , 好多灰色位比大家 !!!
無人嘅球場唔代表永遠無人 , 有人沖入黎都有佢自由 , 自由活動0既地方 , 大家玩咩都執生 ,
好多公眾活動地方都會講明只可玩咩 / 唔可玩咩 ,
正常球場玩咩遙控都唔得架啦 , 有人入黎有咩冬瓜豆腐 , 衰硬 !!!

---

作者: tkwcrash    時間: 2015-11-30 14:20
意外未必一定係機手責任 , 但機手有責任避免意外發生

---

作者: solaris8x86    時間: 2015-11-30 14:41

tkwcrash 發

Sorry, 只能夠講係一般屍兄嘅一般論，我覺得現實係你當刻是否運滯，你睇，佢走去無人嘅球場都可以有人忽然走出嚟去送死。佢係動機上明顯已盡量避免咗意外，但佢有無運之中嘅幸運，能夠掌握無運之中嘅幸運，都叫做係技術嘅一部分。

---

作者: chui    時間: 2015-11-30 15:42

solaris8x86 發表於 2015-11-30 14:41
Sorry, 只能夠講係一般屍兄嘅一般論，我覺得現實係你當刻是否運滯，你睇，佢走去無人嘅球場都可以有人忽然 ...

師兄真係講得好有道理,但如果我個仔响一個唔比玩rc公園而比rc受傷,我真係會監生打能死你咁啦,明未?係冇道理傢!呢個世界唔係咁多人好似你咁得個9吹。

---

作者: ghostkcleung    時間: 2015-11-30 18:11


嘩！收工返嚟望吓，又筆戰。

我嘗試吓搵把尺去量度，
無話企邊一方，中立嘅
如果人哋個仔俾我隻機劈一吓，
我就要俾人哋老豆老母打死，
而唔需要再講道理嘅話；
咁我好地地 HOV 緊機嗰陣，
有人過嚟搞搞震而我又避得開，
咁我又係咪可以吊到佢老豆老母扑街先？
無錯，球場的確係話明唔飛得，但討論呢件事嗰陣，球場呢個 term 唔係非黑即白囉。
但係無話唔飛得嘅地方，
好多時都危險過球場好多，
所以我一直選擇球場。

但亂咁衝埋嚟嘅人，係咪真係完全無責任呢？
當然呢個係細路，所以無得同佢計；
如果換轉一個處境，係一塊 10MX10M 嘅空地，
而走埋嚟搞事嘅，係心智成熟嘅成年人，
咁又點睇？

---

作者: solaris8x86    時間: 2015-11-30 18:45

chui

支持無腦嘅人用武力解決所有問題!!! 但大前題係...你係咪夠一個真係想死嘅人打....

---

作者: solaris8x86    時間: 2015-11-30 19:02

ghostkcleung 發表

你放心喇，依個時代略為有少許身體觸碰吓都要留案底坐監，佢坐咗監，邊個養佢個仔哎? oh-9無腦先至會有此類幻想行為 (EQ低)，仲有哎，佢為咗同人係玩具上有過節而留案底影響長期工作收入無人請丶出入境外國又有困難，係困擾佢日後與家人一世嘅問題嚟嘅，連佢老婆都會怪話佢oh-9喇。正"慈兒多敗父"...ha... (依句連自己都覺得用得幾好)。

所以話，玩具問題，玩具解決。想玩具問題，武力解決嘅，吾該你直接寫咗休書先，再亙量下自己係咪有料有本錢真係打得。

---

作者: 138168    時間: 2015-11-30 19:16
其實兴趣玩乜, 应到專屬塲地(合法)玩, 否則出事就手尾長, 法律永遠保護第三者....
例如 你中意玩方程式賽車, 半夜到旺角行幾轉得唔得? 比人撞到边个賠.
        鐘意騎馬, 到馬路去跑吓, 得唔得? 係未要清塲比你玩?
        就算玩RC也应到專屬塲地玩, 有安全法則保障.....
人命関天, 唔係你講就得, 撞死佢, 可能一筆搅惦, 撞唔死佢, 手尾長, 哈! 佢可能長大後做唔成總書記, 领導人咁点計算呀    

---

作者: solaris8x86    時間: 2015-11-30 19:30

138168 發表於

>>>>法律永遠保護第三者....

啊黃蜂兄呀，我無記錯你個人好似仲係澳洲，你嗰啲理論係咪澳洲用開架? (定係你已靜雞雞反咗香港哎?)，我哋香港上個禮拜六新聞X視至播出香港法律係引領市民上當入獄嘅陷阱。個case講第三者好市民會被法律程序引領入獄，做成冤案.....。

---

作者: chui    時間: 2015-11-30 19:55
比你响度贏晒又點?球場就可以玩rc?啲小朋友見到你地就唔會响球場打波跑步?政府就開放所有地方比你hov.機?責任渦…學吓做人先啦,爛小小嘢瓜瓜噪。

---

作者: solaris8x86    時間: 2015-11-30 20:06

chui 發表於

我無贏，你亦無輸，但為人父親，唔該你呢... 做事前要考慮家人為先，自己個感受為後，婚後既男人，都應該以此錯誤觀念為戒，武力只會帶來下一過程度嘅不幸。

---

作者: ghostkcleung    時間: 2015-11-30 20:43


直昇機要去專屬地方，
得，擺低兩皮嘢入會先囉。
如果係咁，呢度基本上絕大部分都違規，
講呢啲嘢根本不設實際，
只不過係將個道德升高去指責別人。

香港法律除咗幾個地方絕對禁飛之外，
有無講過其他地方唔飛得先？
無禁飛嘅地方，又係咪一定飛得先？

禁煙區以外嘅範圍，
係咪即係可以完全唔理其他人食煙先？

無老人家，無大肚婆嘅時候，坐唔坐得關愛座先？

好喇，我就當依家嘅法律未完善，
用返擱下嘅道德標準去判斷，球場 Hov 機一定唔啱，
咁如果我喺足球場踢緊波，咁無唔啱啦，係咪 ?
有個細路走入嚟，我係咪可以帶個波埋去，
3 碼距離兜腳 "散" 爆佢個頭先 ?

所以一直捉住球場講非黑即白，
倒不如講所有遙控航模都係萬惡。
唔係話要邊個贏，我唔洗其他人去教我點做人嘅，呢版嘢已經講晒：
http://www.cad.gov.hk/chinese/model_aircraft.html

---

作者: solaris8x86    時間: 2015-11-30 22:06

ghostkcleung 發表

我冧依個惦差唔多應該要完，其實大家都有一定程度理解你個case當其時個處境，玩電直嘅人甚至可能身同体會過，只玩車既人亦自然由自己利益出法覺得你危險，其實全部都係主觀性利己意見，已經無所謂對與錯。而民航署既所謂嘅指引，亦係由一部份我吔模型飛機界既前輩提供比民航署再修改而成，跟本亦無法對現今模型飛機或無人機等高階技術接口以供玩家係現今香港環境有效應用，如我所講，你當時行運，但運氣唔會永遠企係你嗰邊，唯有下次再睇睇時間上，或地點有無可再調校嘅空間 (但如揾其他屍兄幫手睇水 (個場人多時最有用))，或放下雪糕筒圍住hold機位等等手段 (地政署都用) ，避免叉仔又嚟搞嘢。


完

---

作者: rickysuper    時間: 2015-12-1 15:16
球場放無人機已經係唔啱啦。球場就緊有人走黎走去架啦。揰唔揰親人都一定係你唔啱。

---

作者: 138168    時間: 2015-12-5 20:01

solaris8x86 發表於 2015-11-30 19:30
>>>>法律永遠保護第三者....

啊黃蜂兄呀，我無記錯你個人好似仲係澳洲，你嗰啲理論係咪澳洲用開架? (定係 ...

大哥, 遵守法律, 責任

---

作者: ghostkcleung    時間: 2015-12-5 20:23
唉，唔好再拗喇，總之啱唔啱都好，出事就由個官判啦。我就無諗過轉位，有咩事我自己孭返飛，講完。

---

作者: solaris8x86    時間: 2015-12-5 21:55

138168 發表 責任

啊黃蜂兄可能已入籍澳洲多年，對香港玩具民航指引比較外行，其實... 除機場5公里範圍外，基本上無法例有指定玩具飛機一定要係玩具飛機場玩，當然以常識考慮，大家會係少人嘅地方玩大馬力玩具。如電真一類，我回惦只係對"遵守法律"一句可能會對其他市民做成紐曲性誤解，以為玩玩具飛機真係有法律可以尊守而必定要去玩具飛機場玩至叫合法 (若真係有咁就卜街，基本上香港日日都有幾百人係民航署指引下地點玩，若以阿黃蜂兄嘅假設性理解，其實都係違法 (因為民航署指引下所有地點都唔係政府受權既RC飛機場，而係走私場))，至於"責任"則無任歡迎。

---

作者: skyhawk    時間: 2015-12-6 22:28

ghostkcleung 發表於 2015-11-30 18:11
嘩！收工返嚟望吓，又筆戰。

我嘗試吓搵把尺去量度，

其實如果唔係某D友仔係度點火, 點會有筆戰, 相信唔關師兄你事

不過渣車都係咁, 你渣得好好地, 有條友衝出馬路比你撞傷, 最後保險都要陪比佢, 你無買保險就陪上身, 法例就係咁, 唔係關道理對錯問題

---

作者: solaris8x86    時間: 2015-12-7 11:28

skyhawk 發

大家見你病入膏荒，我好心幫你出多次post，希望大家明白你背後其實係有病嘅，會原諒你喇。

登錄/註冊後可看大圖

---

作者: flyarr    時間: 2015-12-7 12:42


CDROM咗成年, 又見條人渣出來發癲到處生事, 又係時候出手
呢條友飛行勁無品, 成日係南生圍小朋友上面飛來飛去, 好危險,  人品更差劣, 周不時認屎認屁, 見人就踩
有南生圍橙色工具箱惡名,  經過惡意JAM得其他機友

最近又被一眾網友批評佢冷血言論

gundum 發表於 2015-11-30 07:42
細路命薄，係人講的說話？無人性先會咁講，你D仔女比你玩機劈中，你仲會唔會咁講，高手，不過到時高手又會 ...

恆.com 發表於 2015-11-30 09:19
我做左咁耐cd rom  都唔覺得solaris8x86師兄講野係正常過,
其實球場有人都唔應該玩囉,去d無人行過既空地放 ...

我知佢一向欺善怕惡, 自從上次我用機械人玩到佢幾晚都無得瞓係咁回帖就怕咗我,
所以由果時開始成日打鑼打鼓話唔敢睇我鬧佢d乜, 因為成日比我食住, 怕自尊心受傷



呢條粉皮最怕係乜, 就係比人揭晒佢地衰嘢醜事出來, 又要無限LOOP一次, 比D新網友睇下呢條粉皮D臭史!!
自從果次佢怕到連頭像都改埋, 舊POST DEL晒, 咁又點, 我大把BACKUP


又要再post你D狂言出來比多D人睇

solaris8x86 :
"一開始已聽咗hkmarble兄改進架喇，係你自己無睇清楚啫，因為我刪咗部份貼，係人都知而家有新玩法超低飛，基本上已無乜問題架喇，但係有啲人硬係要扱下水，我亦一向完全唔介意弱者既眼光，而我一向亦有在場分享場內各處風險及無線電影響問題，但過時嘅人會覺得我吋，因為佢哋會以舊思想"年資"黎評鑑背份，因而上面catcat先至會話有"師父"一模糊定詞。如個計實際飛行穩定性計算，我直頭係衆人"個師父個師父"添。此終我靠數學，而人哋要靠迷信，放AR Drone我跟本唔需要信心，我只要睇生產儀器上嘅讀數，就已幾乎等同實際飛行結果。但不幸嘅係有啲上咗年紀嘅人個䐉已好難再以靠數學，咪一直用迷信嘅態度去挑戰科學囉。一盒維他乃真係唔明點解有啲蠢人要想像成550批頭機

                               
登錄/註冊後可看大圖

以下係我對佢 d狂言的comment


係人都知而家有新玩法超低飛，基本上已無乜問題架喇 :　當然啦，佢下面無人你點低都無問題，不過佢專係人頭頂／eyes level飛。。呢個先係問題，佢始終唔明..

因為佢哋會以舊思想"年資"黎評鑑背份, 因而上面catcat先至會話有"師父"一模糊定詞 : 睇來佢真係入世未深.. 係機場叫D唔識飛友多數會叫"師夫", 唔係等於佢真係你師夫, 只係尊重別人的禮貌叫法.. 等於你叫D裝修佬做嘢都會叫佢地做"師夫" 人地都會好聲好氣同你傾

如個計實際飛行穩定性計算，我直頭係衆人"個師父個師父"添 : 哇, 好勁呀,我諗全港都無人咁樣認師夫.... 睇來勝叔同老鬼會班高手都要向你斟茶...

此終我靠數學，而人哋要靠迷信: 睇來佢覺得我地飛之前要將個控比大師開光, 仲要起壇作法, 架機先會自動返航

我只要睇生產儀器上嘅讀數，就已幾乎等同實際飛行結果。 : 哇, 大家小心D, 佢完全唔會理干擾問題.. 只會信數據, 永不會干擾...希望佢部嘢有自動返航.. 哈..

一盒維他乃真係唔明點解有啲蠢人要想像成550批頭機。 : 哈.. 維他奶(不是乃, 又錯別字)都唔輕, 我都想試下掟佢個頭睇下佢暈唔暈, 加上維他奶無螺旋槳, 但佢個玩具有四個高速轉動的螺旋槳, 等於維他奶加四塊刀片.. 咁掟去佢個頭, 中眼即盲, 中頭即爆光, 死就未必, 佢架嘢玩具未夠班...


唔好咁白痴, 你講嘢經下大腦啦, 下下比我食住

---

歡迎光臨 RC EVOLUTION - 遙控工房 - 香港RC遙控車討論區 (https://rc-evo.com/xbbs/)

Powered by Discuz! X3.2