想配古董 Serpent 1/10 皮帶

小弟想幫架古董蛇仔(唔知型號)配番條 Serpent #36000 皮帶 (車身中間最長嗰條，皮帶上面只見有 Serpent #36000 字樣)，唔知幾長同幾多牙，上網亦搵唔到資料，唔知師兄有頭緒呢？
如果無資料，可唔可以就咁拎條皮帶去油麻地五金舖配呢？唔該晒！

cw10615 發表於 2014-1-23 02:17
1牙1牙咁數咪得囉

果然係好方法，不過老人家眼力唔好，師兄可否代勞？

請問係咪就咁拎去比佢睇就得？唔該。

好多有用資料，唔該晒上面咁多位師兄。
等我拆咗出嚟睇下配唔配到先。

星期六下午去飛達配皮帶，但老闆出咗去著燈關門要等，去豐利睇無開門.......咁先去食啲嘢再返去飛達，見老細執緊嘢準備收舖，都照問下囉......唔知係咪老闆娘嚟，語氣好鬼無禮貌，示意我阻住佢地收舖......其實唔做生意咪話我地收咗工，下次請早囉，無所謂架喎，都唔使咁...........最後回我一句”無呀！"......咁我咪走囉，佢都可能知自己態度有問題，我轉頭走咗幾步，佢話"你星期一打嚟再問，得閒先幫你搵。"......我呢啲細客你都係唔得閒招呼我架啦......我只係回頭應佢"哦！"就走咗......心灰意冷之際，另一個打擊就係行到街尾發覺拎住去配嘅原廠皮帶唔見咗，明明頭先比個老闆娘睇過，都好定佢都有比番我......

最後好彩去到義和昌未關門，因為無實物響手，憑記憶講齒數配，拎到出嚟長度好似差好遠，死火，唔肯定係乜.....佢叫我拎個齒輪佢睇下齒形啱唔啱先，因為無帶出嚟，佢又星期一年尾收爐，所以唯有即刻飛返屋企攞，喺佢關門前十五分鐘趕到去。佢地好好禮貌，又好耐性，幫我度尺，搵貨，真係做百幾蚊生意都咁有誠意，抵讚！

多謝晒上面幫手解決問題嘅師兄！