打風最佳節目，砌 EB48.3

新鮮熱辣

開盒包裝一貫係每一步獨立一包，非常方便。Tekno係砌咁多車中最好砌嘅其一，parts準，包裝方便用家，砌圖紙清楚，係好砌到笑嘅車。

第一part砌牙差，牙差同舊款一樣冇變，但好似個牙差殼個模改咗小小，藏o ring個位深咗，個口位好滑好平唔使加工，但我都係落silicon封口確保唔漏。膠料一貫高水準。唔想扭到手軟嘅電批係必需。我唔跟廠setting，行5/7/3。砌完倒轉擺咗一晚，冇漏

GTBB 發表於 2015-7-10 13:35
平實嘅装車報告, 讚! 吾會一味show off D option灑命。

我又唔係好似某啲師兄咁乜嘢香港第一㗎呀，首版呀未出街呀咁。香港咁多高人，係又點，唔係又點呢？
至於補品，我都鍾意㗎，但講真Tekno真係唔使點補。
去番砌車
跟住砌前後波箱，砌咗頭先到尾。波箱殼好似冇變，裝大bearing嗰兩塊薄介子好多車手都話裝唔到，有啲仲話搞到隻薄介子孿晒都涉唔落，其實喺bearing位搵把戒刀刮刮啲水口，就順利放得落。Tekno波箱有樣好係封密嘅，斜牙落多啲油都唔怕。
跟住頭波箱就上油壓神主牌，呢樣係全新設計。新車一個改動就係油壓全部加長，頭油壓用48.2尾嗰條，尾就用truggy嗰條，所以頭尾油壓神主牌都好高，放落48.2比高一橛。
跟住砌尾波箱，上尾油壓神主牌（又係全新設計），然後就新設計嘅low profile風翼架。呢個新款風翼架好處係小好多parts，舊款架長啲同駁位多我玩咗3個月就責孿晒，換咗新款好似硬淨啲。
然後就砌尾A臂同upright。呢一部嘅parts除條antiroll bar、camber link同條狗骨軸外差唔多所有parts都係新設計。首先前後下hinge pin座由以前橢圓形嘅insert轉咗方型，好處係setting由以前嘅5個位變咗25個位。下A臂，泥擋同upright都係新設計，下A臂封晒底，4mm pin位順滑唔使好似説明書講要搵枝4mm鑽加工。値得贊係droop screw改咗，以前要反轉車set droop，新款粒冬菇螺絲改咗另一邊都有2mm 6角位可以唔使返轉車set droop，値得一贊！加埋新A臂droop screw位凹入嘅，唔要droop粒螺絲全入都唔會底板磨住，減低底板droop screw位磨蝕機會。
後antiroll bar改咗用2.4mm （以前係2.6mm）。
upright geometry改咗，hinge pin得返一個，但hinge pin位有兩粒機米上住條軸，減低虛位。wheel hub改咗偷輕款，但實際上作用唔大。

Nori 發表於 2015-7-11 00:14
枝綠油系邊買禁大枝?

呢隻係SF3，我喺亞蘇士做嘅朋友話我知其實就係佢地枝錄油。美國買唔貴，我冇記錯一舊水港幣唔使。其實呢啲shock seal greese仲有其它好用又抵過小牙糕裝嘅產品，上A Main check吓啦，有隻黃色嘅聽講幾好㗎

跟住輪到砌頭A臂同轉向。呢一部嘅parts大部份都係新設計。首先發現係C座同steering block hinge 位全部有機米上住條軸，減低虛位。砌C座留意kingpin同下hinge位兩粒螺絲長短差小小（kingpin要短啲），唔好搞錯。C座係現時新款車都用嗰種轉向offset設計，應該會令轉向感覺靈啲。頭A臂pin位就要要搵枝4mm reamer加工。頭antiroll bar一樣改咗用2.4mm （以前係2.5mm）。
跟住砌成份轉向組件，成組嘢冇變。轉向組件切好後就連接成份頭波箱，個轉向碼我用咗KKPit金屬補品，係貪靚啫，其實原裝夠晒。

跟住成份頭就收落底板，塊底板冇變，一貫Tekno窄設計令架車好轉，但因為呢塊底板冇其它1/8 buggy闊底板咁喺邊位有骨，架車又冇2樓，所以行車時塊底板其實一路前後摺緊，咁樣有兩個問題。首先，如果照用原裝前後車殼柱去裝殼，會發現好快頭殼窿位爆晒，因為個殼頂唔住㗎車跳緊時塊底板前後摺嘅力。所以我唔用頭殼柱，改喺兩邊用魔術貼固定個車殼，咁就唔會爆殼，個殼亦黐得實，未甩過。第二係，雖然架車有3個補強碼去加強底板前後，但就算三個都用晒底板都後摺，但會頂得住唔會責孿底板。最衰係鬆咗中同尾補強碼我試過會令架車轉啲，但咁做會換來塊底板好容易喺後波箱同中波箱之間因跳jump嘅力責到孿咗，一孿咗就要使8舊買過新底板，所以我三個碼用齊，情願用其它setting 就。


頭bumper係新款冇咗底下防磨底板嗰橛，但我唔鍾意呢個設計，下次入倉買番舊款用。

跟住砌中波箱。中波箱係全新快拆設計，而家鬆4粒螺絲可以攞中差出嚟，唔同舊款要拆餐懵。但Tekno跟車套快拆設計中波箱件唔係全金屬，淨係摩打座嗰邊係金屬，要全金屬就要俾多啲錢。


跟住上埋全份尾落底板，尾我落咗DE塊保護膠，減低磨蝕尾底板。

cmm512 發表於 2015-7-13 22:26
師兄請問一下的，塊DE 底保護膠系邊樹買到架？

倉有，或者喺Tower訂

師兄，Tekno一向真係唔使點補，個人建議買Tekno隻金屬servo臂加DE後底板保護膠夠晒

我用hi volt servo, spec >20 kg <0.1s， 用過savox 唔太好，倉有得賣嗰隻Protek用落唔差，Futaba 9352HV同Sanwa ERB861都好

有機喺倉一齊玩

Savox我有隻新嗰時無乜但十零轉車就好似無中位咁，之後玩到燒咗，換隻protek落去趟呔即刻跟手，到依家玩咗個幾月重係幾好

leefung 發表於 2015-7-19 23:40
C兄 想問下green oil 有無全名？好難穩阿 thx

Associated green slime或speedmind都有，細牙糕裝，大部份模型舗有賣（包括食粥，紅星同倉）

Nori 發表於 2015-7-19 23:59
請問protek servo約幾錢?

7百幾

wingkuen 發表於 2015-7-20 00:04
各位師兄,如果想平平地 嘅摩打同電變落落呢架車到.有咩好選擇呢！ 唔該各位師兄! ...

玩得呢㗎車冇理由慳套電子野喎！電變我用得最多係Tekin RX8 Gen 2，雖然我有一套全新未放落地著火燒咗，但用過係佢最“爆”。同Tekin有得比係Novak Activ8 v2，買咗一套飛緊返嚟，佢上一款個throttle最跟手。

平嘅我用過Hobbywing電變，ok但冇HV，超平，可以一用。牛冇用過，但聽有啲師兄話唔掂。摩打我未用過牛或Hobbywing，但應該唔太差

Savox我有隻新嗰時無乜但十零轉車就好似無中位咁，之後玩到燒咗，換隻protek落去趟呔即刻跟手，到依家玩咗個幾月重係幾好

leefung 發表於 2015-7-20 20:58
我想要XXXXXXXXL版

Noleen SF3 可以自己上網搵佢個website，另一隻藍色嘅A Main有

wingkuen 發表於 2015-7-20 22:31
師兄幾時再update啊。等待ing

Sorry呢輪搞緊㗎無限，剛剛上個禮拜落地set緊，48.3等埋個朋友嗰㗎砌起一齊應該下星期落地

跟住放電子野落車，呢部分同48.2冇分別。兩邊膠兜我黐魔術貼要嚟固定個殼，咁樣唔使用頭殼柱，個殼襟好多，魔術貼亦夠實，我㗎.2用魔術貼後都未試過甩殼。然後砌油壓，新款最特別之處係用咗特長油壓，基本上係.3嘅頭油壓係.2嘅尾油壓，而.3嘅尾油壓就由truggy移過嚟，所以.3一眼就認得出，四條油壓同神主牌超長超高，但因為彈弓都係源用以前嘅，咁嘅配搭油壓長彈弓短，粒collar要扭到好低，望落有啲古怪。.3嘅油壓原裝跟cnc賽鋼頁，唔再係以前件膠料。油壓腳同彈弓托都係新設計，有粒長機米連結兩件防止甩托，但以後要換彈弓就麻煩啲。前後油壓砌完就裝落車，Tekno裝油壓落神主牌嘅方法係用一件兩頭有牙嘅部件，咁樣令裝拆超方便，其它車通常收螺絲過山，要改油壓位冇咁方便。.3上油壓另一花臣係油壓腳用一粒特別螺絲去固定，螺絲特別之處係左右用正反牙，唔明點解要正反牙，但呢啲螺絲以前係補品依家跟埋。
上埋油壓架車大致完成。冇時間整殼，用返舊殼舊翼。跟住set車，照manual set。
今日同老友一齊新車落地試，呔行Proline Lockdown X4。第一轉原裝setting架車好肯入，但灣心有啲推，出灣有啲搶但都穩。長油壓嘅好處喺跳就完全發輝出嚟，㗎車落地超定，好似吸住咁，有時都會反彈但唔犀利，感覺好特別，可以早啲起油。今日玩咗8轉，換下呔，改下油壓位咁，時間係比48.2做得快咗。總睇架車好定好穩，尤其跳jump一絕。玩開.2嘅，換.3真係走唔甩！

加油！記得砌油壓塊拍平嗰面向下，說明書無講，問廠先知

Looking good!

師兄客氣
最後用咗邊套電子嘢？
倉轉咗場，超慢，仲喺度玩緊setting