Kyosho京商原裝Mini-Z羣組 - Mini-Z Official Cup Race情報

tempo3010 發表於 2016-6-2 18:01
唔該師兄, 不過我主要想玩漂移, 要AWD
我之前架車無炒無撞過都壞好多野, 跟住壞車上過MMS, 果度D 師兄都 ...

如漂移聽講CT較多人玩. 不妨都去拜訪下. Keeper老B好好人又好有經驗應該可以幫到你.


因我沒親身玩過所以唔敢答你Sport是否較易壞. 現在大部分會上車場玩嘅師兄都屬發燒友, 差不多全部都只會考慮VE PRO一步到位, 主要因為行MHS更跟手指, 無刷優勢係非常缐性又不用打理. 但比Sport貴很多, 剩車架已貴過套裝Sport連車殼及控. VE PRO如配KT18控只能行ASF, 要行MHS就要買KO EX-2 或 Kyosho EX-6 : http://kyoshoshop-online.com/kyo ... id=99999&ggcd=82030


Sport版行有刷, 起圍比冇刷爆好多, 要揾隻又快又缐性option有刷比較難, 碳刷要定期換, 再專業會飛埋銅頭, 唔打理隻摩打快腳軟唔快, 用電流(A 數)比冇刷大好多, 要快電嘅質數要高又要keep得好. 行FHSS可用KT19原裝控或Kyosho Synco Touch KT-432PT : http://kyoshoshop-online.com/kyo ... id=99999&ggcd=82136

我自己覺得如只玩drift, Sport版係值得考慮入門, 講緊1千幾一套有哂控及殼, 而drift亦唔係玩車速圈速, 最緊要漂得靚. 但要玩VE PRO行MHS再買個殼, 講緊係3千幾4千, 明顯係兩個唔同market. 我唔覺得Sport係唔值得玩或者唔掂, 由其新人想入門試下Mini-Z啱唔啱玩, 講真你只聽我地講叫你買套Pro一步到位, 但因冇落場玩車經驗, 冇時間玩, 冇時間浸下自己技術, 你可能會覺得更唔扺.

圖片 / Parts 分享 ! 叧外，想update及分享下近日羣組最新動態 ：

1. 新手組員加入后, 我發現只要一星期有一天能到場玩的, 絕大部份都在1-3個月內已上手, 特別係有入場玩過1/10 tourring組員特別快上手. 而組員一般3個月內都會至少擁有2部或以上mini車種.

2. 近期Kyosho出既MX-5車殼除左非常靚仔又超輕只有23g, 再加上期侍中7月尾推出既MR03 PRO MM2原裝94mm輪距窄陣車架, 大家都開始玩窄陣欣賞其樂趣. 我對這點特別開心, 因為自己係玩窄陣GTR出身, 永遠都會有架窄陣RM車守門口.  窄陣操控要較忍手, 不只對技術有大幫助, 窄陣車都較著重自己喜愛選擇車殼. 裝下燈, 盡low低, 車売又多數係熟口熟面街車, 玩起來特別投入有feel樂趣更大. 相對闊陣, 很多人都較著重車殼是否好跑至緊要快, 係兩種不同樂趣. 玩埋窄陣車的組員會發現比起只玩闊陣的興致更大.

3. 很多組員覺得, 雖然一般玩原裝Kyosho MR03或AWD VE / PRO + 硬殼可能真的不夠Lexan殼及其他牌子更高檔車種快, 但其實相差都不太遠. 而玩原裝MR03/AWD確有種莫名其妙吸引力. 其他牌子出的mini車, 我認為全部都係好車, 但就須要擁有足夠技術及知識先會識得去欣賞這些車種, 發揮其最佳性能. 而Kyosho的Mini-Z係mini車既始祖, 由MR01進化到MR03在性能, 美觀及襟撞襟玩程度已很完美. 能好好掌握玩好Mini-Z, 其他mini車種以至大車都必定沒有問題.

4. Whatsapp group非常熱鬧, 一日唔check你會發現最多會有2-3百個messages ! 由parts, 噴売, set車, 操控等各種討論吹水都有. 亦開始有group buy一齊從外國訂購一些香港沒售既 parts / accessories. 羣組亦已建立了FB page方便組員除Whatsapp外有另地方可做分享 : www.facebook.com/groups/MiniFriendlyClub

5. 不只在吹水, 羣組雖要更多人加入及有空於星期三或六來玩車, 才有望搞些比賽或分享會等的實體活動. 當然, 比賽或什麼其實都係次要, 羣組其中一個最要重要目的係組員每星期一日可來一起玩車, 實踐技術及分享知識互相幫忙, 多D人熱熱鬧鬧一齊玩, 娛樂及聯誼. 而選現址主要是因為配合日本Kyosho Mini-Z Official Race, PN Racing World Series及國內所用相同RCP比賽地物料. 明白各組員可玩車時間有別, 所以羣組正硏究, 可否相約一些不能於星期三或六玩車的組員一起到其他開放時間較多的車場, 但暫時還不太夠人及未有共識可落實逢星期幾.

近日動態大致係咁, 謝謝各位留言, 各組員及Mini fans支持 ! 特別多謝ZeroKwok及Yoda幫手PM, add人及影左咁多靚相 !!

R62 發表於 2016-7-10 00:48
今日(星期六)上左 RCPHK，多謝咁多位師兄教路。
本想出旺角即買車，即回 RCPHK 玩。

- 03 PRO跟車摩打座只為98mm陣距wide, 由MR02原用至今.- 03 PRO跟車摩打為紅色8500kv, MM2跟車摩打為藍色5800kv
- 新車03 PRO MM2 跟車摩打座可合94-98mm陣距(102mm都得但Kyosho話查查后方多數會頂殼), 另外有后bearing carrier作用可調後車高.
- MM2跟車已有查查, 03 PRO舊車沒有.
- Kyosho出MM2主要為JSCC賽例94mm narrow(窄陣)車可用中置摩打layout(MM)代替傳統后置摩打layout(RM).
- 所以MM2出廠設定為94mm陣距narrow, 但只要用跟車的配件, 可輕易改動成98mm陣距wide.

雖然很多人最后都會換哂原裝膠件, 用金屬及更多功能的option摩打座, 查查及中撐等, 但對一個新玩家, 由其對Mini-Z陣距, narrow, wide及option parts還未有概念, MM2基本上已有齊一架03最重要, 應有及可調parts, 可以什麼都不換就既玩, 直至對parts有更多了解, 掌控到基本技術后, 先再考慮upgrade parts.


03 PRO - http://kyoshoshop-online.com/kyo ... id=99999&ggcd=32781

PRO MM2 - http://kyoshoshop-online.com/kyo ... id=99999&ggcd=32782

y_char 發表於 2016-7-16 18:17
師兄，請問點入group?

7/17/2016 Update

Whatsapp羣組已超過40人, Facebook 80人, 想加入車友, 因常忘記來收PM，所以除了我亦可PM ：

ZeroKwok ： http://www.rc-evo.com/xbbs/?39333

Yoda ： http://www.rc-evo.com/xbbs/?90982

他們便會add你Whatsapp. 謝謝各位繼續支持 !

超級感謝以上各車友留言及分享 !

Update下我自己及群組最新近況 :

1. 我最近整左架MX-5 + Hiro包圍可惜成個月都唔得閒去玩. 羣組就依然火熱, 完全唔洗理行自動波每逢三六約埋一齊玩車.

2. 現在每星期都會有主題玩下友誼賽pair下車, 主題包括GT, Supercar, 闊或窄陣, 90後, 98, LM, 中古, 首都Go, 房車等等等又裝燈又話要熄燈又乜又乜好鬼多主意,...其實, 個另原因唔配主題都必定welcome, 只係想大家多D搞又投入D. 車友一方面可操車,  又可每星期都有D唔同野搞下對Mini-Z加深認識, 另一方面又可好好利用已買或準備買不同款式車売.

3. 車友們亦開始為24/9 Mini-Z香港選手權賽第一回合(共兩個回合不同日子)作準備紛紛將自己全改車還原或索性買多一部全原裝操車. 㫮因參賽者既車, 殼, 控, 電, 呔, 摩打以至摩打齒 ....總之除左個人外既所有軟硬件均由大會供應共一色一樣, 當日每場抽簽使用, 可算係一個香港Mini-Z史冇前例純技術+運氣比賽.

暫時講住咁多睇下相, 想加入朋友可PM ZeroKwok 或 Yoda, thx !

羣組admin報告 :

1. 非常感謝所有組員支持, 羣組原先定下目標及活動已達到 !

“ Kyosho京商原裝Mini-Z羣組 - 現正召集組員加入 羣組主旨 : - 透過玩車聚會一齊玩Kyosho Mini-Z既簡單方便又可極PRO的RC消閒物. <<< 達標 ! - 回到Mini-Z最跟本的, 享受及欣賞其性能及極精緻像真的車款車殼在跑, 一齊玩車pair車的樂趣. <<< 達標 ! 主要活動 : - 每星期一次聚會玩車. <<< 達標 ! - 不定期操控技巧, 改裝, 設定心得分享. <<< 達標 ( Whatsapp group內分享為主 ) ! - 羣組達足夠常聚會組員,  將計劃定期舉辨比賽. <<< 達標 ! - 組員亦可相約參加每年於國內, 台灣及日本等舉行Kyosho Mini-Z Cup比賽 <<< 已在望 !!! “ 2. 來年, 羣組除了希望有部份組員能取得Mini-Z香港選手權資格及出席下年度於日本舉行Kyosho Official Mini-Z Final世界賽, 亦希望能搞些實體操控技巧, 改裝, 設定心得分享, 正有賴各組員策劃, 支持及參與. 3. 另外, 由上年開始, 日本Mini-Z Cup Final除了Open, Expert, JSCC, Compact及Buggy組外, 另新增Rally組賽( 限制AWD車架+漂移呔 ). 但與大部份人熟識漂移不同, Rally組漂得好快, 介乎grip同drift之間, 羣組希望來年有些組員可投放多點時間及budget於AWD車架及這個鬥快漂移的新領域, 令羣組有更多玩法更多源化. 新增Rally組介紹及比賽時影片可參考 : http://blog.rcmart.com/rc-kyosho-mini-z-rally-racing/ 4. 已有一直玩開03VE/PRO組員買了03 Sport玩, 有刷摩打+鋰電其實已經快到不得了, 操控性能等基本上已極佳. 有羣組資深成員表示, 雖然理解香港人都喜歡買最好最新的玩, 但基於一部03 PRO或MA020 PRO未改 + 売 + EX-6 + 呔鈴, 電及差機已越$4000, 相對约$1000已包車控殼的Sport, 亦要很資深玩家才能分辨. 所以買Sport set入門是既方便, 快捷又性價比高選擇. 羣組期待玩開VE PRO又買了Sport組員可進一步分享兩者比較. 5. 感謝羣組一資深成員Paul記車房建議及自己補貼一車殼作為首都Go主題賽之勝出者禮物. 現希望熱心組員以自願性為首要, 可捐出一些少禮物( 例如不合用的parts或車殼等新舊平貴不拘 ), 讓羣組舉行的比賽中送給勝出組員作為少少心意及鼓勵. 6. 羣組仍熱烈歡迎車友加入 , 除了PM我, 請同時PM你稱呼, Whatsapp號碼及可玩車時間給以下兩位羣組聯絡人, 我們就能更快可add你 : ZeroKwok : http://www.rc-evo.com/xbbs/?39333 及 Yoda : http://www.rc-evo.com/xbbs/?90982 感謝所有組員及車友支持 !

羣組admin報告 :

1. 約有10位組員參加了24/9/2016上星期六舉辦2017 Kyosho Mini-Z Cup世界賽香港區選手權賽第一回合. 2位組員跑入A Main, 共五位組員分別取得徍續 :

- C Main 季軍

- B Main 冠, 亞及季軍

- A Main 季軍

比賽在一遍緊張, 剌激, 公平, 公正, 歡樂且友善有禮氣氛下進行, 各參賽組員都玩得非常開心. 羣組admin特別向主辨單位RCPHK的Stephen, Kevin 及Jimmy致謝, 當日專業及完善安排一切, 準備比賽使用的所有車輛及所有軟硬件, 令參賽者完全不須為整車set車操心. 又邀請職業車手一起參加, 令各組員有機會見識及學習高質數的技術表現及比賽角力.

Official results, 花絮及比賽影片可到RCPHK網頁 : https://rcphk.wordpress.com

第二回合將於10/12/2016, 兩場合計成績首5位可取得選手權出席於日本舉辨2017 Kyosho Official Mini-Z Cup Final 世界賽.

2. 有賴於各組員熱誠及一呼百應, 羣組玩法現正多源化, 當中包括三大類 :

- Modify grip ( 不限改裝, 車架及任何parts )

- Stock grip( 原裝Kyosho車及parts )

- Rally drift ( 漂移 / 快漂 )

特別一提Rally drift為羣組新增項目, 從未drift過組員一般都能在1-2天便上手. 源於上年Kyosho Official Mini-Z Cup Final新增Rally組, 同快車相同8分鐘比賽鬥快, spec為原裝Kyosho AWD+漂移呔, 又漂又鬥快. 組員試過后都紛紛愛上即去買車, 現有4-5位組員已出車, 其如組員正考慮買新, 二手, Sport2 或等侍11月出的MA020PRO SP.

羣組仍熱列歡迎車友加入, 除了PM我, 請同時PM你稱呼, Whatsapp號碼及可玩車時間給以下兩位羣組聯絡人, 我們就能更快可add你 :

ZeroKwok : http://www.rc-evo.com/xbbs/?39333 及 Yoda : http://www.rc-evo.com/xbbs/?90982

1. Mini-Z Cup Final 2016 - Mini-Z 的 甲子園 !

能帶走只有以下這些，可參加成為當中一份子的那份喜悦心情，行李箱有多大都載不落。

- Mini-Z Cup Final 選手權記念牌

- Mini-Z 總工程師石川先生及賽車女優Mio簽名Audi R8參賽車殼
- Garage Hiro會場限定色Pit Matt及鎖匙扣

謝謝Yoda的" Mini-Z週記 "已cover了一些花絮及相片. 現在正整理自己這幾天興奮心情及感受，望能幾天內post個總結.

香港加油, 明年再戰 ! ！!

(侍續 )

2. Mini-Z Cup Final 2016 - 香港選手權參賽戰車

共5位持香港選手參賽GT Class, 值得一提的是除須持選手權的JSCC, GT, Grand Prix, Rally, Buggy等賽事, 還有一場Nissan Class賽不須持選手權資格供新手參加, 組員Marco參加了這組, 最後我們一行共6人浩浩蕩蕩出發參賽.

各組的參賽車輛各有不同限例如GT及JSCC組只可用藍色5500kv摩打, 原裝或R246 option parts.

而Nissan Class新手賽選手須未曾參與過任何選手權賽, 日產車殼, 只可用KT-18 / 19控及Orion䶨性電池.

(侍續 )

3. Mini-Z Cup Final 2016 - 當地住宿, 賽前試車, 探路

Rick及大哥賽前一日才到歩住近東京, 距離比賽場地坐JR約3-40min. Paul, Sum, Marco及我則比賽前兩日已到步, 一行四人租住橫浜一所公寓, 距離Nissan總部showroom比賽場地步行只須15min非常方便. 公寓2房1廳實用面積約500呎, 露台, 開放式廚房, 煮食爐, 焗爐. 微波䲴, 雪櫃, 煮食用具, 洗衣乾衣機等一一具備. 比賽前後共住了四晚每人夾約$6xx, 非常經濟實惠. 我們不是豪華玩車團, 一班人只為了追尋Mini-Z一個夢想遠道而來. 除非要勁shopping, 整個比賽旅費連機票連住宿每人預約$3000已經可以成行.

賽前一日三人去了當地Super RC track試車及shopping之後會合Rick及大哥一起dinner. 而我之前一日因較夜機才到步比較疲倦, 沒有去試車只留在家中休息及準備戰車器材等. 晚上才自己外出dinner及到比賽場地探路.

由公寓步行到場地時約15min, 晚上7:30pm已看Kyosho Staff搬運物資及set場. 比賽track直路約30格, 深度約14格, 比起我們玩開的RCPHK大約1/3. 當晩已見不少當地選手紛紛到場探路.

(侍續 )

4. Mini-Z Cup Final 2016 - 比賽第一天, 女車神比比㫮是!

比賽的第一天, 我們依照大會時間表約8:00am扺達場地, 9:00am開始排隊報到, 登記sensor, 領取記念牌. 之後各選手轉流企上No.1 (最左) - 8 (最右)driver台試位. 選手只可企上driver台而不能放車在賽道試跑. 共兩日比賽, 賽道除各组跑qualify或final開放外, 是全時間封閉不能試車. 只有第一天10:15-11:20am時段為練習賽, 所有選手分為每組8人, 每組只有3min時間試跑.

直至12:35pm, 第一場qualify正式開始. 每組共有4場qualify, 取最好成績的一場, 計時間及圈數決定名次進入final. Q1- Q3於第一天進行, 第二天早上為Q4, 下午開始進行各组final. 我們特別多謝Kyosho安排了一位staff Fukomoto-san (福山先生) 為我們做翻譯及提醒我們出場時間.

有幸參加成為今年Mini-Z Cup Final一分子令我們大開眼界, 特別是當中有多位女性及小童車神 ! GT初賽與我同組有位人稱關西女車神的”柏原 由依”, 於關西區選手權預賽取得A2佳績, 當日初賽成績第12名進身final. 另外有位同性”柏原 真奈美”女車手相信是由依的家人, 於同區參加日產杯預選賽同樣取得A2佳績, 相相進身今年Final. 還有, 於關東區參加日產杯預選賽取得A3及於當日final取得A2佳績的”稻垣 綾子”. 由依及綾子不只手車快到我們連尾燈都看不到, 樣子亦長得非常甜美. Kyosho promotion女優Mio亦參賽日產杯, 還有一位用KO棍控女選手, 還有很多女選手不能盡錄 !

(侍續 )

北區 發表於 2017-2-22 18:29
可以去參加日本的ky杯真的是很厲害!!
想請問ky盃的規定部分,車殼可以偷輕嗎?
培林一定要用ky的產品嗎?

培林=承軸=啤令=bearing你好TW車友. 車殻, 車架, 原裝或op零件都不容許任何diy或加工. 為加裝燈飾或包圍而鑽孔加工, 令車殻看起跑起來更好看則例外.

5. Mini-Z Cup Final 2016 - 比賽第二天, 最後機會的Q4!

第一天的比賽完結後, 我的心情是很複雜, 一方面好開心終於可踏入這個甲子園. 另一方面我有點抱怨自己事前沒有預備足夠時間去為這次比賽作好準備. 令我感到最遺憾的是Q1-3我都因車一邊甩尾/太轉問題無法起到油, 完全沒法跑出自己應有水平. 晚上回家與一眾隊友檢討及商量後決定改變車setting. 在沒有機會再試車情況下改setting是個冒險, 但不改到第二天只剩下最後一個Q4也是起不到油, 所以必須盡地一試.

到比賽第二天, Q4時間終於來臨, 出場前檢查又發現因碰撞及老化, 底兜卡著T板的位置蝕了形成虛位令摩打座側向一邊, 相信就是做成我車Q1-3甩尾/太轉問題, 我確實太大意又疏忽草率......那時已經差不多步至driver台, 我唯有用手用力把摩打座大力扭一下修正.

結果, 總算可起到油而Q4是我做得最好初賽成績, GT組初賽總成績排尾2進身final :-) 而我們5位香港選手亦只有2位(另有一位中國選手)進身C main及3位D main, 令當時在港看live車友失望實在感抱歉.

(侍續 )

pd 發表於 2017-3-1 23:06
Nice !!!

PD大佬要搵你噴個売下年再去你幾時得閒上來坐下呢 ?

北區 發表於 2017-3-10 23:52
比較想知道為什麼每次ky杯,日本的選手都很喜歡使用F458車殼還有就是KY盃的限重是幾克呢?
以及使用無刷馬 ...

458 及 12C差不多是公認好跑的車殼而今年開始JSCC及GT組除限制只可使用藍色5600kv摩打外, 齒比已再沒有限制可使用6-9T原裝任何一齒比.

6. Mini-Z Cup Final 2016 - Final 升級賽制, 賽後檢討, A1 Setting !

下午Final正式開始! 決賽釆取升級制!! 每組頭1及2車可升上一组, D組頭1及2車可升上C組, C1及2可升上B組, B1及2可升上A組 !!!

決賽我D2出車D1返, 升上一組C7出車C5返, 有幸賽了2組Final ! 在港的車友組及羣組組員如從名次看可能有點失望, 當然在準備功夫上我確不足亦有疏忽. 但我跟其他隊友一樣都沒有因為計較名次或入不到A main而感失望, 反而得比失更多. 因為能夠參與這樣盛大比賽與各地高手雲集, 一同享受整個比賽及氣紛令我獲益良多. 除了在準備車setting及器材知識更新及增加, 心理質數/EQ更有大進歩, 亦令我在玩Mini-Z的里程中有了更新體驗及目標 !

另外, 在香港出缐選手權賽制使用開盒RM車及鹼性電池, 即大會派發公車, 電及控不能作任何改裝或調校, 與日本Final賽制及所須準備功夫完全不同. 我自2-3年前開始再玩Mini-Z時, 為了方便打理及成本已轉用LiPo / LiFe電, 電力及速度一直都不成問題. 但對於用返NiMh電所須技術例如精選電及摩打都變得生疏了. 加上在出賽前只能抽到2-3日時間到車場準備及試車, 相對當地選手多年來在此賽制下鑽硏精益求精, 我確實是欠了點經驗.

以上的因素再加上資源, 時間及支援都很有限, 我對今次成績及表現還是滿意的. 由其比賽第二天車setting問題有點改善終於可起點油由尾跑返上來, 而時間亦一次比一次好. 宏觀總成績, 各選手的決賽名次比初賽名次最多升1-2個位, 而我決賽比初賽名次升了3個位, 算是升得最多一位:-) 我是這樣去衡量自己的成績及表現, 而不是以自己在港是首名出缐去看, 因為去這個Final的每位都是A main出來的. 試想想如第一次踏足外地參加大賽便能入A取得佳績, 那麼這個比賽的水平也許只是一般就不能稱為甲子園.

GT Class決賽A1( 片山 和久 )及A2+TQ( 山木 幹生 )確是超班車手技驚四座, 其由在現場觀看更見兩人技術, 缐位及速度, 兩人將Mini-Z跑到世界級RC職業車手級數! 8分鐘決賽全程緊貼兩位選手分別做出40圈, 比A3( 吉田 隼也汰 )38圈快了2圈之多 ! 以下是當日GT Class冠軍setting可參考 :

車殼 : MaLaren 12C GT3

電路底板 : RA-27 ASF

Camber : +1 ( R246 )

Toe in/out : +2 ( Kyosho )

頭彈弓 : 紅色 ( R246 0.5mm彈弓座 )

T板 : 碳纖 (S) ( Kyosho )

摩打齒 : 8T ( Kyosho )

摩打座 : LM ( R246 )

珠差 : LM ( Kyosho )

查查/中撐 : 舊款黃色中撐及碳纖查查板( Kyosho )

Gyro : 有裝 ( Kyosho )

前/后 offset : +1 / +1 ( Kyosho )

前/后呔 : 30/ 30 有紋 ( Kyosho )

我希望明年能再去參加, 動力來自滿意今次表現, 亦察覺自己還有很多不足之處, 來自衡量自己應可以有更好表現, 要再去感受這個一年一次盛事, 成為當中一份子. 來自欣賞自己及隊友對Mini-Z熱情, 與成班車友晚晚在民宿吹水整車好時光 !

(侍續 )

6. Mini-Z Cup Final 2016 - Final 升級賽制, 賽後檢討, A1 Setting !

北區 發表於 2017-3-19 23:16
真的是太感謝師兄的分享
小弟每年都會很關注日本所舉辦的KY杯
今年也終於見到了大陸 上海 香港的選手們進 ...

師兄可以考慮約我們一起去日本玩, 除6人剛參加Mini-Z Cup final, 上年12月4-5人去了大阪WML交流. 今年6月又有組員將去東京Super RC參加比賽, 目的主要吸取多經驗, 擴闊我們Mini-Z光譜, 順道去旅遊shopping等.

好啦好啦我返來了 ! 對不起尤其曾pm想加入group嘅朋友, 希望你地已經搵左Yoda或Zero啦.
有賴各組員熱誠, 這Group搞得非常成功 :

1. 把組員帶回到玩Mini-Z嘅 " 原點 "及" 初衷 "
2. 第一年有6位, 今年共有12位組員參加日本Mini-Z Final分別參加GT, GP, JSCC及Nissan Cup賽事
3. 多位資深組員常到日本參加比賽吸取經驗及分享
4. 識左一大班friends玩車去埋旅行住民宿訓埋一張床 :-)
5. 邀請日本選手到港交流
6. 將一羣喜愛Mini-Z嘅組員跑出香港

Group內最update info可在Yoda嘅 " Mini-Z週記 "睇到

謝謝大家特別係Paul, Sum, Zero, Yoda, Marco, Ralph, Steve, Kit, Wing, Thomas, Gary, Rick, 大哥 and many many others.....( 排名不分先後 )

來年羣組運作可能會有些未知之數, 無論如何, 請不要忘記玩Mini-Z嘅 " 原點 "及" 初衷 " !

現回顧下往年好時光 :

ZeroKwok 發表於 2018-1-25 13:29
於上星期，香港Mini-Z Cup 的兩位隊友和將會參加Nissan Cup的隊員，有幸與一位日本朋友石川先生晚飯，大家 ...

Zero我都好感動 慶幸羣組有你坦任Group PR 幫忙做左好多group內外聯絡工作
少左好多時間玩但手車仍然同其他组員一樣進步左好多好多