新手求助

"聽說可能是銅鑼灣很多電波干擾"...你在其他地方有無試過？如果都唔得，隻船本身應該有問題。
干擾係有可能，但可能性比較低，而且很少情況 換過地方同時間都會持續出現。

breedertank 發表於 2016-5-24 18:58
換了 2.4G 控就玩到.
但現在問題是----> 充好 2 電 Ni-MH 9.6V 1800mah (各充7小時) 便去玩 , 玩不到兩分鐘 ...

我指你未換2.4G之前，有無試過，個遙控係唔係一路都有問題，還是到維園先有問題？
因為呢啲遙控，通常都係27M、35M、或40M，呢啲頻率現在好少用了，真係jam到嘅機會比以前少了很多，所以我才懷疑店員所講問題出自干擾。
如果隻船本身有問題，佢應該換隻無問題的畀你，而唔係攞去改裝。

你是否用原裝的充電機？如果是，廠方建議充多久呢？和可以玩幾耐呢？照你形容，塊電池應該未充滿，NiMH一般可以充放幾百次後效能先會明顯降低。

breedertank 發表於 2016-5-28 18:44
請間可以用此充電器去充以下 :-
6V 800mah , 7.2V 1800mah , 7.2V 1000mah , 9.6V 1000mah 及 9.6V 180 ...

你呢個係adaptor，唔好用來直接充電，會有危險。

你原本個Charger有粒電阻限流，被免overload，但adaptor唔同，佢寫500mA，即係叫你唔好超過500mA，你用來充電，唯一嘅電阻就係adaptor嘅內阻同電池嘅內阻，兩者都好細，如果你舊電電壓高還好啲，電壓低嘅話，電流就會好大，你個 adaptor同舊電都會發熱，有危險的。
建議你買個正式的差電機，都係幾百蚊，長遠計值得的。

另外，你肯定你原來個差機有問題？我見佢寫250mA，照你講差7個鐘，應該都有8成滿。

NiCd或NiMH如果慢充，即1/10C，1800mAh即用180mA充，標準充14個鐘，充滿會微暖，係正常。
如果超過1/10C，充滿後會比較熱，熱唔等於有問題，現在嘅NiCd或NiMH設計都可以用大過1/10C充，所以你用250mA或500mA充都無問題的，但熱就即係充滿，要停，否則對舊電唔好。
問題係你個差機係啲極簡單嘅設計，應該唔會自己cut（快充一定要識自己cut，係安全考慮），亦唔會穩流，所以你原本果個充慢啲，OK的，新果個，的確係會快啲充滿，但我個人就唔會用來充電嘞，最少搵錶度過個電流先敢用。
你個店家，好似唔搵問題原因，只係想你買野。