引擎問題

你先跟翻説明書將大細油針及氣門調翻原廠設定。檢查火嘴正常後，如常打油入副偈試着一兩幾下，如打一兩下打不着，用支控調大小小個入氣門再試。仲打唔着，就要拆火嘴測下副偈入面有無浸曬油，有就先將偈入面太多嘅油打曬出來

清油後收翻火嘴，還原入氣到原廠設定，先收六份一圈大油針再試，撻偈時，俾個朋友同時逐下逐下俾油。重複做幾次睇下情況再大家研究

補充，如果你用電撻就分幾次，每次按4,5秒撻偈。如用手拉就每次拉十下八下就夠。唔得就唔好勉強搏命撻，好傷隻雞比

副副偈都唔同特性，講真要用心去試去調，不過如何調都好，自己要每次試都有個固定步驟，唔好次次都唔同做法，自己會好亂，亦好難找到問題所在

講漏，每次撻車，最好用座托起架車四隻腳離地！仲有打得著偈，就好快踩幾下油，每下半雞至大半雞便可。如跟上有進展，再講下你個情況再硏究

其實我自己玩，先確保易着唔死火先！落地行熱副偈，要確保偈溫合適及穩定，先再決定收針多小。一般溫偈後，初段我會keep副偈80-90度，避免過100。真係玩到好穩定先視乎情況收針去爆下。我自己放下狗玩下，無鬥車，所以盡量保持副偈襟玩為大前題

2，3個字