遙控工房 X RCMART專訪

https://www.facebook.com/rcMart. ... EyMjg0NjA1NDgxNzYz/

其實本來冇諗過行得咁前，自己玩車又唔係叻。
不過就叫做想為個業界做返O的O野，縮埋一二邊有時好難做到......
唯有做傻仔企出嚟啦.....

大家睇完都可以知道下遙控工房係點嚟.....

其實今年係遙控工房第十八年，我地希望係二十周年前，做返一O的O野.....一步步咁去做。
希望可以有一O的真係好O既遙控車活動搞到出嚟。

努力緊，亦都希望大家繼續支持遙控工房。

十八年O既工房，經歷過好多事情，有開心O既有唔開心O既。

睇過好多車會係工房成立，睇過好多車會係到解散。
睇過好多人玩埋一齊，睇過好多人因為意見不合拆檔。
睇過好多品牌風光，睇過好多品牌消失。

甚至睇過由得電波同工房兩個香港遙控車網，發展到好多個，到今日所剩無幾。

雖然工房係用討論區形式，未必係與時並進O既FACEBOOK，TWITTER, INSTAGRAM.......
但至少如果有一日果啲社交媒體式微時，大家都仲有一個地方可以吹到水。