你覺得用30A充電係爆電主因嗎？

https://youtu.be/zd9BXg6E8_0

Youtube上有討論認為用30A充電係會爆電，唔應該教大家用高電流充電。

大家覺得係咪必然正確呢？玩stock用緊i charget充機嘅朋友點睇？

個人而言，果位朋友講嘅話大電流充電係at your own risk。我會話，無論充1A定30A都係at your own risk。因為遙控車本來就係將啲配件推到接近極限玩意嚟。玩咁多年，睇住燒摩打，燒電變，爆電多的是。所以話大電流充係at your own risk，其實玩遙控車本來就係要at your own risk。

講返個topic，你又覺得係咩原因爆呢？

我個人認為：
排電漲咗都照充
冇做平衡死充
根本就set錯部機嚟充
唔啱C數夾硬充

大家又認為點解呢？

當然，無論用1A定30A充，都應該要用防爆袋嚟做安全措施。

其實究竟市面電池上面寫幾多C，係瞬間定係連續，其實係一直都冇一個公論話係邊樣，講得衰O的係廠O既定義嚟。(賣過鋰電O既人講O既說話)

因為大家試諗下七八年前O的鋰電，先寫住係10C, 15C，如果計當年O的鋰電先果4500-5000MAH，先果75A，但當年啲電變都120A喇(呢個真係瞬間)，咁咪即係死得?
又或者宜家有O的寫住100C，但就已經講緊6000MAH甚至10000MAH，咁用6000MAH計，咪成600A!?又有冇電變可以做到先?

所以呢個只可以話係廠俾大家O既一個指標，話佢排電大約O既能力，只可以作為參考。

至於最近多咗一個Wh係乜......其實只係又係一個參考，個數係等如你MAH果個數乘返7.4V。

*****************************************************************************************************************************************

好喇，至於話30A充電O既問題，如果你去問下玩STOCK O既朋友，好多都用緊25至30A充電架喇。
用呢個數充電唔係因為為咗快，係因為為咗令排電爆啲(唔係爆炸果種爆)。
其實外國果邊都已經做過晒測試，就係一排電係30A放電同充電情況下，佢係會降低排鋰電池O既內阻，可能本來係5mΩ，降低至2mΩ。
電阻低咗，咁就自然令排電輸出快O的，亦都令排電放起車上嚟爆好多。
但呢個過程多數係買返嚟做，之後降低咗就會用返20-25A咁上下充，但個步驟係咁做。

有版友講話用內阻嚟睇，其實可以作為參考，亦都係因為呢個原因好多機宜家都有得睇內阻。

但如果你又睇返MODIFY啲人會唔會咁做呢?佢地係唔會用，因為佢地已經用快摩打，同埋佢地要求電池輸出係要平均，佢地係要平均地快，唔係爆。

即係話，呢個電好爆只係短暫性，亦都唔平均。STOCK用係因為STOCK車速唔係好快，要用爆幾圈嚟攞優勢。

*****************************************************************************************************************************************

然後又去返30A充放會唔會爆電。如果係好好睇住佢睇埋只係要嚟降內阻下，係唔會。(但世界唔會有保證，你5A充都有機會會爆。)
但如果你明知排電漲晒都咁做，又唔睇住。咁就好危險喇。
同埋最重要一點，你set 30A唔等如部機就會30A充，佢去到充滿果個位其實係降返低。

我自己計，我用5-10A嚟充，因為我唔駛咁爆。
同埋舊電用30A嚟充，係會快O的玩完。
成日大A數充，亦會降低可以用O既容量。
本人窮，電要耐用，10A對我嚟講好夠。

不過事實上嚟講，鋰電由初初係遙控車用，到宜家完全普及，發展過程同技術都已經好過以前好多，甚至宜家有出Silicon-Graphene電，7.6V LI-HV電。
係咪應該用返六七年前方法嚟思考呢?
大家都可以諗下呢個問題。

純粹講下個人意見，大家可以繼續討論~

ray2011 發表於 2018-6-25 14:19
如果用30A充电有防爆袋,在面前爆了會受傷 嗎?但ㄧ定以后唔敢充电了。

咁就睇你幾近喇。
正常嚟講用咗個袋，7.4V爆起上嚟，啲熱力同火係出嚟到嚟，個袋會頂咗O的爆炸，但之後會有機會燒穿。
佢係等你可以趕得切去救火，唔會因為一爆時啲花火四濺辣著周邊O既O野先。

https://teamorion.com/en/batteri ... ipo-8200-7.6v-120c/
https://teamorion.com/index.php? ... uct&object_id=63081

Team Orion呢隻電就寫住120C放電(又係有冇寫瞬間定連續)，但亦都有寫充電係5C。
如果計佢係8200容量，就即係40A以上充電。

其實TEAM ORION好多款電都寫住係可以5C充電，係寫明添。

kclam 發表於 2018-6-26 19:04
用大電流充電會不會短命D？

會

比賽電更加係。

JOHN2 發表於 2018-6-27 10:24
其實好多电寫個C數係呃下人，你揾部老爺turbo 35去set 30a 放电，其實好多硬盒鋰電池只可以放10秒8秒就會cu ...

其實係O既。但又唔可以話佢呃人。
因為真係冇一個確實標準話應該係去點標呢個數。

你可以話用30A充放，係TEAM ORION較有保証同安全。有幾多間敢好似TEAM ORION咁標明?
同埋用30A放電，亦唔可以放到足3.3，要SET做3.5甚至更高。唔少人話要4.0添。

原因係因為始終逃唔過充電能量法則。

你越大A充電，佢容量就會變細。
你6000MAH比賽得返4000(其實冇咁細，舉例)，你仲可以鬥到，因為唔係鬥咁耐時間。
但一定會影響舊電壽命，易漲，冇得避。(聽聞新O既石墨烯電池好O的.....但只係聽聞)

所以點解啲用3.0充電果啲電話，會特別快瓜電池，之後ANDROID要改SOFTWARE做有時會用返長時間充，就係呢個原因。
成日快差特別快瓜，亦都特別快用晒啲電。

正常1C充電舊電自然係最襟玩。

warehouse 發表於 2018-6-27 08:12
怪唔得有時見有Ｄ２手電放出嚟，睇相片超新凈賣家話只用數次，可能係比賽電。 ...

所以通常都唔會買二手電........二手電變摩打都唔會買。

RCMan_2006 發表於 2018-6-27 12:41
冇你咁有錢，又想玩，唔買二手，有乜計

咁買二手就有風險O架喇~

RCMan_2006 發表於 2018-6-27 13:38
我應為某d包裝有誤導成份, 1xxC 係logo定係符號, 佢地都冇講過係放電功率  

有幾多有真才實料呀  ...

其實呢個係真。

果時我代理過電池，就問過呢個問題。
啲廠其實都答得好含糊，好難話俾你知係佢地係咪真係夠C數。
加上好多牌子O的C數，其實都唔係自己測，只係廠話乜佢就寫乜。

不過，一般嚟講，用到10A充，宜家啲電都冇乜事。
30A就真係要用靚電大牌子電。

又或者咁講，賣遙控車O野，賣電變，摩打同電係最易出問題。

例如電玩一次就漲，電變好快燒咗，摩打又係。

做呢O的CS最煩，個客實話佢用一次就點點點，冇亂用等等....
然後賣果個代理又唔想換又會話其實你係咪乜乜乜.....

反正一壞就煩。

所以做呢三樣O野最唔好做。

warehouse 發表於 2018-6-27 20:23
RC細店舖確實捱租捱人工薄利很難做，近來大嘢RC媽唔知點解友善咗，值得上去密Ｄ。 ...

RCMART收得貴過出面

果到其實就係啲CS服務費用。

warehouse 發表於 2018-6-27 20:40
其實你話店舖難做，我每次買kit車一路砌一路擔心如果少件如何處理，同店家講盞嗌交兼無得補，通常希望有par ...

有啲人只講求平，而冇去睇平O既平O既背後其實係冇咗O的乜。

warehouse 發表於 2018-6-27 22:14
rcmart比人貴幾年來我都知，但最近買嘢友善又令人舒服，如有一次買完嘢，Ｄ哥仔話有免費摩術帶１包6條，啱 ...

佢地以前唔係主力做街客，O的人都係臨時叫佢地出嚟同大家做交收，咁走出走入自然唔開心。
咁宜家佢地已經當自己做埋門市，個倉存系統又搞好咗，咁搵O野方便，大家上嚟買佢地當然好聲氣啲~

RCMan_2006 發表於 2018-6-28 14:26
講左sorry先, 請勿對号入座...玩遙控好多C兄係吾睇說明書, 指靠問/ 經驗做, 可以吾出問題機會率, 可想而 ...

哈哈，我同意，呢個係事實。

有啲牌子電池有說明書，其實唔知幾多人有睇過呢?

利申:我冇睇~

RCMan_2006 發表於 2018-6-28 14:37
係呀, 哥仔都有返d笑容, 連 andy 果當都冇左魚蝦蟹 !

講真我識ANDY同阿DICK咁耐，都唔覺得佢兩個份人有點。
反而其實以前KWS多鋪頭，同行競爭多，減價多，變成鋪頭同鋪頭之間有拗撬，情緒比較多。

但家陣啲鋪頭都死得七七八八，鋪頭一隻手都數得晒，大家真係真係做生意，感覺唔同咗。

warehouse 發表於 2018-6-28 15:36
RCMan師兄講得好。我都覺得近來大店有Ｄ經營新策略加上雄厚資金對小店可能有無形壓力，往後細店亦會跟住變 ...

搬晒上樓唔做街客，一係賣網上，一係賣自己友。

正常store mode後充，內阻係會高過放完電再充，至少差1m。

所以高放高充係有原因。

註，我係先10A放，再20A充。

georgej 發表於 2018-7-21 13:33
記吾記得車場碰面是研究過，玩stock可以吾需要去到咁大A充電，進一步去睇充電機輸出既W數來充 ...

你同我一齊吹果個都係一個方法嚟。
不過個結果同大電流充有小小唔同。

ANYWAY，都係果句，俾幾爆O既電你，但手指唔得都係冇用~

大電流充，始終係有一定風險。
不過唔代表細就完全冇。