？分享強國老番山豬心德？

sean2013 發表於 2019-1-3 18:02
https://www.youtube.com/watch?v=YInjiyxH20A
正~都想買,正版太暴利

暴利?

版權唔駛錢?
開發唔駛錢?
生產唔駛錢?

覺得人地貴，最好就係自己試下開發一次，攞齊版權，到時你睇下你會唔會話貴。

覺得人地貴，唔捨得，你可以用唔捨得好貴嚟形容，而唔係用暴利嚟形容。

fyin 發表於 2019-1-8 09:52
其實唔明而家點解仲要抄人家設計昵?! 啲廠本身已經有條生產線架喇, 只要設計其他車款咪得囉. 哩架老翻個波 ...

因為可以借到田宮原本山豬個名，幫助到銷量嗎。
唔係的話，可能搵鬼買。

sean2013 發表於 2019-1-11 15:24
暴利就係暴利
我做產品做開發做生產唔清楚得過你
佢既山豬80年代開發生產,頭淡湯早飲完了之後復刻就係暴 ...

首先，本人都係做產品開發，所以我唔會唔清楚過你，唔好以為淨係閣下先係做。
本人仲係一間開發產品公司O既老闆。


作為一個做產品開發O既人，竟然可以不尊重版權。可悲。

一件產品復刻就一定暴利?家陣人地用返舊模具咩?人地唔係做新?
仲有宣傳唔駛錢，生產唔駛錢?
菲律賓生產啲工人就理應被揸天壓?
都仲未計材料升值等等問題。
版權唔駛錢呀?牌權係基於出幾多部車，每一次出都要俾錢，唔係俾一次就係你。


仲有，乜你以為宜家啲遙控車好多人買咩?

咁都講得出嚟，都幾懷疑閣下點做產品開發。

如果我聽到個員工咁嚟講話出個PRODUCT就叫暴利，而唔去考慮開發成本，唔去諗人工唔駛加，唔去諗出十件PRODUCT唔等如件件都好賣......仲未計倉存，代理O既利潤(代理理應要年年唔賺錢，白做先O岩)。

我一係炒咗佢，一係就同佢講佢今年唔好攞雙糧花紅，因為佢唔值得我加佢人工，應該年年俾八千佢就夠，多一蚊都係暴利。

kenlolo 發表於 2019-1-8 22:37
其實開發一架車,真系用好多時間,人力設計.不斷修改出錯問題,自然一定用金錢去計算其價值.
打個比如Lego也有 ...

LEGO只要你唔係掂到佢個版權果條線，即係做同佢一模一樣款，又或者係包裝都一樣等等，佢係唔會理你。
因為多啲人出，其實成個市場係好。

但如果監生咁嚟抄，連個盒同入面配件都照抄，LEGO先會告。呢O的本來就唔尊重版權。

tophand88999 發表於 2019-1-12 00:01
嘈冇用既，皇帝唔急太監急，廠唔暴，零售都暴，賣得出先講啦。廠唔出聲，咪冇事咯，執着，只帶來煩惱。 ...

其實好多廠都係懶得告，因為就算告，分分鐘係賺O既錢俾返晒落去都未必叫人賠到錢。
見得太多日本仔啲玩具廠俾人抄到一模一樣，都係係自己網站出個POST話係老翻就算。
就算係田宮，你以為佢上市?佢都只係一間細廠仔嚟。
如果佢係咁有錢，就唔駛連TRF都要摺埋唔再鬥車。

mattma369 發表於 2019-1-29 10:53
最後佢地咪又係財源滾滾來......好似 (天屍) 出D 殼咁, 那有版權

車殼就冇O既，只要你唔好打佢車牌同有LOGO。
但如果有的話呢，就係會告O既。
香港其實有生產廠俾人告過。

當然，宜家O的人多數國內線，唔會咁易俾你告到。
但事實上嚟講，係侵權。