speed passion 11.5T

琴日玩車行行下跪低，俾油卡卡聲一睇嚇到傻左，隻摩打前蓋軸芯粒啤令散晒，得番啤令蓋同埋幾粒四散鐵珠，請問要配粒乜嘢尺寸啤令，唔該哂各位師兄。

可否攞個摩打上佢油麻地店配啤令，會唔會唔釆兼俾人鬧。

拆就唔使因為自已散晒，但係真唔知裝啤令要工具，架車裝了拾幾粒啤令都係放啱位就掂，唔使工具凈係加Ｄ啤令油。

唔該chacha及duckduck師兄指教，買工具整就唔值囉！請教甚麼原因會粒啤令解體，電變用tble-02，車係Aero Avante ( DF02 ) 摩打及電變都有高速風扇一路吹一路跑的。

登錄/註冊後可看大圖

本死無大害橫掂都瓜左攞嚟研究下.....尖咀鉗、螺絲批，卜批，鐵板，隨仔，卡鉗，枱燈，放大鏡，wd40，好有機會慳番幾舊水。

chacha 發表於 2019-7-20 16:20
你呢隻都好舊款，換過隻啦！

修理都係好過引，拆解過程認識下結構，整唔番米買囉！經濟抵玩有邊隻？

裝左粒4x10x3啤令，收番3粒長螺絲，駁番晒Ｄ線俾埋電，轉喎！

多謝pecky38支持diy，我心態是隻摩打橫掂都死了，用手頭工具試下醫，醫唔翻都學到其結構，醫得翻就唔係慳到錢而係好有成功感好開心(摩打性能比原來一定差Ｄ)，你見唔到我琴晚駁線駁電池開發射機嗰下個心卜卜跳好緊張，念念有詞....轉轉轉，嘩！真係轉得番

pecky38 發表於 2019-7-20 14:21
師兄，知否那裡有適合RC小啤呤的啤呤工具賣？我個servo要換齒輸組但最後一級大齒個啤呤食死係個servo那邊 ...

影幅相俾大家睇下個啤鈴位置，多些人研究辦法。

pecky38 發表於 2019-7-21 21:24
新的尾齒又有個bearing係裡面更加難除！

睇相啤令是否向上拉方向先可以拆出？如果是上拉就有辨法。

pecky38 發表於 2019-7-22 09:19
問題係中的可變電阻那部份是塑膠的不能加熱！

我把相片放最大觀察可試兩個方法 1 ) 啤令底部同servo殼會有一些隙縫，可用拆手機之薄不鏽鋼片在不同角度小小攝入隙縫 (慢慢黎莫大力)，或 2 ) 用紙巾或酒精棉抹啤令周邊 (去一些油積)，然後用厚雙面膠紙(例:3M)撕走1面保護膜後圍繞按壓在啤令，用細尖咀鉗夾住抽上。