買新車幾問~~

Echan23 發表於 2020-7-24 16:33
太無工具同呢方面認知同天份～～斷斷續續都砌左好耐

其實個個頭一兩次砌車都會經個這階段！我的經驗就是狂睇教砌車 YouTube。就算同一部份都睇幾套唔同的師兄教，不同的師兄有不同的重點，好多時無話誰對誰錯。學無止景，逐漸累積技巧。尤其是 set 車，每一條跑道都有自己的特性，除左跟大路的 set 法，每個人都有自己的手勢，要自己去捉摸，最後才得出自己的設定。.


純我個人情況：我當初入門玩 TB04，當然都只係入門級設備，開始叫做控制得有文有路，見到啲師兄鬥快車，就買部 BD7'16 + 5.5T 學人鬥埋一份。結果啲師兄見到我都驚，我部車就經常頭崩額裂，當然也交左好多學費修車！所以都要經過一段時間，一個過程。當初也未知自己有無這個能力成功升哩，所以買設備都不是一步登天。萬一原來自己唔掂，後果可能是大花金錢後得個吉！

我年青時家境窮，儲蓄了幾年零用錢都唔夠砌一套遙控，最後放棄。一放低就幾十年，到了人過半百，才想起這個童年夢想，開始玩番，當係一個嗜好。可惜是架車的反應快過我!!! 不過我仍好努力去追(部車)

就算同一牌子，唔同系列/版本都唔同，睇個 KV 值就知。KV 值就是RPM/V，即是每 1Volt 幾多轉。例如 Hobby Wing 的 V10 G2 5.5T 是 5800kv, Hobby Wing 的 Bandit G2 5.5T 是 6850kv。注意這一般是指不負載的情況。

到真正落場就有負載了，扭力就直接影響加速、剎車，及過灣的表現。就算用同一 T 數的 (例如5.5T)，影響扭力的通常有三大因素，1)磁力強弱，2)齒比，3)無刷馬達的可調式 Timing setting。強磁扭力就大啲，又大齒比扭力就大啲 (就好比用低波上斜路)，Timing 就影響 KV 同扭力。

總的來說，用咩 T 數馬達，是否強磁，幾多齒比，咩 Timing，都要配合個場地和個人手勢，你不難看到啲師兄部 13.5T (~3000KV) 快過其他的 5.5T (>6000KV)！當然在直路的後段就緊係 KV 大的會快啲！那就要睇個場有啲咩直路了，唔夠扭力就要長啲去加至頂速啦！