TC01組裝

有啲口痕友真係好無聊！
個個tc01嘅post都見到佢，
猛咁話自己唔買呀、冇興趣呀咁，但又咁鬼得閒成日mon住個post出嚟踩架自己唔會玩嘅車......其實對呢架車最有興趣嘅根本就係佢自己本人hahaha
只不過人哋嘅興趣唔係玩架車、而係出嚟發噏風

得閒留意下佢個user id，好似所有新設計、新車嘅post都會見到佢入嚟批評，一味話人哋整出嚟呃錢咁樣（記得佢最欣賞嘅就係平價冇licence嘅老翻車殼吖嘛）
其實係佢眼中所有嘢都一成不變、老翻再老翻越嚟越平就永遠最好囉

知唔知個世界係會變㗎，自己唔想變，都應該學懂一下點欣賞、尊重人哋嘅創意。而唔係永遠活喺自己狹窄嘅價值觀入面。

開口埋口都咁負面，對自己同身邊人都唔好。

利申：tc01我都冇$$買，不過好欣賞四五十年歷史嘅遙控車鼻祖依然願意創新，而唔係淨係識得re-release經典囉
對整個RC行業絕對係好事嚟！

可能formula e咁型棍嘅車款會吸引到小朋友入坑玩呢，唔通下下都出190e老爺車咩
（你去啲鬼佬forum睇下，架tc01幾多人流曬口水呀！）

你唔買，大把人會買，一味靠把口批評冇用，市場銷售會判斷成敗！TB01冇人買出咗幾款車就自動收皮、TA02玩咗廿幾年而家仲出緊！
不如放長雙眼睇睇再講！