琴日朝有 D 時間,晨早9:30am 入左 JV。
跑跑下,有部 1/10 電車放左入去。咁無乜野。
但,部車 ... 超超超慢!!佢都盡力跟 track 行同比路 D 快車行,但都係左搖右擺。險象橫生。
早上唔係太多人,所以問題唔大。但到了11:00 以後,開始多人,問題就來了。
多左快車, D 車就係咁過佢 ...
因為架車既速度只係人行咁既速度快少少,所以部車完全變成了『活生生』的『死車』或『不斷移動位置』的 『死車』。好多師兄係直路都放慢睇睇,我就有次直路差 D 射中佢,要勁 brake + full 扭呔,差小小就直撞直路分差位角鐵劏車。有D師兄好緊張,又有D不滿。最大鑊部車D電好似行唔完咁,全程係 track,我等極佢都仲有電。
咁我下午唔得閒到12:30倒走左。想八掛下有無師兄知到最後部車有無比人撞爛呢?
補充資料:當時係呀爸陪住2個小朋友在大場玩1/10玩具遙控車車 (我就咁睇個殼相信應該係比小朋友玩,唔係 KWS 賣緊果種)。管理已叫佢地去 B 場。但個阿爸話個埸點解唔比佢地玩,據理力爭。阿姐話個場比12歲以上,呀爸就話佢玩緊,鬥氣之下部車車就全程係 track 全速慢行。阿姐就無晒佢乎。呢個就係我見到既野。其實我只係想直說 JV 中的某一見聞。如詞不達意請多多包涵。