Rudder 回返轉頭

今日我直情帶埋電腦出街，
每個 Setting 去試，結果都係無乜效果。
我發現轉速太快個尾就越唔定，
之後我將油門曲線調去 0% <-> 60% ( 一條直線 )，
又將 Rudder / Elev / Ail 嘅 Dual Rate 減到去 70%，
個尾係定咗好多 ( 但始終無解決過問題 )，
個代價就係無咁好力，同埋反應無咁快。

但係我覺得轉速慢，手感軟，對我嚟講反而係好事。

我終於搵到真正病因，我估唔到尾舵機中立嗰陣，
對尾槳竟然要咁大角度。

個 Gyro 可以俾到我嘅扭力補償其實有限，
加大咗個尾槳 Pitch 之後，個 Rudder 點 "Fing" 都無回彈。

淨返落嚟嘅問題，就係收大油同俾大油嗰陣，
部機仲係 "Fing"，不過相信呢樣野唔會太難解決。

跟住我又想問吓，油門 Curve 同 Pitch Curve 應該係幾多 ?
我依家全部係 0% - 50% - 100%。

部機唔調教穩定嘅話，根本練唔到野

無記錯你的Devo控，油門 Curve 同 Pitch Curve 是分七段，另外有啲控油門 Curve 同 Pitch Curve  係分五段，如五段為例全部set由0-25-50-75-100，好多都就咁set一條斜直線上就可以，唔好起角，如set到條線起角，飛起來反應好古怪，忽上忽落咁，另外睇片你隻機好唔定，唔知係你手指大動作個頭，還是Gyro 感度大過頭反應太快，好似飲醉酒咁，set番細啲試試。

hotakming 發表於 2015-9-4 22:17
無記錯你的Devo控，油門 Curve 同 Pitch Curve 是分七段，另外有啲控油門 Curve 同 Pitch Curve  係分五段 ...

人嘅問題啫，手指遲鈍時上時落可能只係因為粒電老化唔夠力（窒油）。
我睇過其他文章，佢哋有啲話 pitch 係 0-100 一條直線。

而油門就 0-inh-70-70-70 曲線，再開埋個 gov 70%。
唔知咁樣會唔會令個轉速更穩定。（未試）

只要個轉速穩定，就有辦法 tune 其他嘢。

至於感度，試過無乜增加減少嘅空間，
又睇過其他文章，條友話內置感度 + 遙控感度 = 100
咁我依家內置感度係 70，遙控感度係 75%，
75% 即係 28（唔知點解），所以我覺得唔會係呢個原因。

而 Swash Mix 我跟返佢 default 全部 60%。
Travel 同埋 dual rate 都全部係 100%。

跟住我又見到有個 tail curve，
呢樣嘢又可能對瞬間大細 P 擺尾呢個問題會有幫助。


唉，依家我開始憎直昇機

其實就自己手感又飛得舒服就OK，鍾意點set見仁見智，不過pitch角度是因油門大小而改變，尤其油門好多都set一條斜直線咁上去，唔好曲，可能你set 0-inh-70-70-70 曲線，個轉速唔穩定飛起來好古怪，其實可以試試set一條斜線上，試左唔好先set番你的曲線都無妨

所以好多都係油門 Curve 同 Pitch Curve都就咁一條斜線咁上去。

唔好心急，反正你現時都係飛NORMAL為主，飛好NORMAL先，其如有啲係飛3D先用到set到。

唔該晒師兄，你已經幫咗我好多了。
我都明白直昇機嘅奇難雜症，
好多時係講唔明白，
每個 Case 嘅落藥方法亦唔一樣，
所以始終都係要靠自己每 Part 試

師兄，唔好客氣，大家交流分享下啫，支持番香港玩遙控嘅機友們啫。