其實各位有無諗過點先可以復興MINI-Z呢???

我就有以下既睇法......
唔理係玩過RC同未玩過RC既人，好多人見佢車仔細細咁，覺得平平無奇，覺得佢無性能可言，甚至會覺得佢只係比小朋友玩既玩具
所以會覺得貴.....其實一d都唔貴....幾十蚊套轉向杯，十零蚊對呔，幾十蚊包彈弓已經有齊唔同硬度，係套原廠珠差最貴囉，貴過1:10，但貴係有佢原因，真係醒好多！
另一個原因係因為其實mini仔比較難玩，因為節奏比起1:10快好多，而且set車果套同1:10完全唔同，一隻0.1介子已經好大分別
又冇乜人肯按部就班咁玩，一玩就要喪改，根本部車既操控都未摸掂就已經撞爛野多過玩，一隻X-speed放落場個節奏已經同1:10玩快車差唔多，而且唔同既車速又有唔同setting...改左track又要改setting，操掂左部車先改啦....仲話要一改就改到勁摩打又改fet，咪直路尾見囉.....又唔肯問注場果d車手就話人地唔教你.....呢d post都見唔少啦.....
老實講，唔係認叻，玩mini-z玩得好既，一玩1:10會介底唔少所謂既老手，mini-Z套手指節奏快好多，一玩大車會覺得慢，落場會多出好多時間俾你諗點介人，內灣過好丫？定係外灣過好？就係咁，我玩玩下都係玩返mini-z過癮好多，又唔駛山長水遠帶住咁多野走黎走去
租個locker放假就咁踢住對拖鞋就出去車場玩，乜都唔駛帶幾爽
但都係覺得，好多人玩唔掂所以半途而廢，因為果d人太睇少呢部車仔
試問出面，擁有mini-z既人有好多，但真係玩既就唔成正比，好可能都係因為以上既原因....

以上只係我個人睇法，唔o聽既唔該唔好插

我都係近排先開始接觸到mini z  
原本我都係自己玩下dpl
但有次無端端興起之下就買架dpl黎玩下
一玩就中左毒
應該係能夠令ｄ新人接觸mini z既機會無大車敢多
我都你知左大車之後先知道有mini z le樣野!!!

如果有人肯搞下多啲function 係商場,應該會有唔少人對呢架車仔有興趣,不過都係設施太少,想玩都真係冇咩地方可玩到,多番啲車場就好lu

出貼多唔多其實同多唔多人玩...都唔成正比既......
MINI Z 都出左好多年了.....仲有咩好討論...要討論既野...舊POST 都有了..！
令外~有D玩mini z 都唔一定會上re-evo！
呢排我發現KWS 都多似多返好多人買MINI Z ...
不過唔知佢地會去邊到玩...可能係屋企玩...所以唔覺多人玩掛~.....

但如果有多d人可以一齊討論一下 我玩車都開心d啦!!!

原帖由 荒原風 於 2008-10-29 17:10 發表

                               
登錄/註冊後可看大圖

我都係近排先開始接觸到mini z  
原本我都係自己玩下dpl
但有次無端端興起之下就買架dpl黎玩下
一玩就中左毒
應該係能夠令ｄ新人接觸mini z既機會無大車敢多
我都你知左大車之後先知道有mini z le樣野!!!

哈哈, 我都係因為tommy 部hiace 令到我中毒玩mini-z~

就係上左車場之後
我愈來愈high 啦
不過技術仍然在停留在"極度差勁"當中  =3=!!!
(我比自己分8 grade)
1.極度差勁 2.非常差勁 3.差勁 4.普通 5.好 6.非常之好 7.極度之好
                              8 .車神

原帖由 荒原風 於 2008-10-29 18:21 發表

                               
登錄/註冊後可看大圖

但如果有多d人可以一齊討論一下 我玩車都開心d啦!!!

咁就要你努力...有野唔明有野討論出多d post啦~實有人答到你=]]

點解mini-z少人玩? 我試過帶部車返公司, d同事一見到部車好靚, 好自然會反一反車底睇下, 第一個反應係...嘩...好流呀!! p.s. 當時我架係mr-02mm enzo, 都已經係full option 落車場比賽既setting. 不過抽身諗下, 見到部車個底, 感覺又真係幾流, 真係好似細路仔玩具. 個同事仲要係以前玩開1:10, 一睇部mini-z 又真係會覺得幾流, 試問咁又點吸引人玩呢!
第一個感覺都輸左, 我再講幾咁好玩都無用.
我同佢講, 其實我係玩過油車kyosho FW05, 玩過HPI Pro4電車, 最後先玩mini-z, 真係一玩停唔到手, 大車咁多野, 其實每次去玩1:10, 無論係油車/電車, 都係set 車整車多過放車, 加上我當時技術又麻麻地, 成日要買parts, 真係玩唔掂. 後來玩miniz , 係條track 撞黎撞去都無事, 就發覺呢部真係不可多得既好車, 玩幾十排電, 最多都係爛轉向杯, 玩幾個月先爛一次"底dou" 都係幾十蚊既parts, 相比大車, 每撞一下最少唔見幾十蚊相比, 真係好大分別, 車胎更加唔洗講, 四條先五十蚊唔洗, 加埋電又平, 整車又快又容易, 而家去玩車係享受放車, 9成時間都係放完成排電先捨得停底, 但係以前玩1:10其實唔係去玩車, 而係去整車, 因為每撞一撞都要整, 真係煩到xxxx, 好少可以放晒排電先收車(可能我當時技術太差, 係車場唔係比人射就係撞牆)

講返點吸引人玩, 我覺得一定要比人睇到又幾好玩, 速度感有幾快, 所以一定要有辦法比好多睇到, 例如唔該多幾間模型舖放下比賽既片段, 同埋唔好咁鬼細個mon 啦, 買個24" LCD都係二三千蚊, 而家某舖用個咁細既mon, 又點吸引人呢?
又例如係KWS行人路整條track 比人玩, 雜誌社對出個空地其實大把地方, 同業主傾下, 搞個似樣d既場, 用落場玻璃圍住, 可以進行比賽果隻, 大家商舖租客共同分租分入場費, 請個人睇住個場, 等個場多d人氣, 大家生意都好d 啦!! 而且miniz 又唔嘈, 附近d人應該唔會點投訴. 不過我都明白講就容易, 做就難, 睇完實有人話傻仔..唔得..無可能之類, 不過好多野都係要由呢d idea開始突破. 如果有商舖租客睇到, 請細心考慮下, 書報攤個位咁闊, 應該夠做一個miniz 場

原帖由 水都丸 於 2008-10-29 16:35 發表

                               
登錄/註冊後可看大圖

擁有mini-z既人有好多，但真係玩既就唔成正比，好可能都係因為以上既原因....

AGREED

其實我都好想知國內mini-z既普及程度, 會唔會大陸仲多人玩過香港呢~

大陸比較多人玩,只是廣州所知的車場也有8個

原帖由 94930422 於 2008-11-5 16:57 發表

                               
登錄/註冊後可看大圖

大陸比較多人玩,只是廣州所知的車場也有8個

佢地就好啦有8個車場咁多, 講真架車對於我地香港人黎講都唔算平, 我諗大陸捨得買mini-z既人應該比香港少, 但係點解反而大陸會多d人玩呢???

而KWS應該算係香港RC遙控既集中地, 大陸既RC店我諗一定無HK咁齊全同集中, 點解佢地既MINI-Z比香港黎得普及呢???

我都係系國内玩miniz的時間多, 在港的時間小; 雖說國內玩的場好像到處都有, 但真正每個場的常客人數就逺比兩個HK場的少很多, 而場地大部份都係偏小的。  有很多玩過一,兩個月就唔玩, 都好5分鐘熱度吓。

唔好講miniz, 就算係1/10都未必咁普及(除了幾個大城巿外), 無他, 可能家陣d小朋友大人都有好多選擇, 又xbox又psp咁, 回想起2-30年前, 有一部遥控車都已經不知幾yeah...

不過相信隨著d技術更發達, 部miniz的結構功能希望會更勁,到時真係越玩越過瘾啦!  要“復興”相信最直接就係搞比赛, 一直以來, RC界中可以長青的比例車形都長年有比赛(1/10電房,1/8油車,1/10電buggy...).  有得鬥吓車, 就有目標, 大家勤操車改車, 多人買嘢, 就多厂出嘢…搞搞吓就有機會搞大佢!  

[ 本帖最後由 Aurora 於 2008-11-6 02:00 編輯 ]

原帖由 水都丸 於 2008-10-29 04:35 PM 發表

                               
登錄/註冊後可看大圖

我就有以下既睇法......
唔理係玩過RC同未玩過RC既人，好多人見佢車仔細細咁，覺得平平無奇，覺得佢無性能可言，甚至會覺得佢只係比小朋友玩既玩具
所以會覺得貴.....其實一d都唔貴....幾十蚊套轉向杯，十零蚊對呔 ...

我大細車都玩過，而家大細車都冇玩
記得最初由mini改玩1:10時，第一個反應就係冇反應，覺得架車好似行緊路軌咁…

以前睇過有個網，有人自製車架…
其實有冇可能搞個公開組，比DIY既Mini車整場牙絞戰呢？
有得DIY可能大家都會放多D心機落去，話晒自已車，又唔會得一個車種咁小

[ 本帖最後由 Scania 於 2008-11-6 10:38 編輯 ]

原帖由 Aurora 於 2008-11-6 01:59 發表 不過相信隨著d技術更發達, 部miniz的結構功能希望會更勁,到時真係越玩越過瘾啦!  要“復興”相信最直接就係搞比赛, 一直以來, RC界中可以長青的比例車形都長年有比赛(1/10電房,1/8油車,1/10電buggy...).  有得鬥吓車, 就有目標, 大家勤操車改車, 多人買嘢, 就多厂出嘢…搞搞吓就有機會搞大佢!

如果京商肯以現今科技復刻1/20 Buggy
相信已有一班客人肯定買

[url]http://bbs.rc-evo.com/viewthread.php?tid=92358&extra=page%3D3

广州只有一个正规噶迷你场。。边有8个甘多啊。

咩都係假.... mini d野太貴...好多新手估都估唔到車仔細細, 但d改裝件郁下都過二百蚊件
但係你唔改.... 邊有得鬥.

mini z not many thing to change ka step by step law first change ja Tire , king pin, cha cha, bearing, spring sin train train sin after that sin chnage ball diiffeal and motor.  finial step sin change hign end motor and others law