睇左一排工房而家先見到呢條 thread 覺得好感動...
小弟兒時住北角村, 中記就係陪伴我成長既地方
屋企記玩具9成都係來自中記, 我仲好記得第一部四驅車就係中記買, 當年唔知乜款打乜款見靚就買左部 Avante, 而家先知係經典
仲有當年好流行四驅車既老翻 optional parts, 中記佢地只會賣原廠 parts 所以特別貴...
佢地有好多好大盒既 Tamiya RC 擺係最高既貨架, 要"惡"高個頭先望到... 我記得我同過自己講第時大個一定要買返一盒, 可惜到佢執個陣都未能夠如願...
至於北角碼頭既恆年行又係我細細個去朝聖既地方, 舖仔細細, 櫥窗放既係一架架完成品既 RC 車, 我記得大概係 $17xx 起連遙控, 當年小學屋村仔梗係無 $$ 買啦, 只有流口水的份兒..... 偶爾會見到有人係巴士站度試車, 我好記得有一次見到佢試 F1..... 真係超羨慕!
不過呢一切已成回憶... 北角村拆左就咩都消失晒... |