請各啟德師兄幫幫手

所以本人想喺呢度，請各師兄幫幫手，睇下有冇其他論壇有人出售二手Vortex,我亦希望那個人看到我這歌post,等佢唔敢賣果架機，因為我在那飛機上，改了些特別的東西，我必定認得出

咁樣直頭係偷，喱D人映衰曬

所以呢啲就係經驗，墜咗既都唔好熄機，等有其他人埋去都唔敢執起，又或者行我先前所講，情況許可下，推大油門，上高D，起碼撞咗又或者爛咗，都叫做有個機會全身而退

唔知係咪依架，見到好多人放.... 二手全部$2,200，98%新有交易...

BTW,架Vortex好好飛，好好反應

saihung281692 發表於 2015-11-13 00:33
所以本人想喺呢度，請各師兄幫幫手，睇下有冇其他論壇有人出售二手Vortex,我亦希望那個人看到我這歌post,等 ...

樓主，一定支持你，如發現會通知你，等你認下部機

謝謝幫忙

solaris8x86 發表於 2015-11-13 00:38
唔知係咪依架，見到好多人放.... 二手全部$2,200，98%新有交易...

唔會係這架，有盒有袋

祝早日再入個一架，去舊迎新。....但記得早日成立四軸部隊，出事時揾機可一呼百應。

solaris8x86 發表於 2015-11-13 00:38
唔知係咪依架，見到好多人放.... 二手全部$2,200，98%新有交易...

唔會係這架，有盒有袋

但如果我係佢，絕對唔會放上網賣，我會自己玩當parts丶或者過比熟人....

所以我在網上放post,等佢無得賣出去

玩機乜事都會發生，只不過想同大家分享下經驗，唔好再發生姐

好慘!希望呢個人似返個人,攞返出黎！

呢啲人真係好賤, 仲要係行家, 祝佢次次起機次次失控, 日日提控回家!

我到啟德放機留意過樓主所講的飛行方向,樓主話向灣仔飛,重話降落時睇到有鐵絲網,這個方向只有一個地盆有鐵絲網,一面向跑道(如果係呢到降落,樓主一定見得到,一面向九龍城碼頭,樓主話飛向灣仔,呢邊應該唔係,最有可能係地盆向海個邊,個到鐵絲網邊係向住北角至中環一帶,又同放機地點距離好遠,( 因為樓主話睇唔到隻機,我估麼該係呢面), 樓主自己回想下當日有無其它人放機及在你跌機時走人,不過我想應該唔係機友做嘅,因為地盆向海個邊,無乜機友會到,除非跌咗機係果邊,果邊會有人釣魚,有碇船D船員(係大陸人), 重有可能係地盆D啊差看更,點解我會話可能係看更,因為跑道周圍D地盆都係啊差睇更,我同好多機友都試過跌機入地盆或地盆付近,都搵唔返(近呢大半年起碼拾幾20隻) 當初比錢可以比返你,呢幾個月比錢都搵唔到,個啊差話無,見唔到,我及D機友都確定係啊差攞咗,點解話確定,因為有次睇住隻機跌嘅地點,唔夠5分鐘就去到,地點係地盆看更休息嘅貨櫃前面,(我地係貨櫃前面10幾呎,見到飛機碎片及拾回機倉蓋)當時有兩個啊差看更係到吹水,問佢地隻機係邊,佢話無機跌過落來,又話睇唔到,我地比錢佢,叫佢攞返出來,佢死人都話無,有機友叫打佢,後來不了了之,宜家飛,都唔會飛近地盆,跌機死人都盡量控制隻機跌近過來跑道付近,所以在此提提各位機友注意一下.

咁就真係無計！

我諗未必係呀叉，因為衰咗有案底嘅話，係以後都唔可以再做看更。方法唔係無，不過要成本，搵個人在附近偷拍，然後放隻魚餌機過去“安全降落”，如果有人執咗收埋，就即時捉人。

多謝各師兄幫手，不過已放棄找了