第一次轉玩油車 個種爽法真係非筆墨所能形容

ckcgary 發表於 2014-1-13 11:12
有人話油車比電車麻煩，但可以玩得較長時間，基本上有油就可以繼續玩．．．
師兄覺得油車比電車有咩麻煩咗 ...

其實做好任何嘢都可以好“麻煩‘！Just enjoy it~~~

C-HING如果有興趣玩平路車，會感受到油車的另一個境界！！！平路油車好好力，氣勢成架F1賽車咁！！
尤其是轉波果下，架車成架火箭咁突然加大加速度!!!保證令你一試難忘！！！

ckcgary 發表於 2014-1-13 12:28
哈～～～就係怕一入油門深似海．．．另外搵地方玩較難，要去到好鬼遠．．．(其實遠唔係問題，係浪費咗長 ...

我以前都會覺得地方遠，會好麻煩！但係當你入咗專業賽道之後，你會愛上果度！
我由粉嶺入元朗TRC都好遠下~~~咪由係照樣入去玩~~~
一個人跑街真係好悶嫁~~~快D入正規場玩啦~~~

ckcgary 發表於 2014-1-13 12:31
其實一缸油可以玩到幾耐呢？不過唔係入場玩的話，電車就要帶好多電先得．．．我見有啲師兄玩好多個鐘，咁 ...

唔同組別的車會用唔通種類引擎~~
1/10 平路車如果係入門引擎，通常都會去到6-7分鐘。
1/10 平路車競賽級引擎，通常都會系5分鐘左右或者更少。。。
1/8 平路車都係咁上下~~ 見過最食油噶引擎，3分鐘就要入油！！！
油耗量除左同架車有關，亦都同車手有關~~~

ckcgary 發表於 2014-1-13 12:55
咁短時間架咋？我以為可以玩到半個鐘添......

125cc油缸可以跑7分鐘係咁上下嫁啦。。入慢油咪繼續跑咯~~~岩岩玩油車甚至會覺得入PIT入油都可以好型下~~~好似真車入PIT咁

ckcgary 發表於 2014-1-13 12:55
咁短時間架咋？我以為可以玩到半個鐘添......

其實只要唔壞車就可以繼續一路玩落去，主要係睇接收電可以用到幾耐。

ckcgary 發表於 2014-1-15 17:10
其實非手拉引擎，可唔可以改用撩屎忽嗰種起動器呢？(下圖)
Study 緊唔用手拉引擎，點樣係比較簡便著到車． ...

部分手拉引擎可以改。

ckcgary 發表於 2014-1-15 14:24
係咪好似 F1 咁，鬥快入 PIT 加油？使唔使換埋胎？

比賽時你需要請一名機械師幫你整車，入油，執車，中途換胎等等。。。
真係鬥快架！中途換唔換胎就睇車手比賽策略lor。
其實都好似真F1咁！！！真係非常過癮！！！