港島區新手報到

太好了, 我都是超新手, 也買了機, 想著這裡會否有著和我一樣的新仔可以互相交換吓資訊和飛行經驗...

兄台還是和我一樣買了FC40呢, 哈哈, 太好了...

不過呢, 你有冇改雙電? 我改咗呀... 買前我對比過 phantom 1, 2 & vision, 覺得一代舊電太小...

起初還心思思想買二代, 但計落多幾K, 足足差成個double, 還是一代算了...

其後的問題又是一代淨機加GoPro還是FC40, 見FC40最抵玩, 就扑咗鎚, 正式加入咗放飛機依個無底深潭... >_<

係呢, 你set好晒野未? 我才剛剛download咗張操作說明書, 仲未飛過, 望落好似幾複雜吓...

希望玩落唔太難control啦.. 身為新手, 起初本來諗住量力未為, 唔飛咁高唔飛出海, 加埋部機又有甚麼自動返航功能, 實冇死, 但點知家陣先讀到有啲網友話架機有可能會斷聯失控, 自己飛咗去, 家陣有啲淆底... = =

Dauphin 發表於 2014-5-20 15:21
oscar師兄,你也買咗fc40?師兄請問你住邊區呢?我住港島區的,如有時間相約出來交流下順便放下fc40:handsh ...

是的，fc40，幾天前入手，咩都未set好...
小弟住九龍，但過港島也沒所謂，反而最重要的是找到些能放機的空曠大平原，始終技術幼嫩，唔敢高飛和放海...

不過我現在連set機都未set好，應該未有咁快放到住..



師兄飛過未? 飛過記得出條片大家睇下 ：）

Gainax 發表於 2014-5-20 13:59
你試下飛先lor，我已set 好了，開頭好多問題，慢慢一個一個自己解決
現在加了中繼加了雲台，但相機仍然用 ...

冇錯冇錯，保命緊要...  但其實知唔知斷聯失控一類事件點解發生?  有冇方法避免?  

Gainax 發表於 2014-5-22 12:09
我理解斷聯就唔代表失控，phantom的返航保護就是基於斷聯而設

至於失控真係好多原因同無得解釋

睇完堅有打擊...  =.=        係呢，咁你試飛過未? 有冇片睇下

價錢依度唔講得的嗎?  

Gainax 發表於 2014-5-22 16:57
打擊雖大，但起碼有個概念知道炸雞係咩情況發生，如避免大動作或高速下降等

買機時老闆都有提醒切忌高速下降，總之移動時慢慢嚟就好...

冇錯，香港最難是搵到地方玩，我暫時都未諗到可以去邊放...

師兄住邊頭？

Gainax 發表於 2014-5-23 02:19
慈雲山 ~

哈！有緣！小弟鑽石山，超近...

依頭附近都唔知邊度有得放, 諗過夜媽媽落蒲崗村道公園放唔知得唔得, 依頭最近又比較開闊的地方好像只有哪裡...

Gainax 發表於 2014-5-23 08:49
我就係呢係蒲崗村道室內運動場後面個停車場放, 但都不時有人行過

我諗緊單車公園隔離會唔會比人鬧

果度好細，同埋經常有人出出入入。你不如試下行過D去蒲崗村道公園，入面有個空曠廣闊的露天停車場，人車都很少出入，不過如果你拿住架機比門口看更亭的看更睇到，會否被查問阻截就唔知了

話時話其實架機外攜起來都幾唔方便，形狀問題，都唔知點拎好。有諗過買果D鋁箱，但又貴又晒地方，好似都唔係咁好。師兄點拎部機出街？有冇好方法？

Gainax 發表於 2014-5-23 10:44
https://www.youtube.com/watch?v=eedH0uD0ilU&feature=youtu.be

講真真係唔差，新手嚟講飛到咁仲想點。但有幾下好似同D樹好近咁喎，睇落頗驚險。

Gainax 發表於 2014-5-23 22:25
蒲崗村道公園個停車場係邊既呢？下次去試下先

協和對面，唔太顯眼，果度有條路仔入去，門口有個更亭的，入面除了人少，空間也頗寬敞。

架機真係好難外攜，就算到場先裝機翼，個起降架都「差」晒出嚟。諗過到場先裝起降架，咁樣就好拎好多，但原來又好大工程。

我有買保護架，裝埋上去架機就仲大件添

今天終於試飛了!

拎左隻機出去, 左試右試, 終於開動到.. 雖然出到去先發覺個cam冇電.. = =

唔緊要啦, 照飛.. 四隻螺旋槳轉轉轉, 開始爬升, 正當開心之際, 點知隻機就好似氫氣球咁, 一直升一直升, 升左六七層機, 完全out of control, 嚇到我標屎! (我唔知係咪我在它剛啟動時胡亂向上推杆, 比油比得太勁, 佢會暗地裡"紀錄在案", 但見住佢升空之時我已全然放手, 沒有絲毫推杆動作了)

慌忙之下唔知點算, 熄左遙控, 諗住佢會"自動返航", 慢慢自動落番地面, 點知唔係, 拿拿林開番遙控, 好在此刻終於接收到遙控訊號, 隨即便慢慢向下推杆, 謝天謝地, 最後算是安全著陸...

打後又飛左幾次, 有兩次唔知點解飛唔起, 比油時架機會向前傾向前仆, 跟住撞落地面, 搞到前面兩隻機葉磨爛晒崩晒.. 有次仲離譜, 直頭仲翻身打左兩個筋斗, 睇住前面兩口螺旋槳係咁啪啪聲打地, 嚇到我即時推下杆turn off...

以上全屬自己撞板經驗, 願其他新手不會如此...

事後檢視傷亡：

1. 前面兩塊腳底的黑色長方體, 磨到滑左爛左..

2. 前面兩塊螺旋槳崩左

3. 機身因在地上前仆和打筋斗而花左


最後有兩個問題, 望能解答..

1. 點解起飛時部機會向前仆, 點解決?

2. 見住部機失去平衡時, D螺旋槳係咁向住地面刮打, 我想即時熄左個engine以免進一步損傷, 但我只懂向下推杆熄機, 請問有冇其他方法?

Gainax 發表於 2014-6-3 09:32
師兄玩航模係咪一玩就係玩phantom ?

一般直升機起飛果下係有d技考，其實四軸已經比電直技考易一點了，

謝謝提點。除左phantom，小弟有部wltoys v319，我唔識分算唔算所謂的「電直」，但肯定只是玩具級數吧。
是的，回想起來，應該是我起飛太慢，但我比緊油並見住佢「前傾」時，係咪應該同時輸入"後退"的指令？（即右杆的六點鐘方向）

我試過一次，感覺好似好D，只係唔太肯定...

明白，嗯，我還在摸索中。
想請問點樣可以知道隻機仲有幾多電? 係咪如果隻機就嚟冇電，佢會硬性自動返航？

唔知隻機仲有幾多電，飛得遠很沒安全感吧...

都唔明 dji 點解淨係在 phantom 上安置一盞指示燈，加多兩盞或其他顏色的以示狀態，咪幾好...

僅僅一盞指示燈用紅黃綠三色交雜以表達十幾種狀態，睇到人頭都暈，又難記...

Gainax 發表於 2014-6-4 08:55
無電呢個問題， 我諗係FC40最大既缺點，無OSD mini真係好唔方便，初初睇說明書所謂二級警報

我以為個搖控 ...

如果係咁，咁都幾大獲喎，冇理由expect人玩航拍飛出幾百米外仲可以睇到佢盞紅燈吧。

請問其實fc40既飛行範圍可以去到幾遠?

冇錯，count 時間都唔係一個穩全既辦法，只係多個保險，鋰電池會消耗磨損，多飛以後，續航時間理應減弱，應該不會和之前既飛行時間一樣

如果係咁，唯有較到佢一二級之間起碼有三分鐘走盞，一分鐘實在太少了，感覺好唔穩陣，飛行變數咁多，一分鐘真係未必夠返航 （即便係咁，我都唔夠膽飛海，畢竟地面上點炒點炸都起碼見得番條屍，有番D渣拿，飛海佢傻起上嚟強制降落就真係渣都冇）

因回家看片後發覺電池的大小會影響到拍片時的震動，還在解決中.    依句唔明，玩雙電會有問題？


其實買機前續航時間都係我一大考慮，P1得15分鐘，P2有25分鐘(單電，原裝不用改），P1要改雙電先能夠追上二代的續航能力，但如果覺得15mins都夠玩，自然用單電就好，不用改，但既然師兄都明白問題所在，已為機改雙電，何以又棄之而玩單電呢? 雙電有甚麼潛在問題嗎? 願聞其詳..

Gainax 發表於 2014-6-5 10:13
單電起落換電計加起的飛行時間其實係會長過用雙電飛，因雙電會令重量大增，實際只會增加30%多的飛行時間
...

係喎，買機時沒想過加多一排電池帶來的重量...

我兩舊都係2200.. 2700係你額外買的？幾錢？咁如果裝兩舊2700咪仲飛得耐？

我也聽說過P2的槳較好，而且更換也不貴，下次一於買來試試

但師兄何以買雲台? 升級換GoPro? fc40不是無須另購雲台嗎？

看見GoPro的清麗畫質，再對比fc40的鏡頭，實在有感不足

但GoPro又真係好貴，如果買又要買埋雲台，似乎冇4K都唔洗諗  >_<

hgcjeffrey 發表於 2014-6-21 02:41
慈雲山友揮手
啱啱新手入左phantom 2+fpv
有機會一齊交流下

慈雲山友？我鑽石山友，你去邊頭飛？