本帖最後由 redbullbull 於 2009-7-26 00:32 編輯
鋰电唔玩時應該保持大約7.4V
wailo88 發表於 2009-7-25 22:10
你聽誰說?
日常生活, 大家都有唔少機會接觸到充電~ 手提電腦, MP3機, 數碼相機, PSP .... etc.
但接觸得最多o既莫過於係手提電話!
相信大家都擁有一部或以上o既手提電話, 當你買新電話o既時候, Sales 一般會同你講叫你返去叉佢十二至十六個鐘先好用! 其實 ...... 係o岩定錯呢?
早期o既手提電話, 用o既大部份都係俗稱 "環保電" o既鎳氫電池~
呢種電池除左充電功能之外, 仲送多一種叫 "記憶" 功能~ 即係你未用哂就再叉電的話, 電池就會記住o個個電量, 淨返o個d 就會以後都用唔到! 變相減少左電池o既壽命同續航力! 所以o個陣除左充電器, 仲有一種叫放電器o既東東存在, 以確保舊電真係冇哂電先拎去充!
到慢慢主流電池由環保電過渡到鋰電之後, 大家對記憶功能o既記憶依然根深柢固! 到而家好多人都仲係堅持 "唔到最後一格我都唔會充電架!!!!"
呢個觀念對鋰電黎講~ 錯得很!!!
鋰電基本上不含記憶功能! 但係有一個特點同環保電o既特性完全相反o既就係鋰電唔可以處於低電壓o既狀態! 即係唔可以冇電! 你一邊用電話, 電量一格一格咁減, 電壓就會一直一直咁降, 當到左一定程度, 鋰電入面o既化學物質就會起變化, 簡單D講係會變壞, 所以當一舊鋰電長期唔用, 自然放電之後擺得三幾個月, 舊電隨時要報銷! 其實鋰電係絕對可以唔使等佢冇電先充, 只要充到佢飽先停咁就已經可以了!
而第一次用要充十幾個鐘, 只係想舊電快D warm up 進入狀態! 其實第一次冇充到咁耐, 舊電經過幾次充/放電之後一樣會進入狀態! 唔使驚話第一次充唔夠十六個鐘就會短命D呢種講法!
不過話說回頭, 而家D電子產品, 一年換幾次款, 你或者都一年換幾次手提電話, 況且買過舊新o既都只不過二百蚊左右 ......... 舊電隨時長命過部電話~
保唔保養~ 有乜所謂?! |
收藏
勁正
嬲嬲
樓主
