開殼相信大家都試過開錯窿開得唔好既經驗，今次為大家介紹呢個開殼神器非常好用,
襟岩有隻殼要開, 順便同大家分享下小弟開殼方法及心得。
開殼前最好裝好曬呔, 度好車高, 殼柱要直先會開得準。
1. 噴殼就唔講啦, 講下小弟開殼工具, 有左手邊開殼神器, 開窿器, 圓規刀, MARKER 筆, 仲有卡尺, 直剪同灣剪。
2. 開殼神器其實就出左一排, 但今次介紹呢個 TEAM EE 品牌相信係最底玩之選(under$100), 同埋令外有多4粒spare 磁石, 好細心。
個人認為呢盒野絕對值得一買。
3. 一盒4粒, 其實主要好處係可以將隻殼定位, 中間有個窿仔比你mark 窿。噴好左既殼唔洗再怕對唔到窿。
4. 用法好簡單, 先將4粒圓柱放上殼柱。
5. 放上車殼及面4粒磁石。
6. 而家就可以set 返好前後左右位置, 前後就留意軸心中位, (相中我係推前左隻殼),
左右我就利用尾蓋/頭蓋左右2條線黎度返左右距離係咪一致。
因有磁石吸住, 隻殼就唔會走位, 可以一路微調返距離。
7. 確定位置無錯就可以用marker 黎mark 窿啦。
8. 利用開殼器開好4個窿啦。
9. 開完殼柱窿跟住就開輪位, 開輪位前記得較好車殼高度先! (假設車高5mm, 車殼高度大概7mm-8mm)
10. 我就用圓規刀開, 輪位size 為70mm即半圓35mm, 會比原裝位大, 好處是行走時唔會襟易夾殼。
圓規刀推介用OLFA 呢個牌子。
11. 先用筆mark左軸心位先, 將刀位對準原裝輪位條線,
再對中心點, 你會發覺現在既中心點會比先前mark 既位置底左。
點解會底左? 因我開個size 為70mm, 跟軸心位會開到上面輪位好大。
用圓規刀開既好處係可以好圓。
12. 開完輪位後可用400-800號沙紙磨返滑, 隻殼會無襟易裂輪位, 同埋用灣剪修返d尖角。
13. 大致上完成啦!
|
收藏
勁正
嬲嬲
樓主
