搖控直升機

請問各位師兄！如果想玩搖控直升機，可以買邊隻牌子入門比較好？

http://www.miracle-mart.com/stor ... 97b2eb1543e87b6dd4b

入門機動

如果有心升上去，隻機最好具備呢 3 樣嘢：
單槳、三軸陀螺儀、軸傳。

嗰啲咩練習架，平衡翼，超穩定耐摔乜乜物物，
六軸陀螺儀 ( 呢樣先至害死我 ) ... 學唔到野，算吧。

然後計劃下隻控之後會玩啲乜。

建議當然係 Futaba 同埋亞托啦，純玩直昇機嘅話，
6CH 就夠，有多餘錢嘅話，
加多 2 個 Channel 當係 Spare 日後會用。

不過直昇機都無咩好加，加多樣野，就增加重量，
同埋食多啲電，無咩意思。

講到尾，都係建議 Futaba，亞拓，呢條係正路，
250 -> 450 -> 500 一路越玩越大，
心多轉嚟轉去只會浪費不必要嘅金錢，
同埋到最後都係製造垃圾。

建議都係由 250 開始，250 撞死人嘅機會唔大，
最多片一野流下血，黐塊膠布無事。
450 或以上就真係要小心。

但無論隻機幾大都好，技術同修養大於一切，
因為你將會明白到，飛得幾叻，飛得幾貴嘅人都有，
整機，換零件，全部自己一手包辦，
裡面仲會包含一啲學術性嘅野。

以我做反面教才嘅例子，飛齡唔夠半年，
以為走捷徑買平野，亂改野 ...
點知始終係要走返轉頭，
花咗錢先事少，俾人知道你戇 X 先係問題

當你買咗隻機，控，電，叉電機之後，
基本上你隻機已經飛得，但係咁其實係仲未夠，你需要㗎笙。
粒電裡面有幾多，係咪平衡，
你要知道，所以你需要電顯。

因為你隻機係會炒，
（如果完全無人教，你唔炒機我乜都得！）


你要學整，咁就起碼要有一套螺絲批，六角匙，
焊筆錫線，焊台，十字盤水平器，螺距呎，
舵機檢測器，槳平衡器。
呢啲野想慳都唔得。

唔係嚇你，我開頭都以為玩直昇機仔只係千零兩千蚊嘅事。

Align 450, RTR(連遙控) 定淨機(連連motor, esc, gyro only) 好

仲有一樣野都好重要……Sim...

zeda 發表於 2015-8-15 20:44
Align 450, RTR(連遙控) 定淨機(連連motor, esc, gyro only) 好

買 6S combo 版，唔洗自己諗，
啲電子嘢又唔洗擔心太貴或者唔夠用，
而且一定平過你自己散買。

淨機係 for 你玩開有齊電子嘢，
轉落去當係改良。

控…就自己配搭囉
我會建議 Futaba（但我自己唔係用 Futaba）

asaq-wong 發表於 2015-8-16 00:30
仲有一樣野都好重要……Sim...

師兄呢句嘢最有道理，
我都係飛模擬器多過飛真機

不過有少少嘢想講，
就係我覺得 Heli-X 6 好過鳳凰，
試用版已經夠玩，唔洗買加密狗。
淨係死玩隻 Logo 600 同埋 Trex 500 已經夠練。

師兄你買左電直昇機未

為何現小shop 買 heli  ?
突然 年多前Albxxx 又執左, 有人知佢 為何做?

rgemhkie 發表於 2015-11-1 22:05
為何現小shop 買 heli  ?
突然 年多前Albxxx 又執左, 有人知佢 為何做?

我估小左店舖賣直升機係因為冇乜場地可以玩！ 啲師兄轉晒去玩四軸機航拍！

asaq c hing, I agree your reason is correct.