3Racing 由20M 到 S64 再到 21M

gos 發表於 2020-10-21 22:38
你玩過晒呢三部？ 點樣白老鼠？

你唔好理果個百彈齋主啦~

其實每架車都可講，回應返唔同玩家要求而出現。

20M就唔駛講啦，果排個個出置。
至於S64其實係想將ADVANCE S作有限度更新，但係又可以做到中置感之餘，更適合玩STOCK嘅朋友用。
而21M就係吸取咗S64得到嘅經驗同特質，將摩打放返後，令重心平衡好之餘，尾會有重量，令玩MODIFIED時起步俾油反應更好。

有啲人覺得咪改小小。但其實改小小，重量比唔同，皮帶長短唔同，已經對架車入灣出灣俾油收油反應完全唔同晒。

雖然我係以玩TRF420配H2RD中置KIT為主，但20M，S64同21M都有，我都幾可以講到三者分別。

仲有咩白老鼠.....講得唔好聽，架架比賽TOURING大家都係白老鼠，冇一架車係完美。

gos 發表於 2020-10-21 23:55
其實呢位仁兄都幾搞笑, 新款車又話互相抄襲, 小小創新又話什麼白老鼠, 好欣賞佢凡事只係識得睇表面 ...

我當果啲人透明。

rk2 發表於 2020-10-22 08:56
師兄你的意見比較獨特。我見網上的評論和試車後，對 S64 及21M 都是讚賞比較多。不過你說的白老鼠，也不 ...

完全正確。

講得唔好聽，每一架車設計原因，多少係因為嚟緊一年有咩世界大賽，或已經鬥咗咩世界大賽設計出嚟。
有時係為地毯，有時係為瀝青。

你走去JV，橋底其至香港嘅車場玩，根本就都係做緊白老鼠，因為架車唔係為你果個場設計。

冇一架車係可以做到ONE FOR ALL。

另外仲有因應住果排出咗咩產品，例如果排係興重磁定輕磁摩打，賽例有咩改，有咩新嘅設計例如低重心車殼等等，自然會有相應更改。
根本個遙控車玩意市場就不停咁變緊，車架作為重要配備自然係有所變更啦。

如果乜都話人白老鼠，不如話，其實係你唔識SET架車囉。

masterlai 發表於 2020-10-22 13:34
也不能說白老鼠拉
這幾年前前後後組了三台3R低階車(FGX、ADV S、XI NU)
主要發現3R的問題在於精度未達標

關於你所講精度未達標問題，個人覺得如果真的用XPRESS和3R比較，3R一定比XPRESS好。

XPRESS的車我都有，你說精度高嗎?一般。
但最大問題是穩定度問題。

舉例我要進行一天的比賽，XPRESS車可以在由早上開始，到下午時間，整台車都有不斷的變化。
變化最嚴重的，不單止是車架，尤其是XQ1S，波箱可以是由7分鐘內頭三分鐘和尾三分鐘完全不一，懸掛臂過軟亦出現問題。
我試過用XQ1系列作為比賽用，最後都放棄，就是因為這個問題，場地溫差變化要克服已經煩，還要接受因為車架熱度升溫後的不能預測變化，實在太累。

反而3R的20M或S64，是沒有這種問題。比賽也好，自己練習都好，七分鐘行車，十分鐘行車，可以是一致的行走。

精度，可以在組裝是自行調整。
但不能預測的變化是怎樣去調都調不好的。

自問自己有的車種都相當多，田宮的，XRAY的，YOKOMO的.....都不會出現這種突然性的變化。

談到精度，亦因為接觸的車種實太多，有時亦都有參與一些開發，其實0.1的這種差，每個品牌都有的。
但其實這種精度差真的是在組裝上可以解決得到。

XPRESS因為臂問題，其實已經推出了三款臂，最初跟車的太軟，接著的加碼料，沒改善。後來在XQ10推出時才推出了最新的加硬版本，把臂和PIN都換了，才有點改善。
但XQ1S還是標配那些臂，升級的中置件，也是沒有換臂。同樣波箱也是沒有換。

如果真的要用實驗來形容，XPRESS比3R更實驗......
但實驗價錢比3R更貴。

hydrogen9999 發表於 2020-10-29 23:57
3racing 我由第一代zero 就支持，去到ultimate 已經做得很不錯，但之後就唔想再投資，因為有個最大問題係d  ...

我想問下3RACING做俾自己啲零件唔係原裝嗎?有人出代用?咩仲差過原裝呢?

tc3driver 發表於 2020-10-30 13:53
3racing粒4mm馬蹄膠最差，約十排電已有明顯損耗

你講以前定宜家先?

你用咩品牌嚟同佢比先?

cc4321 發表於 2020-10-31 07:01
原裝配件會比原車件差？真係第一次聽到，唔通分開兩條生產線做

其實都係果啲嘢嚟......

tc3driver 發表於 2020-10-31 16:15
講現在，同SNRC比，人哋抄Xray用3.5mm馬蹄膠, 多副廠代用品，3racing用4mm, 但膠料用混炭料，太脆弱，裝 ...

咁你應該唔可以玩田宮。
田宮啲馬蹄膠仲快爛。

或者咁講，大部牌子馬蹄膠如果用係差速到，通常都襟，包括3RACING。
但如果用係頭直濕，大部份都係唔襟，因為受力，仲要視乎受幾大力。
所以好多牌子都直頭唔用馬蹄膠。

cc4321 發表於 2020-11-1 08:28
咪係，都唔知咩邏輯黎，反而單賣配件賺得仲多，應該用更靚嘅料先啱點會更差
...

心理作用......

其實唔想用馬蹄膠係頭直到，可以用果啲成隻膠杯果啲，好似XQ1S同S64都係用果啲，其實都OK襟下。

tc3driver 發表於 2020-11-2 09:01
3racing的膠杯頂多廿排電就明顯磨到起坑了，以前VBC個頭直杯用料非常耐用(聽聞是Carven Chow設計)，架D09 ...

其實好認真咁答你，磨唔磨損或易唔易爛，其實重點並不在於個馬蹄膠，而係在於隻杯同受力點。

最簡單一個道理，同一隻馬蹄膠，係田宮車到用，尾牙差用唔爛，但頭會用得爛，點解呢?原因為於個受力情況，仲有受力點。
然後再同一隻馬蹄膠，419用唔爛，420用就好快爛，點解呢?都係受力點問題。

點樣解決呢?420只要換隻長啲萬向節，就解決咗喇。因為支萬向越向，佢食入去隻杯到越深，個受力點係杯入啲就可以減少因為轉向磨擦所帶嚟嘅磨損。
換返嚟有咩缺點?就係灣冇咁靈活。

另外隻杯嘅厚度，貼嘅情況，個波位嘅貼合度，亦都會影響住個馬蹄膠耐用度。

反而係馬蹄膠用乜料呢，唔係最最重要。

又或者咁講啦，你講到CARVEN，即係宜家係XPRESS到做果位......
其實呢，佢離開VBC後，佢係去咗3RACING，之後先去XPRESS的.......

cherwowo 發表於 2020-11-2 11:25
有改善當然好啦，除咗粒馬蹄膠，我覺得3Racing D marketing 應該落力啲

個人覺得，3RACING Marketing算係咁，但點都唔可能同啲YOKOMO呀，XRAY呀，田宮比。
其至係同XPRESS比。淨係講人手都完全係唔同一回事嚟。

香港比較少人賣只係因為價格上太平，鋪頭冇肉食，自然會比較少人賣。

做鋪頭都係睇利潤空間去做。

hydrogen9999 發表於 2020-11-2 14:56
師兄我認同您，已經唔係和xray 比，同MTS 比都已經比下去。
我想支持本地品牌，但質量真是要改善一下。
...

21M車頭已經改咗個直濕同埋杯，仲有冇馬蹄膠架喇~

當然，你想用，都可以用到嘅~

hydrogen9999 發表於 2020-11-2 15:32
我估樓上師兄是說馬蹄膠用在尾牙差都好易爛，我的經驗都是麻麻地，最快紀錄一排電玩完(3.5mm款)。
...

咁我就唔知喇，我20M冇乜問題。
21M未試，試完再講。

https://h2-rd.com/collections/ch ... nce-s64-chassis-kit

香港都有啦。