田官 1/25 Chieftain 玩後感

小弟想係呢到分享一下對呢架R/C 坦克的一些評論, 首先在砌的過程都好順利因畢竟都唔係1/16的比例的關係, 所以沒有好複雜的東西要砌. 經過小弟試左甘耐車後, 發覺可玩性都唔錯, 雖然此坦克只用上工作樂的"ENGINE"推動, 但都非常夠力和比想像中順暢. 在炮塔旋轉方面起初發覺成日都停係到轉不到, 後來知道要係車身放炮塔個圈定要用挫挫多少少個內圈, 因為原先個位太FIT所致, 之後轉動完全無問題了. 至於炮管上下可動亦要讚一下田官的設計, 因只用磁石個原理吸住支金屬棒就做到這個效果. 另外,就是避震系統簡單得黎又跟足實車用同樣避震系統, 而且是用金屬去做所以非常像真及做到同樣吸震效果.  至於整體外觀而30幾年前個模來復刻都算係甘, 望上去都很有英國戰車那種重裝甲的感覺. 如果要講對這個坦克有什麼不滿就是個控SETTING有問題, 這真是美中不足. 最後, 小弟想講講自己玩坦克模型的一些歷史, 記得細個讀書時就好喜歡坦克, 記得第一部有所謂搖控功能的就是一部當其時田官出的1/35 GEPARD線控坦克, 當時見到個炮塔識轉和用兩個馬達推動就已經覺得好厲害, 但最大缺點就是條橡膠履帶太硬跟本唔適合用係RC坦克到, 呢個就比較失敗. 但在此亦都讚嘆當今的搖控坦克技術發展成熟相比起已前有這麼多的進步, 希望田官將來可以繼續出多些RC坦克去造福我們這些坦克迷呢.

nice review

如果多幾間廠出1/25.1/16就好了，咁就有競爭.有進步.款色多.價錢大眾化。

多謝各位花時間睇小弟的評論, 我也同意希望有多些款色和價錢可以大眾化會好些呢.

其實當年還有百夫長，有內部，但行走版就冇內部。
Tiger1就有內部而且可行走，馬達放車尾，
再用車軸行帶到車頭發動，
T34-85，SU100，Panther，Jadepanther就只有雙/單馬達，
以上都可以自行加RC，
其實現在1/25，Acadmy可買到Panther和Jadepanther可自行加上RC都一樂也，
但記得要選可動履帶，因為有一款是一條成型的。

條橡膠履帶 have spare or any options ?
can make it better?

其實基本上條原裝履帶都唔錯, 可以接受, 但如果有第三廠有高質素的履帶出俾佢當然最好啦, 那我都會考慮買呢.

原裝1/25 Chieftain那條履帶好似厚o左D，
但好似第一款Academy1/25 Pather,Jadepanther抄田宮，都OK，一節一節的，
而百夫長條帶就薄好多，
因為從前田宮出品大比例坦克順序1/21 Panther,用網線金屬腳柱避震，後輪推動，100%Good。
個電箱放在車內，控制器拉線按掣，共4粒。
然後開發1/25，次序酋長、T34-85、SU100、Panther(履帶開始薄)、Jadepanther、Tiger-1(開始有內部)、最後和最精密就是百夫長(履帶最薄)！
但是Acadamy那款panther、Jadepanther履帶，一條成型就最薄。並不是一節一節扣上的。
所以這個比例多數在家內玩，而且田宮停產廿幾年以上，久不久限定生產少量，作記念。
所以比較難找到第二家生產1/25履帶！
其實當年出的坦克只有雙馬達行的，炮塔不會轉，
由德國那輛Grapard對空炮才開始有第3個馬達加上去！

小弟放了多年那輛酋長都成古董，快要填海！