下一架田宮1/16RC坦克竟然係呢架

各位, 剛係田宮網頁見到12月案內，見到有這個1/16RCT 陸上自衛隊 10式戦車 フルオペレーションセット （4ch プロポ付） , 估唔到佢會出十式戰車, 各位師兄, 你地有無興趣買呢架呀, 不過應該好貴下.

條LINK :http://www.tamiya.com/japan/news/newitems/index.htm

田宮用2a6件玉 加新錄音?

我想佢應該用類似2a6個種型式將dmd放係炮塔位置, 電都係放炮塔位置, 同埋有可能個驅動係同2a6差唔多原理用540雙摩打gearbox, 不過真係好期待睇下會係點樣, 希望快些有相睇.

我都希望可以有相睇。

應該唔方會平嘞⋯

嘩！爆冷，出 10式戦車，真係估唔到，Full operation set即係包埋搖控一定唔平(預HK$8000)， 10式戦車炮塔同豹2屬巨大形，放電池、DMD冇問題，但車身就中戰車尺寸，比豹2細D，擺喇叭同540波箱唔知夠唔夠位。

其實唔意外，出10式有原因，一路以來田宮1/16遙控坦克由虎一到豹二，猛比大陸老翻，開埋條水比人食，今次日本仔出10式，大陸咁仇日，睇下仲老唔老翻，老翻即係幫佢宣傳。

師兄, 你的想法我完全認同, 我都覺得呢個原因好明顯, 田宮眼見自己出的坦克不斷被人老翻, 自已投入甘多資源去開發去設計, 一個唔該俾人老翻, 如果俾著你都慶啦, 所以我都擔心過田宮會唔會因此唔再出新的RC坦克, 免得俾人再翻，但佢今次出呢架, 除左佢本身始終係一間日本公司, 其實好應該都出返一架自己國家用緊的現役坦克也很正常, 另外, 就是呢架因身份問題應該好難會有人老翻了, 所以都係一個策略黎. 不過, 在銷量上就可能會有一定風險, 因為好大可能外國的鎖量未必甘好, 因為始終唔係大路的坦克型號, 但日本本土應該唔差, 希望佢下次可以出以色列MARK4或者法國 AMX LECLERC就正, 雖然機會極微.

good ar!!!!!!!!!!!!!!!!!!

I think it is totally PK for the big 6 to copy Tamiya!!!! All the R&D into a project and the Big 6 just duplicate without saying thank you.

LEOPARD2A6 發表於 2014-11-2 11:07
師兄, 你的想法我完全認同, 我都覺得呢個原因好明顯, 田宮眼見自己出的坦克不斷被人老翻, 自已投入甘多資源 ...

其實之前傳孖星開發M1，真係好大期望，淨係把渦輪引擎聲夠銷魂，而家殺出10式，有吉屎，擺明放棄大陸市場。

係呀, 我之前都覺得田宮應該會出M1A1或2機會應該好大, 淨係美國個市場都會大買, 但我係外國D FORUM睇個話係因為LICENSE問題, 唔知真定假, 同埋今次佢出十式好明顯有個信息係唔FOCUS係大陸市場之餘, 仲要唔想再俾你繼續老翻.

仲以為係MIAI或以\色列mek4

10式都可以慳返, 無愛

日本仔性格, 佢寧願賺少D都會先益咗自己人先, 所以佢出10式都唔出奇

我都有架老番m26

Big six copy is still a copy, tamiya is the king