亞拓150鎖唔到尾

想請教師兄們為何會間唔時會金魚尾！無炒過，Gyro sensitive都set過，都攪唔掂！

如果依你所講嘅間中，我諗都已經可以接受。我估唔會有一隻單槳機係能夠做到完全鎖尾，
由其是係突然俾大油門嗰吓。

金魚尾原因可以好多，我無呢隻機，只係試吓用 common sense 去試吓回答，
而且我自己都係新手，希望大家可以研究一吓…

首先當然係 Gyro 感度落手，個數值 set 得太高就會震，
太低就會左右擺，要揾個平衡點，又唔擺又唔震。

高低槳亦可以導致，所以又係要確保調好對槳。

檢查所有 Parts 有無裝穩，由其係尾部，
求其一件嘢有啲鬆，都會有可能產生共震，
而影響到鎖尾效果。

尾部有力嘅位置，都加啲軟滑油，
盡量令到 Rudd 順啲，都可以改善鎖尾效果，
（其實全隻機有磨擦嘅位都順便加啲）
不過唔好用 WD-40 之類嗰啲，
轉嗰陣啲油會飛到周圍都係。

仲有好多古靈精怪原因，如果有咩講錯嘅話，請加以指點。

謝謝解答！我會試下從你的方法try try！