!!!!! 葵涌男四軸掛樹頂 , call消防救機收告票 !!!!!

其實呢單野 , 機主係安全意識高 ? 定係怕整倒人 ? 定係唔想跌左幾舊水 ?
比大家又會點做 ? 可以討論下

大6就爽 , 好多地方都可CALL消防救機 ,
上樹頂落湖底都得 , 不過講明收錢 !!!!

<><><><><>


http://hk.apple.nextmedia.com/realtime/breaking/20150813/54082133


午夜近12時，年約20歲青年與女友人在葵涌下葵涌村玩航拍，其間失手，
航拍機困在一棵15米高大樹頂，他恐航拍機墮下會傷及途人，報警求助。
消防接報到場，升起雲梯將航班機拿下，交回物主手上。
警員經初步調查，將根據民航處條例，向青年發出告票。

執番架机,有So

架機好雞平野，張告票就貴啦。
講返正題消防緊急服務唔係咁樣被濫用，抵比張告票條友。如果同一時間有人受傷或火警咁就比條木咀浪費了一架消防車和消防員。

gundum 發表於 2015-8-13 21:42
架機好雞平野，張告票就貴啦。
講返正題消防緊急服務唔係咁樣被濫用，抵比張告票條友。如果同一時間有人受 ...

不過有D想知, 張告票係咩內容
警員可以根據民航處條例直接比告票 ?

如果驚會跌落黎傷到人,我覺得應該.

咁其實我都贊成報警嘅，但唔等於報完警就無事，條數一樣要找，只不過係無做成更大傷害，唔洗找咁多。總之返返去最原始嘅論點，就係有人嘅地方就唔好飛，有時唔係淨係撞到人先叫做傷人。嚇親人，人哋覺得你隻機令佢人身受到威脅，已經好有問題。

仲未撞到人撞傷人無財物損失無有怕,我玩機係最重要,我自己覺得無問題就得,你地唔好理我干涉我,執法人員打壓機友,搞到我地無地放機,罪大惡極

只係飛十幾米高,又無超過7kg,又無在禁飛區玩，犯乜法例要收告要??

就算跌下傷人都應該係民事賠償吧！

hotfire009 發表於 2015-8-15 11:42
只係飛十幾米高,又無超過7kg,又無在禁飛區玩，犯乜法例要收告要??

就係想知佢張告票係咩內容 , 亂拋垃圾上樹頂 ? XDDD

法師傅 發表於 2015-8-15 14:01
就係想知佢張告票係咩內容 , 亂拋垃圾上樹頂 ? XDDD

呢啲嘢用法例去管嘅話成本好大，用人群去俾道德壓力佢，已經邊度都唔洗去，
好似公共交通工具裡面啲衰人咁，
拍佢片已經夠佢受。

可惜今次唔知呢條友係乜水。


不過都唔緊要，啲衰人做慣衰嘢就好難改，
下次可能玩大啲，唔係淨係掛樹咁簡單。

呢架似係司馬SW

呀 ,咁如果真係有人似佢咁架機上左樹好高收唔返,正確該點做, 搵D咩人邦手?

lawlaw36 發表於 2015-8-16 01:21
呀 ,咁如果真係有人似佢咁架機上左樹好高收唔返,正確該點做, 搵D咩人邦手?
...

上TB買過架淨機~

炎冬 發表於 2015-8-16 03:50
上TB買過架淨機~

但考慮下如果機上有CAM , 有無曾經影過自己 !!!因為好多人起飛前後 , 都好興影住自己成舊木咁0既樣
方便比人點相 .... ?

仲考慮買航拍機,而家真係有D擔心

架機最多都係三兩百,掛係樹當裝飾算啦,搞咁多野做乜姐

草上飛 發表於 2015-8-17 23:45
架機最多都係三兩百,掛係樹當裝飾算啦,搞咁多野做乜姐

三兩百,冇所謂 .只係講話唔諗方法收返隻機.人地行過真係有機會中頭!

night time 係唔可以玩機

法師傅 發表於 2015-8-17 10:29
但考慮下如果機上有CAM , 有無曾經影過自己 !!!因為好多人起飛前後 , 都好興影住自己成舊木咁0既樣
...

我通常是影其他人都唔會影自己