邊間速遞好 ?

剛係淘寶買隻 GEPRC 大猩猩機架遇到好多波折, 買 180 size 佢就送隻 210 嚟, 算啦, 大少少嗟, 跟著發現個分電板嘅 5V 係壞嘅, 佢話馬上寄塊新嘅俾我, 點知寄嚟嘅係塊 LED 板, 依家要寄返塊壞嘅分電板同 LED 板上去, 請問用邊間速遞最方便 ( 要上門收貨 ) ?

睇價值,  順豐最好, 最快, 不過貴

要睇清楚禁寄物品包唔包括電子產品,上門收件之後佢地一定會再拆開睇,發現有問題會打回頭,最好自己拎上深圳寄

有兩件肥鯊件要寄返深圳整，前日叫秘書搵順豐收件，順豐見寫電子零件，搞咗兩日秘書話填咗幾張form又問餐懵之後都仲未寄出，好麻煩，最後佢幫我寄郵局快遞，一啲問題都冇

電子零件都有問題 ？ 咩理由呢 ？

用順豐由大陸寄出香港可以，但寄返上大陸就唔係樣樣電子件都收(唔知边d得边d唔得)，試過去順豐服務站寄返3DR返去收，但servo、又唔收。所以你最好帶去服務站問問好d!

還有香港寄返大陸同大陸寄落香港係唔同價錢

合成電子野好麻煩 , 大6果邊要加稅 , 順豐廢事麻煩多數都唔做
當年試過想退一個圖傳 , 要百幾蚊稅 XD

RC_FANS 發表於 2016-9-16 06:10
電子零件都有問題 ？ 咩理由呢 ？

大6好多野入關都打稅 ,
多間運輸公司都有個稅收LIST , 可睇睇

法師傅 發表於 2016-9-17 10:15
大6好多野入關都打稅 ,
多間運輸公司都有個稅收LIST , 可睇睇

今日問過京廣速遞，一般首重 1 kg 只係 30蚊， 見到係電子零件竟然要 70 蚊，雖然郵費係對方俾，但緊係唔制啦，上郵政處網頁睇最平都要 27個幾，依家唯有俾D料個收貨嘅等佢揀囉。