各香港模型車廠評論

近幾年多了香港廠家制造遙控車(touring car)，有些越做越旺，但有些已經走下坡，好似3racing咁，雖然有時有些設計古怪(臂碼用一粒螺絲，Anti-ackermann轉向，貴價易爛4mm馬蹄膠，超短drive pin……)或有時品質差少少，但勝在零件供應算做得好，而且部分零件都有考慮同上一代車兼容，呢樣好重要，同一零件幾款車都可以用得到)。
Vbc早期請好多外國車手幫手推，有一定知名度，好多設計都做得好，尤其是個膠頭直杯做得最出色，有兩條坑，玩4.5T都無乜點蝕，又夠輕，三節棍和尾萬向的drive pin位不是迫死，全部可拆出更換，而且有d創新設計大廠都跟，但零件供應做得不好係死症，有些零件想訂都訂不到，原因可能係設計無規劃(D06,07,08,09,10臂碼款款不同)，車架標榜大改，攪到零件不能共用，款式太多以至難訂貨， D10好似推得太急，好多嘢未試清楚已推出市場，說明書又錯，第一批貨連隻大餅齒都可以跟錯比人，好多玩開Vbc朋友都玩返部舊車D09或轉會
RaceOpt MTS都是平價路線，所以大眾亦接受其產品品質，但設計不是走傳統路線，(貫穿油壓，懸掛放棄A臂，用O-Ring水泡調校)並非一般人能接受。CSO 跟T4系列，原本都有一定支持者，但宣傳似乎不足，CSO V3之後都無乜聲氣，彩盒都懶得換。
Xpress以前是走平價路線，XQ1就走貴價，之後出架平價XQ1S就明顯多咗人玩
仲有Team C TC10, Top S4(是否香港？)都無乜聲氣

希望香港車廠繼續努力，如果造得好，普遍車迷都會繼續支持

Rc興衰都好睇多少人玩，你玩開車?比賽?來來去去都係果班?個人想法，香港廠商可以有自己車隊，搞多些比賽，車廠同其它廠鬥。

Vbc 車架好但零件少，今年都靜左无出快車？top大衆化，但可惜无左

玩過xray yokomo
現玩緊3racing 2K18 底玩超正
VBC唔會考慮,得間極速獨市生意
CSO 安頭單人匹馬難成事
Team C好似揾安頭買手腳
RaceOpt MTS 支援好,越來越好,特別創新,下一部會買
Xpress=Rcmart強大支援,越來越好
千幾蚊車可以買兩部= 一部xray yokomo價
其實玩車是要識set車操車操技術

VBC宜家唔自己做車，幫人地做車。
佢地幫XPRESS OEM都已經夠食，駛乜再自己費心力再做車。

RACEOPT MTS其實即係同SNRC......同一間廠幫好多人OEM，所以一間公司有幾個品牌，亦都好多零件共通。

CSO係睇安頭心情，佢想做就做，唔做就唔做。最緊聽佢講就唔做。同埋以我所知，一直幫安頭設計CSO架車果個背後靈魂人物，佢宜家幫緊第二間廠做緊架車......哈哈，可能好快又會有一架新車出街。

所以買車要睇背景,唔好買D無品牌延續性的

sean2013 發表於 2019-3-5 16:27
所以買車要睇背景,唔好買D無品牌延續性的

其實好難講咩叫做冇延續性。

當然，你話YOKOMO，田宮，XRAY咁，啲零件有延續性O既，當然好啦。

不過其實又當閒話講，好多其他牌子O既車，其實都係由大牌子變出嚟。
XPRESS就XRAY AE，MTS CSO又係XRAY YOKOMO，VBC就田宮........
連INFINITY都係XRAY同田宮。

零件都接近其實可以互通咁濟。

好難話冇完全延續性。
其實係416之後，各大牌子真係你抄我我抄你。

宜家仲叫有好高原創性我諗得AWESOMATIC。

AMAT 發表於 2019-3-5 15:46
VBC宜家唔自己做車，幫人地做車。
佢地幫XPRESS OEM都已經夠食，駛乜再自己費心力再做車。

咁未來出新車係得返3racing, Xpress, MTS。
3racing, Xpress識運用網絡銷售，在RcMart訂件，上去取貨，或淘寶直送(3racing, MTS)，唔使你去廣華街浪費車錢時間走來走去(想落去搵人吹水另計)，一架車咁多零件，做街舖係難入貨，幾難得先入得中嗰架形號車嘅某件零件，又咁啱你撞爛咗，又行過要買，中晒咁多巧合條件先可賺你嗰幾十蚊。所以parts型號越多而不共用就死得越快。
次次落去問d零件仲都未返，除了最近期嗰d就有，買唔到零件係好趕客，無零件係玩車大忌，做再多宣傳都無用，所以要做好零件供應這一點才可生存。

CSO咁做生意點得架？！藝術家皮氣

tc3driver 發表於 2019-3-5 17:48
咁未來出新車係得返3racing, Xpress, MTS。
3racing, Xpress識運用網絡銷售，在RcMart訂件，上去取貨，或 ...

安頭咁有錢駛乜做生意!?
呢啲只係佢興趣嚟。

XPRESS同3RACING都係捱過嚟啦。XPRESS冇RCMART同佢撐住，其實邊會出車啦。其實XQ1同XM1成功，佢地係好夠運，話晒兩架車仲要唔係自己廠生產添。

3RACING.....祺哥成日都話，你睇佢好唧，佢都好辛苦。出車係真係講HEART。所以有時我都話佢啲車係有啲偏差，但未至少係唔得，但佢真係有心出啲好玩O既O野。

出TOURING，認真講，係最唔搵錢，尤其係高檔車。
我識好幾個出車都話，TOURING只可以做到宣傳，平價車先係搵食。
飄移車最好，因為冇人會話架車唔得，只會話自己手指唔得。

都戴一戴頭盔先。

XPRESS XQ1原設計者係VBC其中O既設計人仕，但架車生產有幾多係VBC間廠，有幾多外發出去呢，就係唔知O既。
但設計果下係VBC中間有人有份O既。

但佢最搵錢一定唔係XQ1，搵錢係XQ1S。

AMAT 發表於 2019-3-5 18:21
都戴一戴頭盔先。

XPRESS XQ1原設計者係VBC其中O既設計人仕，但架車生產有幾多係VBC間廠，有幾多外發出去 ...

Xpress架XQ1S, XM1S就學咗雙星銷售手法，賣架膠車比你，防傾桿，金屬油壓，炭化板全·部要另買，3racing就有良心得多，架2k18 advance, M4 pro一步到位，亦抵買好多

揸過架舊3racing Advance，係幾好灣，跟說明書設定去JV已經好走，係有BD7靈活性，所以對3racing印象幾好，但有d設計始終有待改善，好似架3racing advance個麼打座用前後得兩粒縲絲固定，麼打座易受皮帶張力拉歪傾斜埋一邊，VBC D07麼打座前後各用3粒螺絲固定又有榫位，可調車架flex，所以Vbc設計係好過3racing，而且舊advance同2k18有同一缺點，就係馬蹄膠好脆弱，4mm size獨家發售$20得兩粒，裝得吾好就好易斷(好似係炭化料)，條萬向drive pin太短，有時有機會成粒馬蹄膠飛出來唔見咗，所以如果3racing肯改善吓加長drive pin,改其他物料(eg,Delrin)，或改用市面流行3.5mm馬蹄膠就最好。唔好以為d parts易爛，等人買多d來賺錢咁短視，賺呢d錢唔會長遠, 只會造成壞印象，下次唔買你品牌，長遠係要改善架車缺點先會多人支持

tc3driver 發表於 2019-3-6 10:26
Xpress架XQ1S, XM1S就學咗雙星銷售手法，賣架膠車比你，防傾桿，金屬油壓，炭化板全·部要另買，3racing就 ...

XPRESS架XQ1S，就算你唔買ANTI ROLL又或者金屬油壓，佢都可以好好走，我又唔覺得佢呢O的叫做冇良心唧.....

AMAT 發表於 2019-3-6 13:16
XPRESS架XQ1S，就算你唔買ANTI ROLL又或者金屬油壓，佢都可以好好走，我又唔覺得佢呢O的叫做冇良心唧.... ...

Xpress始終想走高檔，3racing走平民路線，定價較大衆化，無話絕對啱錯，由市場反應決定勝負，另外Xpress夾ABC車殼賣車，3racing就自家製作車殼連車賣，咁做係好，因為入門人士唔識睇乜嘢車架，見個殼靚就買，咁一個車架就可以好似雙星TA02，TT01咁玩十年八載，延長產品週期，但攪真車Licence應該都幾煩。

tc3driver 發表於 2019-3-6 10:26
Xpress架XQ1S, XM1S就學咗雙星銷售手法，賣架膠車比你，防傾桿，金屬油壓，炭化板全·部要另買，3racing就 ...

同意 3racing 可以做得更好，4mm 馬蹄膠已經比以前3.5mm 的耐用很多，但仲未夠大路牌子耐用。
3racing 最大問題係， 同一款零件 啲質素 唔太穩定，應該是因為有幾間廠同時做一款零件，同埋今代解決了的問題，下一代又出現番，例如牙差漏油問題。（我由第一代zero開始玩起）

hydrogen9999 發表於 2019-3-16 18:27
同意 3racing 可以做得更好，4mm 馬蹄膠已經比以前3.5mm 的耐用很多，但仲未夠大路牌子耐用。
3racing 最 ...

那粒4mm馬蹄膠有時未能驗證佢嘅耐用程度，幾排電已經甩咗，Advance 2k18都未有改善。另外差速漏油問題，舊Advance 個40t差速沒有漏油，2k18改38t差速就有師兄投訴漏，有可能是塊綠色紙厚度有偏差所引起。

3racing仲有一個隱憂，就是繼續用"Sakura"呢個咁日本化嘅名，早期扮日本貨可以理解，Sakura Zero出時說明書都有樱花圖案，攪到國內朋友亦稱3racing車為"櫻花"車，到Advance時說明書已經沒有再見到"Sakura"字眼，盒面仲改返洋紫荊香港區旗，似乎是有心去除日本化的形象，以前去睇人比賽，廣板揸Yokomo日本車，Barry Baker揸Asso美國車，當時好羨慕人地用架香港Xpress出賽，因為架車代表到自己身份，雖然Xpress架車有不少缺點，但始終自己地方品牌，作為香港人可以揸返香港品牌嘅車係有自豪感。

如果大家有留意，現在3racing車的說明書都避免用"Sakura"這個字，說明書上寫ADVANCE, ADVANCE EVO 2K18, M4PRO, XI Sport NU...，而各車友看名已知是那款車，
但3racing網頁上又見佢走回頭路，用“Sakura Advance 2k18", "Sakura M4 Pro" , 感覺是不太好，一來累贅，二來感到有日本的影子，明明係中國香港品牌，已經可以獨當一面，但又要用回日本名，甘願屈居於日本名下，感覺有些卑躬屈膝，雖然話只是名稱，玩車不應太介意，但始終"櫻花"曾是二戰時軍國主義的象徵 (https://www.google.com/amp/s/read01.com/4LeRaR.amp)，假如再有反日浪潮出現，相信這個名稱會對3racing帶來一定衝擊，希望祺哥注意吓

tc3driver 發表於 2019-3-21 17:36
3racing仲有一個隱憂，就是繼續用"Sakura"呢個咁日本化嘅名，早期扮日本貨可以理解，Sakura Zero出時說明書 ...

你要將櫻花同軍國主義掛勾就冇得好講。

櫻花本身唔係日本獨有，河津櫻就係中國O野嚟(原種係山櫻)。日本品種O既係吉野櫻。但係日本大部份種O既都係山櫻嚟。
櫻花亦都唔係日本國花，只係日本人鍾意睇。中國台灣韓國一樣大把，只係佢地冇日本人咁鍾意種到周山都係唧。

同埋如果你要講軍國主義，日本皇室係菊花囉......咁駛唔駛拜山果陣唔好買菊花俾先人呢?

你係都要噏的話，日本只係覺得櫻花係最靚果時落下果下好似係最好人生時去死果下唧.....咁係人地要咁形容唧，櫻花本身係無罪，佢唔會話支持日本軍國主義。

兄台，你諗多咗喇，睇得太多啲愛國反日劇定.....

其實早排RC MAGAZINE訪問褀哥時都講咗，點解叫櫻花，係因為果時好多架車都有唔同色代表自己，咁果時冇人用粉紅咪用粉紅。
咁出果時又咁啱係開櫻花時節，個個都話去睇，所以先叫櫻花。

如果你咁都要計，咁咪玩XPRESS囉。
其實ROCHE都係香港車嚟O架，玩DESTINY都得架。

不過講開櫻花其實都有樣搞笑O野講。

櫻花雖然靚，但係佢O既枝節係非常脆弱，非常之唔襟吹，兩野就會吹斷，所以如果種係一O的多打風O既地方，多數都冇硬。
然後又因為好脆弱，枝節好易變形。所以大家見到啲櫻花都好矮，啲枝都係好奇怪拗曲，尤其係吉野櫻。

用嚟形容一架車的話.....咁就.......哈哈!

AMAT 發表於 2019-3-21 23:39
你要將櫻花同軍國主義掛勾就冇得好講。

櫻花本身唔係日本獨有，河津櫻就係中國O野嚟(原種係山櫻)。日本品 ...

呢d係歷史(https://kknews.cc/history/8lozlvq.html)，不是抗日劇或任何人作出來，做生意最忌踩這些界線，不宜觸及這些歷史傷口，作為消費者見到有這個問題順便提出吓，目的只是想3racing更好，如果衰在個名稱上實在可惜。
而且車場上"SAKURA"這個名都不太好，師兄們譯音為"三姑奶"，人地話"你今日又揸三姑奶呀？！"，感覺真係幾尷尬

tc3driver 發表於 2019-3-22 12:46
呢d係歷史()，不是抗日劇或任何人作出來，做生意最忌踩這些界線，不宜觸及這些敏感議題，作為消費者見到 ...

我只可以講，你呢個係你個人以為O既歷史唧~
不過廢事同你拗。

因為連架車有個花名都要講係一個問題嚟。
其實我個人覺得唔係架車個名問題，係你個人唔鍾意佢的話，佢改乜名都係冇用，你都係唔鍾意。