吹水: 玩搖控模型老年化?

感覺好似越泥越少人玩, 玩得既又都係老餅局多。有冇辨法推廣傳承一下。

多推廣玩入門車減小一步到位,等班新手享受左玩車樂趣來源不是一味快!!!
久而久之佢地就自然會長玩!

G66 發表於 2019-9-17 17:51
多推廣玩入門車減小一步到位,等班新手享受左玩車樂趣來源不是一味快!!!
久而久之佢地就自然會長玩!
...

應該唔係入門車問題，香港只有3個免費場，唔係玩開都唔知場地，就算知車程又耐，你住天水圍出JV，都要2粒幾，所謂推廣只係一些活動，一班像真車玩家聚會。

後生仔唔玩，唔係因為架車快定慢，係因為有太多其他輕鬆又唔駛晒太陽嘅HOBBY俾佢地揀，點解要咁辛苦走去餵蚊晒太陽。
唔好係屋企坐梳化玩GT，又有得打世界賽添。

同埋宜家啲小朋友，父母安排一大堆嘢俾佢地學，邊有時間玩?

玩得O既，都係出咗嚟做嘢嘅多，又或者真係好有興趣果啲。

所以少後生仔，一啲都唔奇。

如果香港政府肯搞一個有冷氣室內嘅，仲要係市區嘅，咁就有得搞。

免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地'變左私人賽車埸，賽車嘅嘢唔小心有d碰撞好正常，果幾百或幾千未賠返俾你囉，咁嘅氣氛仲邊有年青新手去繼續玩落去……

唔好話RC，砌電腦都一樣，行黃金商場多數都係大叔、阿伯。

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

我個人就會用呢個心態去應對，疑似高手嘅師兄d態度：
1. 粗言穢語係佢地既溝通語言，正如我都講粗口。
2. 碰撞一定有，但盡量控制自己既失誤。其實賽車就係鬥失誤少。
3. 車速快唔等於手車好。相反，我車速唔夠你快但線位每次都拎得好，你唔一定過到我；而且你越追得我貼。變相推我跑得更快更準。


另外對於玩遙控模型老年化問題，其實唔係無年輕新車手。只係對比玩開車既師兄人數上唔成正比。
而且好似AMAT師兄咁講:
1. 後生個d打機好過。點會日曬雨淋玩車。起部遊戲機入面set架車又得，又唔怕撞爛要換零件。
2. 父母又要小朋友學呢樣學個樣，俾錢去學對學分/業幫助大過玩車，而且落公園玩都分分鐘無時間，仲點會燒錢玩車。
3. 時下娛樂種類太多。


其實我上網睇到都有學校會有攪學會去玩車。不過長遠想多d後生既入氹，可能真係要多d起學校入手推廣。繼而好似電競咁，成為一種運動。

個人意見，請各位指教。

想當年,攞住隻PCM控上山玩Glider要互報頻道,好多小朋友一齊玩何其熱鬧, 諗起都有D稀虛。

宜家啲廢青中學生大學生玩民主同自由,玩政治,好少玩車了,紅正黑負都唔識

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

私人場都有人咁O架。

正所謂如果有人咁問候你，有兩個方法，一係就問候返佢，一係同職員講。
係康文署管理嘅場地到講粗口，係犯法，要罰款嘅。

其實果啲人都係欺善怕惡，駛理佢咩。
不過係任何車場玩車，都要有人俾人撞爛嘅心理準備。

如果有人真係有心撞你，咪走去話佢囉。

我覺得其實可以攪下砌車工作坊, 由D(退休)老手栽培下D新手好似我呢D。

phariseelee 發表於 2019-9-19 14:16
我覺得其實可以攪下砌車工作坊, 由D(退休)老手栽培下D新手好似我呢D。

Good suggestion

搞乜工作坊都冇用。

早排有資深車手搞工作坊呀，最後咪又係得小貓一兩隻。

其實個重點係宜家實在太多玩意喇，而呢啲玩意係唔駛出街係冷氣房玩都得，去邊到玩都得。
一大班人玩手機遊戲都唔出嚟玩車。

呢個係時代轉變，冇辦法。

除非你話玩遙控車可以當係學分O既，一大班人仆住出嚟玩。

AMAT 發表於 2019-9-20 15:12
早排有資深車手搞工作坊呀，最後咪又係得小貓一兩隻。

其實個重點係宜家實在太多玩意喇，而呢啲玩意係唔駛 ...

咁等我仔仔大D我親自推廣比佢 再教埋佢影黑白相, 沖菲林同哂相。

phariseelee 發表於 2019-9-20 15:51
咁等我仔仔大D我親自推廣比佢 再教埋佢影黑白相, 沖菲林同哂相。

大把人想個仔一齊玩....結果多數都係好失望......
好難逼自己啲小朋友玩O架喇~

各個車場都多自 hi old sea food不停放電, 新手想玩得有樂趣其實真係好難，仲好意思話啲後生.....

chui 發表於 2019-9-21 21:17
各個車場都多自 hi old sea food不停放電, 新手想玩得有樂趣其實真係好難，仲好意思話啲後生.....  ...

唔係好同意呢啲講法。

佐敦谷唔係成日有人，渡船街都唔係成日有人。

就算有人，人地玩完一轉停車充電抖抖，都實有時間俾其他人玩。


關乜嘢老手新手事?

AMAT 發表於 2019-9-21 21:39
唔係好同意呢啲講法。

佐敦谷唔係成日有人，渡船街都唔係成日有人。

哦！

michaelxl2000 發表於 2019-9-17 23:55
免費車埸有d疑似高手嘅師兄d態度好差，我見到有d新手揸慢d，少少碰撞就可能會粗言穢語去問候你，公家場地' ...

我同阿仔去過兩次，阿仔都話唔想再去。